Allah El Dib Kanye nun talima pum weksukce, nun nirya ati kanye dukdongopsukce, nong tonok nang atonun kipdeipsukba, unyabe. Ati, ‘Kanye talima dukdongobuka telebuk unyaba ara, malye winibibyeba, bokuka yuk-yuk ubibirye, malye ning winibibya deice arye nong sekdayipyak’ tenen, pia pi dobuka piripdemunce, yuk nang nirya ati, nimalye arye, teleb ubuka neiktoto unamlulume. Ninye weik ululum bukni, tonok kanye bobuka, talima dukdongobuka telebuk unamlulume.