Penghotbah 8:4 - Eipomek

⁴ Aning ara, talye ati kum nyapsine. Deiyok ara, ninye deiyoknye Raja arye, “Winipnamne,” nyalul yupu nirya ara mikip weik ulule. ‘Winipnamne,’ teneplyopura, adiparyuk aninguk wininamle. Ati, yatanye birye, ninye deiyoknye Raja ati, weneplirye, “Anda yata wiripmalam do,” nyabuka, elce nyalul yupu kekena kumce, mania kanye bobuka, yupu sekting do? Kume, aning kum winiptibye.

Penghotbah 8:4 Referans Kwoze

Ayub 9:12

Tonda, nun ninye tukwak nang arye talinyap ning do, talye daupmalye ning do, Allah arye, ‘Na dopropnune,’ teneplyopura, nunce Allah ati, “Aning ara, dolona kume,” nyabuka, yupu sektibye do? Pia yupu kum sektibye. Tonda, nun ninye arye, mania kanye bobuka, Allah ati, “Anda yata deiyok ati, apil donalam do? Ance awininalam ning ara, yata deiyok ati winipmalam do?” nyabuka, kum asiptibye.

Daniel 4:35

“Ninye tukwak mutuku unyap ninye nirya ara, weik konop nang ton, kum unyabe. Kume, an mikip atonun nang ton, kume. Allah ancuk, an pil don nang, malaikat taliplum ning babye, tonda ninye tukwak mutuku nirya taliplum ning babye, an tenelyam touk ulyame. Ati ara, yatanye birye ton, an mikip yanipkutu do? Tonda yatanye birye, wenena atonun an winipminya ati, ‘An yata deiyok ati winipmalam do?’ nyabuka, asipdekutu do? Pia kume.” Nebukadnesar birye nyabuk.

Roma 9:20

Aning asipdenutum bukni, anggunti tamubuka nyapsine. “Kume, anggunda talye tukwak ninye ululuma anya arye, Allah ati yata wiribuka, asipdetumce, elti, wenena yupu nyaptum do?” Nabi Yesaya birye sekeiamuk touk, ayupu dobuka, anggunti nyapsine. Elce sekuk yupu ara ani. ‘Allah arye kwepdeibukba, talye aulul ning aning-aning nirya arye, aning-aning nirya kwepdeiamuka deiyoknye Allah ati, “Anda yata ati, na unye touk kwepdeiamnulm do?” nyabuka, weneptu do? Kume, aning ara kum winipmantoe.’ (Yesaya 29:16)

Amsal 20:2

Winipmanto ara, bai tam ulamle kuse atonun ning, el si ara singa kuse pia weik ning, yu uplirye, nguru-nguru alamle touk, pia ninye deiyoknye, Raja el yu ara, aning atonun ulule. Ara, pia yu weik singa kus arye, ninye olamle atonun, sik Raja nang babye atonun, malye unyak ninye ati, yu upliba wenenyake. Ati yatanye birye aRaja ati, ‘Yu upnutu’ tenen, dulsusulamlanye bira, el bidamnye arye, el mining atibuk olilalule.

Amsal 19:12

Tonda, ninye deiyoknye Raja, weik arye yu upliba wana ati, weik arye nyalul yupu ara, weik yu kus, el si ara singa arye, weik yupu nyapliba, ninye nirya ilil weik ulamle touk, ulule. Raja arye yu upliba, ninye talye lukparabuka olula ati nyapne. Bukni, ninye deiyoknye Raja arye, yuk nang ati kanye deiplyopura, winipmanto, mutmuta deice, mok dumduma sakmalirye, palipmaliba, teleb ulamle touk, winilule. Raja arye, el kanye delilul ninye ati, teleb kibuka melilula ati nyapne.

