Pilipi 4:2 - Eipomek

² Ara, yuk yupu ton nyapnusine. Ara, anggun bitinye kilapu Eyodia ap, Sintike ap ara, Yesus ap, talima dukdongobuka uptringce, ‘Wininaname’ tenen, ‘Tonok kanyeuk bobuka, telebuk unamrake’ tenen, nyapsine. ‘Wininamrurume’ tenen, anggun si Eyodia ap, Sintike ap, anggun bitinye ati moropsine.

Pilipi 4:2 Referans Kwoze

Ibrani 12:14

Ura, na kayapo. Anggun nirya arye, ‘Yuk ninye nirya ap, kanye deibuka neika ubibirye, malye winina ap, olana ap, yupu deice walana ap, aning nirya pia kum diparyuk, diksukumuk unamap’ tenen, pia pi dobuka, pirilenamlulume. Malye winina ning nirya, kum batakikirye, diksukumuk kum unyak ninye ara, nun Weik Deiyoknye Allah, el ap neika ansinibuka kum unamake.

1 Korintus 1:10

Ara, Yesus dib teneluluma ati, nun du weit atonun ululum nango, anggun sal babye, kilapu babye kekepnululume. Nun Weik Deiyoknye Yesus Kristus arye, nati deiyok arepnukbuk, el si deice arye, ‘Wininamlum’ tenen, morona atonun ayupu nyapnusine. Anggun nirya, anggun kanye tenena ara, tonok ninguk talibuka, kanye deibuka neika unamlulume. ‘Wininalum’ tenen, nyapdeipnamasin yupu ara, deiyok ani. Ara, anggun yuk-yuk ululum bukni, anggun tenelulum ning ap, anggunce, ‘Wininamap’ tenen, pil donamlum ning ap, ansinibuka utibirye, tonok ninguk talibuka ulamtumopura, ‘Kanye wililana kum aryuk, teleb kibuka neika unamlume’ tenen, nyapmasine. Ati “Tonok kanye bobuka telebuk unamlulume,” nyapsine.

Markus 9:50

Garam ua, teleb ning bukni, to teleb nyalamle ning kum uplirye, mitang nyaplyopura, yata wiribtumce tamubuka ua teleb ning keipdeiptum do? Aning, kum winipmanto atia. Aning atouk, na nong ap, na yupu ap, diba tenebuka talipmunce, nauk dobolyanganamnululume. Ninye arye, ‘Mula ning teleb upnamle’ tenen, garam ua dongolamak touk, anggun teleb wininamlum ning, ani. Yatanye birye, ‘Na weiknye upnamne do?’ tenen, nyaldana kumce, na ap, na yupu ap, talipmunce, kanye tonokuk bobuka neika unamlulume. Aning ara, telebe uka. Yesus arye nyabuk.

1 Tesalonika 5:13

Anang ara, weik mambul pil dosinyaka anya arye, anang ap neika umunye talak nirya ara, sikti, “Telebe,” nyabuka, weik arye kipmunce, sik si erenamlulume. Anggunce, sik deiyok nang nirya ati, bico tenebuka, melinamlume. Anggun nirya arye, yuk nang nirya ati, nimalye arye teleb ubuka neika unamlulume.

Kejadian 45:24

Yusup winibukopura, el du yapu banuyik talak ara, nyabuk. “Bisik noutam banmamunye talak ara, yu upsiliba, yupu deice arye walana kume. Talya mangkau kanye bobuka binamalulume,” nyapdeibukba, bisik banmek.

Pilipi 3:16

Kanye yuk tenepmunyopura, lakak nyanamsil bukni, weik mambul ning ara, nun akunum kel kibuka diksukumuk unyap ning ara, ila tamubuka batakna kum, aninguk pia talibuka dobolbanamnyabe. Ila tamubuka tonap, talye-talye kum wininamnyabe.