Rasul 1:17 - Eipomek

¹⁷ Yudas ara, Yesus arye nun 11 nang wibdipsuk touk, el babye, wipdeibukura, neika ulamuburye, nun Allah ati donyap pil ara, el ap arye, apiluk neika dolamubu.” Peterus arye nyabuk.

Rasul 1:17 Referans Kwoze

Rasul 1:25

Yudas apil dolamuk bukni, malye winibuka ati, apil batakuka el wenena ati malyeto wenen ak binmale,” nyabik. Ara, ‘Allah arye ninye wenen ak malye ak bita deipnamimilca,’ tenebik akarye, nyabik

Rasul 21:19

Paulus arye, “Telebe,” nyabukce, yupu laka nyabuk. Allah arye Paulus ati meilyamuka deice arye, Yahudi yala kum ninye mutuku noutamak, Allah arye el mikip weik ning Paulus nong deice areamukba, adeice arye ninye kum winipmanto pil weik dolamuk pil nirya wibuka, tonok-tonok laka nyanmoka ani, sirya dakuk.

Rasul 20:24

Nun deiyoknye Yesus arye, pil arepnuk ara, Allah el kanye aryuk nun bico ati, Yesus deice lyepsilirye, talye melisulul yupu, el laka teleb yupu peterena pil arepnuke. ‘Apil nirya doptinirye, sirya daktinyopura, anyuk ara, pia teleb,’ tenenune. Yesus arepnuk pil ara, ‘Pia dopra balamnya ani, sirya daknamne’ tenen, na ona babye, dipna babye, telebe uka. Na kam una ara, ‘Na’ tenen, tenena kum arye, ‘Urtalya, daopnitinge,’ tenenune.” Paulus arye nyabuk.

Yohanes 17:12

Ura, na ap, na mapu ap, tukwak mutuku noutamak neika ulamubu talak noutamak nirya ara, weik mambul si arepnuluma deice arye, ‘Malye ning arye, na mapu malye uplyak’ tenen, narye na mapu ati kaliklamsiba, tuba teleb unyake. Sik anang nirya ara, tuba telebuk unyake. Tonoknye babye kume kum danike. Bukni, minop ulamik nabi nang arye, Allah yupu sekamik noutamak nyalye touk, ‘Nong upnamle’ tenen, tonoknye bira, na ap neika balamnumunye bukni, malye ubuka deice arye, el nong kum danamle. Bukni, an kele, minop talak tenyamlum touk, anye bira kum danamle.

Markus 3:19

Tonda, Yudas Iskariot ara, Yesus opnameka ati, yupu deililbiyuknye wipdeibuk. Obarye sekdongobuka utam nang 12 nirya ara, Yesus arye wipdeibuk.

2 Korintus 5:18

Aning nirya ara, Allah elcuk pil dosilirye, aresulule. Minop arye Allah yuk, nun ninye nirya yuk-yuk ulamuburye, el ap neika kum upmanto ulamubu bukni, Allah arye nun lyena ati, Kristus dopdeipsukba, el pil dopsuka deice arye, el ap ansinibdeipsukce, teleb kipdeipsuke. Ati wini talak ara, el ap neika uptibye. Allah arye wipdeipsukce, ‘Aninye nirya arye, na Allah ap, ninye ap ansinibuka neika teleb una ati, na laka teleb yupu nirya laka nyabuka peterepra banamake,’ tenepsukce, wibuka deipsukce, apil arepsuke.

2 Korintus 4:1

Aning ati ara, Allah el kanye aniryuk bicoe tenepsukce, melisilya deice arye, ninye lyena ati winiryuk nyalisulul yupu laka nyalbana ati, pil arepsuke. Winipdeipsukce, apil arepsuka ati, ‘Se, yata winiptibye do?’ tenena kumce, bouku kum sukupsiliba, kum batakanyabe.

Rasul 12:25

Antiokia mutuku ninye arye bulubuka deibik yo bok ara, Barnabas ap, Saulus ap arye, Yerusalem mutuku yanuka Allah diba tenelamik nang, sik deiyok nang areprikce, sikda tamubuka Antiokia mutuku uk birik. Sik binurika ati, kintiniprik talak ara, Yohanes, ara Markus nyalamiknye ton neika ansinibuka biyik.

Lukas 22:47

Yesus arye ayupu tuba nyanmok talak ara, Yesus arye wipdeiyamuk nang sik 12 nang kan-kan bukni, anye el si Yudas menekmokura, Yesus el tapu kupnamek nang weik arye aminyan yanganmek. Yanganmekura, Yudas arye, ‘Yesus mutupnun’ tenen, el dam tikilyayukura, Yesus arye Yudas ati asipdeyuk.

Lukas 6:16

Tonda Yakobus el mi Yudas ap, tonye ara, Yudas Iskariot, ara Yesus opnamika ati, inilbiyuknye wipdeibuk. Obarye arye utam nang 12 nirya ara, Yesus arye wipdeibuk.

Matius 10:4

Simon Patriot ap ara, Yudas Iskariot, ara, Yesus opnamika ati, yukubuka biyuknye ap, Yesus arye wibuka deiyamuk.