Rasul 10:6 - Eipomek

⁶ El Peterus ara, yuknye ton asik unmale. Simon domba bola kintinibuka baju wilulnye ap, neika ururake. Simon, el aik ara, laut mekwen lilun tam aik dobuka ululnye atia.” Im deice pil donanye malaikat arye Kornelius ati nyabuk.

Rasul 10:6 Referans Kwoze

Rasul 9:43

Ara, Peterus ara, Yope mutuku ulamuknye, el si ara, Simon, domba bola kintinibuka deipmanabuk, kel-kel apnopura, baju wilamuknye, el aik asukum ara, mitik weik tonun neika pia ulamrik.

Rasul 9:6

Nyabukce ayupu ton nyabuk. “Tiklyame. Tikmince Damsyik mutuku asik dam noutamak biminyeura, an wininamlam ning nyapkiceura, kekepnamlyame,” Yesus arye Saulus ati nyabuk.

Yohanes 7:17

Yata ninye do nirya, sikce, ‘Allah tenenyamsukce, el yupu deice nyasilye touk, aninguk talibuka unamabe,’ tenebikirye dipkoprop ubicopura, kel biknamak ning nyapnusine. Na Yesus arye, na kanye aryuk peterenun do? Na Ni Koprop Allah arye nyanilye yupu uk peterenun do? Ayupu dobolbanyak ninyeuk kel biknamakca,” Yesus arye nyabuk.

Rasul 10:7

Malaikat nyabukce akunum biyukopura, Kornelius arye el pil melina nang bitinye nang ap, yin talyamuknye Kornelius melipmoknye ap, yukubuk. Ayin talyamuknye babye, Allah arye, ‘Wininamlume,’ nyalilamuk yupu pia talibuka ulamuk.

Rasul 10:32

Ati, ance ninye dobuka dopkwetepminyeura, Yope mutuku bikirye, tonoknye el si ara, Simon, ara, Peterus nyanyaknye bira, dobuka yanamnyake. El Peterus ara, Simon domba bola kintinipdeibuka baju wilulnye ap, neika ururake. El Simon el aik ara, laut mekwen lilun tam aik dobuka ululnye atia,’ nyapnuke.