Pilipi 1:3 - Eipomek

³ Na Paulus arye anggun nirya ati, tenesinye talak nirya ara, na anggunti, “Na ni Allah telebe,” nyabuka morosunune.

Pilipi 1:3 Referans Kwoze

1 Korintus 1:4

Na Paulus arye, anggun Korintus ninye ati tenenirye, Allah ati, “Pia telebe,” nyanune. Deiyok ara, elce anggunti, Yesus Kristus ap kanye dukdongopsuka deice arye, el kanye aryuk bico tenepsukce, nun melina ati, talye arisilye ning ara, weik arye talye arepsuke. Aning ati ara, narye anggunti tenesinirye, “Telebe,” nyabuka, Allah morosunune.

2 Timotius 1:3

Na apu yapu arye, Allah el si erebuka, el piluk dolamik touk, na babye atonun, na kanye talima noutam ara, malye ning duknuna pia kum arye, Allah el pil ati pia diksukumuk unirye, pil donune. Atalak noutamak nirya ara, keting noutam babye, lukunyan babye nirya, Allah ati moronye talak noutamak, anti tenekinirye, kanye deibuka Allah ati, “Telebe,” nyakunune.

1 Tesalonika 3:9

Allah ap kanye dukdongobuka neika unyap noutam talak nirya ara, anggunti tenebibirye, kanye deibuka unyabe. Pia pin-pin kilisululume anya arye, yata ubuka arye, afinfin ulisulul ning ati, nun ni Allah ati, “Telebe,” nyabuka deiptibye do? Weika arye, “Telebe,” nyaptibye babye, aning deice arye, pin-pin kipsulum ning ara, kum punupsetibye.

2 Tesalonika 1:3

Allah moronyap talak nirya ara, anggunda, nun weit yapu atonun ululum nang ati, tenebibirye, Allah ati, “Telebe,” nyabuka, anggunti Allah morosenyabe. Winibuka, wininyaba ara, teleb aryuk wininyabe. Deiyok ara, anggunce Allah ati, diba tenemunyopura, anggun kanye talima wisisilye ning apura, anggun nirya arye, anggun ap, neika unyak nang nirya ati, bico tenebuka, melinauk winilulum ning ap ara, pia tabakuka weik upnin banmasile.

Roma 6:17

Bukni, narye anggunti tenepnerye, Allah ati, “Telebe,” nyabuka el si erenune. Wininuna deiyok ara ani. Ara, minop talak anggun Roma mutuku ninye ara, malye una deiyoknye birye tapu kouamsukba, el amutamuk ulamlumce, pia malyeuk ulamlume. Bukni, wini talak ara, nunce Allah el yupu peterelamsupu touk, kanye bokoltona kumce, anggun kanye talima nirya arye, adipkoprop yupu talibuka diksukumuk ululume. Wini talak ara, Allah elcuk anggun kanye talima pum tam talisiliba, el amutamuk bukuka ululume.