Rasul 12:9 - Eipomek

⁹ Nyabukura, wenena aik pum bisik arye, Allah el im deice pil donanye, malaikat menekuka bayukura, Peterus aminyan dobolbiyukura, buru tam birik. Peterus buru tam biyuk bukni, ‘Dipkoprop bina do, kum do?’ tenepdayukce, ‘Kume lengdar deice aryuk buru bine,’ tenebukce, teniltonauk ubuk.

Rasul 12:9 Referans Kwoze

Mazmur 126:1

Kanye delina deice arye, amot nyabik. Minop talak Babel mutuku nang arye, Israel ninye weik arye, tomobuka bobinamik bukni, Allah Yahweh arye tamubuka, Sion mutuku yanuka deipsuke talak ara, ninye arye, lengdar deice eipmace ning ati, kanye lopliba, sik ninye kanye delilamak touk, ubuka kanye lopsuke.

Ibrani 11:8

Ura, minop talak Allah arye Abraham ati, “Auminye mutuku batakuka, na arepnamkin mutuku binamlyame,” nyabuka, yukubukba, Abraham kekebukce biyuk. Elda, ‘Na binamne mutuku anye’ tenen, moubuka kum tenebuk bukni, el diba tenelamuka deice aryuk kekebukce adiparyuk biyuk.

Rasul 26:19

Nyabukopura, Paulus arye ayupu ton dukdongobuka nyabuk. Aning ara, Paulus arye ayupu ton nyabuk. Aning ati ara, na ni Raja Ageripao, im deice arye lengdar atonun dopkwetepnukura, eipsirye nyapnuk ara, kum batakse. Yesus arye nyapnuk touk tuba wininune.

Rasul 10:3

Winilamuka ani, tonok sum arye sintam kibukura, tuba bukmok talak arye, lengdar malamaka atonun ning eibuk. Eibukce im deice Allah pil donanye malaikat laka eibuk akarye, anye bira Kornelius dam yayukopura, nyabuk. “Korneliuso,” nyabuk.

Kejadian 45:26

Biyikce elti, nyabik. “Yusup bira, tuba kam ulule. Aninguk kum bukni, Mesir mutuku nirya, weik deiyoknye kibuka talibuke,” nyabik. Nyabikopura, Yakub bira lukdaukce, yupu kum nyapmanto ubuk. Elda sik nyanmek yupu, diba kum tenebuk.

Rasul 11:5

Nara, Yope mutuku ulamse talak ara, Allah moronmasi talak ara, lengdar malamaka atonun ning arye aning eipse. Eipsirye, dinmasibuk, im deice arye baju pala atonun ning arye yangabuka mouse dana-dana talibukce, nimalye dopketepnin yanganmoka ani, na dam boyanuka tikukura, eipse.

Rasul 10:17

Welebukura, Peterus arye el lengdar atonun dinmok ning ati, ara ‘Yata wirina ati do? Aning eipmana anya arye yata wiripnaman do?’ tenen, pia tenenauk unmoka ani, Kornelius arye dopdeibuk nang ara, ‘Simon aik ani,’ nyabikura, kekebikce, Simon asik dam poka buplan bisik dam tikilyayik.

Rasul 9:10

Ara, Damsyik mutuku noutamak tonoknye el si ara, Ananias, Yesus ati dib tenebuk akarye, Yesus el winilamuk ning nirya dobukabukce, piribuka kel kiyamuk. Ananias tuba bukmok bukni, nun ni Yesus lengdar deice atonun arye Ananias ati yanuka nyabuk. “Ananiaso,” nyabuk ura. Ananias kekebukce, ‘Kekepnun’ tenen, tamubuka, “Wo naio,” nyabuk.

Yohanes 2:5

Nyabukura, el lin birye, anyaik pil melinang ati, “Yesus arye nyapsil yupu uk, adiparyuk kekebuka winiplulume,” nyabuk.

Kejadian 6:22

Allah arye Nuh biti, “Aning winipnulyame, aning winipnulyame,” nyapdeibuk touk, Nuh birye, aninguk winibuk.

Rasul 12:8

Winibukura, Allah el im deice yupu lak lenanye malaikat birye, Peterus ati nyabuk. “An deiayatinga deipmince yan ongona ongoplyame,” nyabuk. Nyabukura, el nyapdeipmok touk Peterus arye winibuk. Winibukura, im deice lak lenanye malaikat birye tonap nyabuk. “An balye tam baju ongopdopmince, na menekuka banye bisikuk an aminyan dobolyanulyame,” nyabuk.