Rasul 11:4 - Eipomek

⁴ Ati, im deice arye yayukura, aning nirya libmok baju ap, malaikat arye elti, nyabuk yupu ap, Peterus arye aning nirya dinmok anyak, winibuk ning ap, elce minopce eibuk ning nirya ap, kekebuk ning nirya ap, anyapce dukdongobuka, ayupu nirye dipkoprop winipmok touk, sik Yahudi yala nang ati lak nyabuk. Lak nyabuk akarye ayupu tonap nyabuk.

Rasul 11:4 Referans Kwoze

Lukas 1:3

Aning ati ara, na babye, ‘Yesus el pil deiyok koubuk talak arye, lilibuka biksirye, deiyok koubuk talak arye, dipdongobukce, sirya dakuk tam nirya, Yesus arye petelamukce, winilamuk touk, aning nirya sekdeipnamne’ tenen, sekuka deipse.

Rasul 14:27

Birikce, sik nyaprikura, amutuku diba tenebik nang bulubuka wekikura, sik Allah arye meilyamukbuk sik dolamrik pil nirya ara, laka nyaprik. Tonda, “Allah arye talye Yahudi yala kum ninye ati, ‘Diba tenepnamake,’ tenebuk talakuk, akunum upmale. Ati, Allah melipmalbuk akunum diba tenenmake,” nyabuka, ayupu ton laka nyaprik.

Amsal 15:1

Ninye ton yu tenebuka malye yupu arye, yupu nyabuka walace talak ara, sik yupu tamubuka nyapnumunyopura, nimalye aryuk nyapnin bamunce, teleb yupu uk tenebuka nyanamlulume. El ti tamubuka nyapnumunyopura, derelana deice arye, pia kum nyanamlulume. Talima nimalye arye, tamubuka nyapmunyeura, yu unmalinye babye, teleb kanye bonamle. Bukni, dereldanmace talak arye, tuba yu yupu uk tamubuka nyaldamunyopura, atonun yu yupu nyapdanin bamunba, aninguk weik kipnin banamsile. Ara, minopce deiyok koubuka yu nyanmalinye ap, tabakuka nyanmalinye ap, yuk nang nirya babye kekenmamunce, melibuka dereldana uk unamlume. ‘Winipsilyak’ tenen, ninye dereldan talak ara, kanye talima namin asa aryuk, teleb yupu nyanamlulume.

Markus 4:34

Ninye nirya ati ara, Yesus arye peterelamuk talak nirya ara, domona yupu deice ton peterelamuk bukni, elce wipdeibuk mapu 12 nang ap, sik yuk ulamik talak ara, peterelamuk ning nirya, lak deice arye laka nyabuka nong noutamak ning babye, peterelamuk.