Rasul 13:29 - Eipomek

²⁹ Allah yupu laka nyana nang nabi nang arye, Yesus ati sekamik yupu atonun, atalak ninye arye aning nirya akunum winibikura, dibukba, Yesus dib tenebik nang arye, wanwanun yo deice arye el nong dobuka, ninye weilamak keil deiya pum bisik weibik.

Rasul 13:29 Referans Kwoze

Lukas 23:53

Morobukopura, Pilatus arye Yusuf ati, “Telebe Yesus nong dobuka daweilbilyame,” nyabuk. Nyabuka ati, Yusuf ara mitang teleb lyan baju dekukce, wanwanun yo deice arye Yesus nong dobuka namin cang baju arye kitibuka, keil lukamika pum dongobuk. Keil deiya pum, yuk nang ton dipne babye, asukum kum weilamik.

Yohanes 19:30

Arebikbuk, Yesus arye, aning akunum mitik anun dibukopura, ayupu nyabuk. “Winira akunuma,” nyabukce, adiparyuk el ngang yalyaling apsakukce dibuk.

Yohanes 19:28

Yesus daunmoka ani, ura, ‘Aning-aning nirya akunum winipmaniake,’ tenebukce, tonda, ‘Minop talak nabi nang arye, Allah yupu sekamik ning ara, atalak nong upnul’ tenen, ayupu nyabuk. Yesus arye, “Na mek patapnile,” nyabuka morobuk.

1 Korintus 15:4

Nun wenena ati Allah arye, oplopsutu bukni, nun pununa ati, Yesus obikbuk, dibukopura, el weinak ati el nong dobuka keil deiya pum bisik dongobik. Dongopmeka ani, like winilye sum daunmoka ani, like winilye sum akunum ubukopura, Allah yupu noutamak sekeiyamsik touk, Allah arye, Yesus kam bukeibukba, kam tuba ulule.

Rasul 5:30

Anggun yupu arye nyapluma ati, yuk nang arye Yesus wanwanun yo deice deibikura, obike. Deiyok ara, anggunca. Winiplum bukni, nun apu yapu talyamikce, si erelamik Allah arye, Yesus tamubuka kam bukeibuk.

Lukas 24:44

Yesus amekin bal dibukopura, ayupu nyabuk. “Na ap, anggun neika ulamuburye, nyalamsise yupu ara, tonap nyapnusine. Yata yupu do nirya, Musa sekamuk yupu ap, Allah yupu laka nyalamik nang, nabi-nabi sekamik yupu ap, Mazmur noutamak sekamik yupu ara, nati sekeiyamnik touk dipkoprop upnamle,” nyabuk.

Rasul 13:27

Sik Yerusalem mutuku nang ap, sik deiyok nang ap arye, ‘Yesus ara, nun lyesululnye ani,’ kum tenelamik bukni, sik Yesus obik talak ara, Allah yupu laka nyalamik nabi nang arye, “Winipnamake,” nyabuka sekamik yupu atonun winibik. Allah yupu laka peteren nang arye sekamik yupu ara, nun Sabat sum deice nirya arye Allah yupu peteren nang arye nyasinyake.

Rasul 4:28

Minop talak, an mikip arye, ‘Winipnamak’ teneplum touk, aninguk Yesus ati akunum winibik.

Rasul 2:23

Ura, minop talak Allah arye, ‘Sikce Yesus ati winipnamake,’ akunum tenyamuk ati, min kum winipmok talak ara, el akunum tenyamukce, kel bikamuka anya arye, ‘Yuk nang arye, Yesus dobuka, sikce opnamak’ tenen, malye nang arye, Yesus dobuka anggunti arepsike. Aripsikura, sik yuk pia malye ulamik nang meilyamika arye, Yesus dobuka, wanwanun yo deice deibikce, paku dakuka, Yesus obikura, dibuke.

Markus 15:42

Yahudi yala nang arye Allah si erena ati, ‘Pil dona kum aniryuk, dikdik sena ati, Sabat sum deice Allah el siuk erepnamap’ tenen, dikdik selamik sum upnamoka ati, sik kintinilamik sum akunum ubuk.

Lukas 23:50

Yesus akunum dibukopura, tonoknye el si ara Yusuf, elda Arimatea mutukunye birye, ‘Yesus weilbinune,’ tenebuk. Yusuf Arimatea mutukunye bira, Yahudi yala nang, sik yupu bokolina deiyoknye ton ulamukce, teleb ubuka diksukumuk ulamuk.

Rasul 26:22

Bukni, minop talak danyapce, ubuka wini talak babye, Allah melilamnukba, ulamsa ani, wini talak babye tuba wininune. Wininuna ati ara, arup uk ara, atikman akarye, talye bona utotoa talina kum ninye babye, sisinanye babye, sik kekena ati, ayupu dipkoprop yupu uk lak nyanmasine. Ara, Allah el yupu ap, aminyan winipnamuk ning ap, ati lak nyalamik nang Nabi nang ap, Musa ap arye, “Dipkoprop winipnamle,” nyalamik yupu uk peterelamse. Narye tenepse yupu uk tabakuka kum nyanmasine. Na nyanmasin yupu ara, sik minop talak ulamik nang arye nyalamik yupu atonun yupu nyanmane.