Penghotbah 3:9 - Eipomek

⁹ Ninye arye donyap pil nirya ara, ikin pil dobibirye, akunum sirya dakipyopura, ‘Dipkoprop yatato mambul ning dolonyap do? Yata deiyok ati, aning ara ikin pil donyap do? Aning ara tenelulum do?’ tenenyabe.

Penghotbah 3:9 Referans Kwoze

Penghotbah 1:3

“Winipmanto ara, nun tukwak unyap nang nirya ara, tuba kam unyap talak nirya ara, keting noutam nirya, ikin pil donyaba deice arye, nun mikip nirya ara, talye atibuk batakanyabe. Bukni, nun pil dolamepye ning ati, yatato ning doproptibya deice arye, teleb kipsutu do? ‘Pil ton dopneba, nong teleb ning dopropnamne,’ teninyap ning ara, dan ning do? Kume, aning deice arye, teleb kipsutu ning ara, kum upmale,” nyabuk.

Penghotbah 5:16

Se aning ara, pia dipkoprob bico tenen ning ulule! Tonda, pia malye ning ulule. Ati, nun dibibyopura, nun tamubuka binamaba nirya ara, talye deipsikba, yapu touk talye nong yoka dem binamabe. Aning atonun, sik anang nirya arye, lik upman diparyuk, ‘Se, ‘tenen, kumanya mikip tonok dobolbalamik ning ara, el nong ton kume, aning nirya ara talye diamuk winilamike.

Amsal 14:23

Yata ninye do nirya, pil mikip arye pi dobuka, dolamak ninye ara, dipkoprob yuk talak din ning nong weik upliba, libuka weik arye libuka dinamake. Sikda telebuk upnin banamake. Bukni, yata ninye do nirya, pil mikip arye kum dolamikirye, yupu uk talye-talye nyaltakanyak ninye ara, dipkoprob sikda talye urdemuk unamake. Deiyok ara, pil tonok ning babye mikip arye kum donyaka atia.

Matius 16:26

Tonoknye birye, aning-aning yala weik talyamtuba, nati diba kum tenyamnuturyuk dipturye, uku din mutuku bitopura, atalyamtu ning nirya auamtu bukni, el kanya babye dipmatua ati, el talyamtu ning deice arye lyepmimitu do? El talyamtu ning arye, elti, ila tamubuka teleb kipdeipmimitu do? Ara, pia kume. Aning nirya arye teleb ubuka kum deiptue. Anggun kam una deiyok ning ap, anggun kanya ap ara, yatato ning deice arye dekuka doproptum do? Kume, pia kam una ara, dekmanto kum ning atia.

Penghotbah 2:11

Aning nirya akunum winilamse ning ara, aminyan yuk talak ara, tonap tenipdese. Ara, ‘Na pil yala nirya akunum domse ning ap, tonda apil yala nirya ara, na mikip arye dolamse talak ara, dikdik ulamnuka ati, tamubuka bita dipdesirye tenipdese. Winipsirye, aning nirya eibuka, bita biksirye, tenepse ara, ‘Kume, aning nirya ara, talye tonok pil dolamse. Nong pia kum upnamle deiyok ara, pia ton kume. Winipmanto ara, kumanya dopliba balamle ning, ninye arye, ‘Aning doptaliptebeʼ tenen, pirilamak atonun ulamse,’ tenepse. Keting im noutam daulamlyeba, ninye tukwak mutuku deice unyabak, mutuku sirya, im sirya nirya ara, dotalak arye teleb kipdeipsutu ning ara, nong kum upnamle atia.

1 Korintus 16:16

Wininyaka anya arye, na kayapo anggun Korintus ninyeo, mikip arye, ayupu ton nyapsine. Stefanus ap, el aik unyak nang ap, sik diksukum ulamak atonun unyak ninye arye, ‘Yesus ati diba tenebik ninye melinamap’ tenen, pil donyak ninye nirya ara, sik amu tam bukuka, sik nyanyak yupu nimalye arye, kekebuka unamlume. Sik anang arye, ‘Allah el piluk donamape’ tenen, tabakikirye, nun ap pil mikip arye, donyapa ati, ayupu nyapmasine.