Rasul 12:2 - Eipomek

² Herodes arye anang ati, ikin ning delilamuka ani, elce yin nang nyapdeibukura, sikce parang ya dobuka, Yohanes el du Yakobus obik

Rasul 12:2 Referans Kwoze

Ibrani 11:37

Ton nang ara, yuk nang arye keil dobuka, sik nong deice cobuka olamikba, diplamik. Ton nang ara, gergaji dobuka, sik nong noutamak sekeltaklamik. Ton nang ara, parang ya arye sekuka olamik. Adiba tenelamik ninye, tuba kam ulamik talak ara, pia bona utotoa kum ninye ulamik. Sik baju kopropa kum ati, domba bol ap, kambing bol ap, wibuka ongolamik. Aning-aning nirya kum talyamika anya arye, se tenenauk ulamukba, malye nang arye, ‘Sik diba tenena ninye ara, nun like’ tenen, ikin ning weik sik nong deice delilamik.

Matius 20:23

Nyaprikba, Yesus arye tamubuka nyabuk. “Na nong deice ikin ning deipnamniyaka ap, na donamna ap, dipnamna ap, nirya ara, aminyan talak anggun babye atonun wininamrum bukni, na tukwak mutuku tamubuka yanirye, aning-aning nirya talinamne talak, na kwanim taruk tam ap, sirik taruk tam ap bukuka weik deiyok nang una ati ara, narye aning kum arepsitinye. Narye anggun ninye deiyok nang una ati, kum dopdeipsitinye. Na dana-dana tam deiyok nang kibuka bulyanamak nang ara, na ni Allah arye tenyamukce, kintinibuka wipdeiamuk nanguk, aminyan talak anang wipdeiplyopura, na dam bulyanamdake,” Yesus arye nyabuk.

Markus 10:38

Moroprikba Yesus arye tamubuka nyabuk. “Anggun asipdenmanurum ning ara, deiyok kum tenepmarume. Na nong deice ikin ning weik deipnikcebuk, na donamne touk, anggun babye atouk dopturum do? Tonda, na nong opniceura, dipnamne touk, anggun babye, atouk dipturum do?” nyabuk.

Markus 10:35

Ayupu nyabukura, Zebedeus el mapu bitinye Yakobus ap, Yohanes ap, Yesus dam yarikce, ayupu nyabuka moroprik. “Naio, nun patapmasil ati, moropnukinam ning ara, ance winipnamsilame,” nyabuka moroprik.

1 Raja-Raja 19:10

Asibukba, Elia birye tamubuka Allah ati nyabuk. “Na ni Allah an si Yahweh ulyame. Anda mikip weiknye umince, aning-aning nirya deice tam ulyame. Nara, asum-asum nirya an nyapdeamlum yupu uk talibuka unirye, pia pi dobuka an pil ati mikip aryuk donune. Bukni, an mapu Israel ninye ara, ance, ‘Aning wininamlume, winipmunyopura, narye kalikuka melinamsine,’ nyapdeipsulum yupu akunum yaniplobikce, malye winin ninguk wininyake. Tonda, sikce an si erena ati, kam ning obuka, telebe nyabuka, arelyangalamkikce, pala keil lelebuka yangapdeiamik ning ara, akunum daklomike. Tonda an yupu nyapdeipminba lak nyanyak nang, nabi-nabi nang nirya ara, yayikce bobuka akunum obuka sirya dakik. Winipnin yangalamika ani, wini talak ara na tonok unune. Bukni, sikce natibuk ‘Opnamap’ tenen, kalikininyake,” nyabuk.

1 Raja-Raja 19:1

Ura, ninye deiyoknye Ahab birye el kil Isebel kekenmokak binuka nyabuk. “Isa Mutuku Dongonye si erelamikce isa yupu lak nyalilamik nang, sik malye nabi-nabi nang nirya ara, Elia birye nyapdeipmokba, ninye arye ya dobuka oplobik.” Tonda Karmel mutuku deice Elia birye wininmok ning nirya babye, lak nyabuk.

Yeremia 26:23

Anang arye, nabi Uria dobuka, tuba tamubuka, ninye deiyoknye, Raja Yoyakim dam boyayikopura, elce, ‘Anye bira oplulume,’ nyabukura, parang ya dobuka, Uria obik. Obikopura, talye ninye weilbalamikak, binuka donokik. Ara, weina kum diparyuk, el nong talye donokikce, batakik.

Markus 10:39

Nyabukura, sikce tamubuka nyaprik. “An donmaminya dipnalam touk, nun babye, atouk winiptinimnye,” nyaprik.

Rasul 12:1

Atalak ara, amutuku weiknye deiyoknye, el si ara, Herodes, elce deiyok kibuk akarye, Yesus dib tenebik nang tonok-tonok ati, ikin ning sik nong deice deililamuk.