Daniel 3:15

Wini talak ara, anggunce aning si erena ati, kintinipmalum do? Pong-pong ana, aning-aning nirya arye, lelim weik taplyopura, anggun nirya arye, aning si erena ati, akunum kintinipmalum do? Kintinipmamunce, aning ati si erepmunyopura, teleb uka. Bukni, anggunce, ‘Aning nun kum si erepnuyabe,’ tenepmunce, si kum erepmunyopura, anggun tapu koubuka, weik uku buk pakanmalyak noutam dongopnamsine. Uku buk pakanmalyak noutamak dongopmasinye talak ara, yata minop kwemdina ning ton aulamtopura, yanuka lyepsutu do? Pia kume.” Nebukadnesar birye, Daniel ap, el kwit capu, sik bitinye nang ap ati, nyabuk.

Amsal 30:31

Bitinye ning ara, yim kambing basam ap, winilye ning ara, yim ayam nirya ap, sik nirya mikip arye banyak talak ara, kisok erebuka kwalilamake. Dumbarye ning ara, ninye deiyok nang, sik Raja nang arye, ‘Na yin talin nang ap yuk mutuku ninye olbinuyap’ tenen, menekuka banmaleba, sik amu tam nang nirya melibuka banyake. Anyapmasin ning nirya ara, urasin teleb ubuka banyake.

1 Raja-Raja 2:46

Ayupu nirya akunum nyabukopura, ninye deiyoknye Raja Salomo birye, Benaya biti, “Aning ara, winipnulyame,” nyabukba, Yoyada el mi Benaya, adiparyuk biyukce, Simei obukba dibuk. Atalak noutam nirya ara, Salomo elce amutuku noutam nirya talibuka telebuk ulamuk.

1 Raja-Raja 2:25

Anyabuka ati, Raja Salomo birye, Benaya biti, “Aning ara, winipnulyame,” nyapdeibukba, Benaya birye, Adonia binuka obukba, dibuk.

Keluaran 1:18

Winilamdikba, Firaun kel bikukce, akilapu bitinye ati, tamubuka nyabuk. “Yata ati, sal mapu nirya ara, batakarumunyeba, kam tuba unyak do?” nyabuk.

2 Samuel 24:4

Nyabuk bukni, Yoab adiparyuk, el deiyoknye Raja Daud birye, nyapmok touk winibuk. Ati Yoab ap, el amu tam bukni, yuk yin talin nang, sik deiyok-deiyok nang nirya arye, Raja Daud ulamukak arye, bai tam binmekce, ‘Sik Israel yala nang yupa, yata barye unyak do?’ tenen, sik ulamik mutuku nirya nukul biyik.

1 Raja-Raja 1:30

“Na kilo, anti mince, ‘Winipnamne,’ nyabuka nyalin yupu nyapkise touk, arup arye dipkoprob winipnamne. Ara, ‘Na dipnyopura, na pununa ati, an deiplum mi Salomo, elcuk Israel ninye sik ninye deiyoknye Raja kipnamle. Raja bulamak ning deice bulamsirye, ninye deiyoknye ulamse touk, wini talak ara, Salomo birye unamle. Winiplirye na punupnamle atia.’ Aning nyapkise ara, talye kum nyapse. Israel ninye ati, ‘Sik ikin kanye bobicak’ tenen, melibuka pia kalikilul Allah, el si Yahweh, el si deice arye, akunum nyapkisa ati, anyapmakin touk dipkoprob nong kipnamle,” Daud birye Batsyeba biti nyabuk.

Esra 6:13

Ura atalak ara, Persia mutuku tam ninye deiyoknye Raja Darius birye, “Winipnamlyame,” nyapdeibuk ati, Efrat mek lilun arye otam keting wekelban tam talibuka ulamuk ninye deiyoknye, Gubenur Tatnai ap, tonda deiyoknye Seyetar-Bozenai ap, tonda sik kwit capu nang nirya ati, Darius birye nyabuk touk, ayupu uk kekebuka ulamik.