Rasul 1:1 - Eipomek

^1-2 Telebe, na kwit Teofilus, na minopce sekse buku noutamak ara, Yesus el winilamuk ning ap, el peterelamuk ning ap nirya, el deiyok koubuka akarye, pil dopranin balamuka ani, sirya wibuka dopdeibukura, el yupu dobuka peterelbalamik Rasul nang ati, Allah El Dib Kanye mikip deice arye, “Wininamlulume, wininamlume,” nyabuka akunum nyabukopura, im deice akunum welebuk ning nirya ara, akunum sekse.

Rasul 1:1 Referans Kwoze

Lukas 1:3

Aning ati ara, na babye, ‘Yesus el pil deiyok koubuk talak arye, lilibuka biksirye, deiyok koubuk talak arye, dipdongobukce, sirya dakuk tam nirya, Yesus arye petelamukce, winilamuk touk, aning nirya sekdeipnamne’ tenen, sekuka deipse.

Lukas 24:19

Nyabukura, Yesus arye tamubuka, “Yata ning ati nyapmanilam do?” nyabuka asipdeyuk. Asipdeyukura, sik bitinye nang arye tamubuka nyaprik. Kume Nasaret nang arye deiyamiknye, el si Yesus ati nyapname. Yesus ara talinye kume. Elda Allah yupu laka nyalamuknye nabi ulamuk. Tonda, Allah nyapdeibukura, Yesus arye nyalamuk yupu ap, pil dolamuk ning ap ara, weik mikip deice arye winilamuk. Ninye nirya arye aning nirya elilamuburye, ‘Anye bira mikip weiknye’ tenen kel bikamubu.

Lukas 3:23

Yesus deiyok koubuka peterepra balamuk talak ara, keting tamun yupu tonok kepdonye, taku barye akunum ubuk. Yesus el li bira, Yusuf tenelamik. Yesus el yok pununa nang si ara, ani. Yusuf el li si ara, Heli. Heli el li si ara, Matat.

Matius 11:5

Ara, nyapnululume. ‘Asing kuamlye ninye perekeipliba, elinyake. Aik bukamikce nang kwetelilulba, banyake. Barye suse atonun suse dilamlye nang kwetelilulba korokolsakalule. Amol kunukamlye nang kukeipliba kekenyake. Akunum dipmakce nang kam bulilule. Tonda ninye lyena ati, Allah el lak teleb yupu talya kankan ninye kekena ati peterepliba, kekenyake,’

Rasul 2:22

Nyabukura, ton ayupu nyabuk. Na kayapu, ayupu kekeplulume. Allah arye Nasaretnye Yesus dipkoprop wipdeibuk ning ara, laka anyapsuke. Ara, Allah el mikip aryuk Yesus melyamukbuk, Yesus el mambul pil ap, ninye kum winipmanto pil ap, dolamuk ning ap, ‘Dipkoprop Allah arye pil donmasile, tenepnamnyaka’ tenen, laka nyan ning deibuk ning adeice arye, akunum bikamubu. Ara, ‘Allah arye Yesus dipkoprop wibuka dopdeipsuke’ tenen, kel kebupu. Allah arye el mikip Yesus deice aribukba, Yesus el winilamuk ning nirya deice arye, ‘Allah dipkoprop Yesus wipdeipsuka ara, sik dib tenepnamak’ tenen, Allah lak akarye, lak nyapsuke. Anirya, anggun babye akunum kel kilulume.

Lukas 1:24

Birikura, daulamrika ani, Elisabet mi bobukce, el yuk aik pumuk wala pamubarye ulamuk. El yuk mutuku kum balamuk, tonda yuk kilapu arye uruna ati el aik kum yangalamik. Elisabet el yuk pia ulamuk.

Lukas 14:22

Nyabukura, el melinanye birye el nyapdeibuk touk, bisik bokolanak nirya banmokce, elinmok nang nirya bulubuka el li aik biyik. Biyikopura, amilinanye birye, el li koprop ati nyabuk. “Naio, ance nyapmanilam touk akunum winipman bukni, aik lo tuba upmale,” nyabuk.