Pilipi 2:24 - Eipomek

²⁴ Tonda, na ap, nun Deiyoknye Yesus ap, talima dukdongobuka unyamce, tenenune. Ara, Yesus arye winibuka tenepnutopura, na babye, anggun dam dilyanamsine.

Pilipi 2:24 Referans Kwoze

3 Yohanes 1:14

Deiyok ara, ani. ‘Anggun dam yanirye, sik nong ton eipnamsine,’ tenebuka patanulul ati, anggun dam yanamne talak ara, neika bukibirye yupu sisikinamabe.

Pilemon 1:22

Pia patanilye ning ara, ance nati, Allah moromemnye touk, ‘Allah melinilya deice arye wenen aik pum bisik arye lopdeipnitingba, anyaik batakuka, an dam tamubuka yatinye’ tenen, pia tuba tenenune. Ati, ‘El yanamle do?’ tenen, an ninye asik nang man aik kintinipnamnilyame.

2 Yohanes 1:12

Ura, narye anggunti, yupu weik anun ton seksitinye bukni, kertas ap, sekna ning ap deice arye, sekuka kum nyapnusine. Aning kume, nara, ‘Se, winipnamne,’ tenenun ara, nyanune. Ara, ‘Sik ap, na ap, nun kanye pia deipdatibye’ tenen, ‘Uruna ati, na yanyopura, mening dam aulamtibirye, yupu sisikilalamtibye,’ tenenune. ‘Winiptinyopura, kanye pia deipdatibye,’ tenenune.

Pilipi 2:19

Nun Deiyoknye Yesus Kristus arye, “Teleb ur winiplyame,” nyapnutopura, narye, ‘Wininamne,’ tenenun ning laka nyapnusine. Ara, ‘Timotius ara, anggun Pilipi ninye, anggun mutuku minopce dopkwetepnamsine. Timotius dobuka, anggun mutuku dopkwetepnibuk, elce anggun melibuka daulamlye ani, tamubuka na dam yanamle.’ Yalirye, “Anggun Pilipi ninye wininyak ning ara, ani-ani,” nyabuka, laka nyapniliba kekepnirye, ‘Na kanye deipnamne,’ tenenune.