Penghotbah 2:4 - Eipomek

⁴ Winibuka tenelamse ati, atalak ara, mambul weik pil ara, narye akunum dolamse. Ara, na winin ning ap, pil don ning ap, tonda, aik weik arye dolamse. Tonda, na anggur duk mek kintinibuka dina ap, anggur duk dakuka dina ap ati, na wa wibuka, koase noutam ara, narye anggur tapu duk yala koulamse.

Penghotbah 2:4 Referans Kwoze

Daniel 4:30

Wininmokce nyabuk. “Babel mutuku weik asik dobik ning ara, na mikip deice arye dopse. Winipseba na si ap, na mikip ap, atibuk pia si ereninyake. Ninye mutuku nirya arye nati, ‘Elda weik mambulnye,’ nyaninyake.” Ninye deiyoknye, Nebukadnesar birye nyabuk.

Yesaya 5:1

Kekenmanulum buk, mot senmana ara, anggur tapu wa wina deiyoknye biti, bico uniliba, nyanmane. Na kayapu, anggur wa wina deiyoknye birye, wa wiamuka ati, mot senune. Mot sena deice arye nyapne. Bico tenenunye birye, mutuku bukamuka lilunak, tuku pia telebak anggur wa wibuk.

Kidung Agung 7:12

Tonda, ance akunum dopnutumba, nun bitinye neika mapmanimnya ani, bereklyopura, beren tam talak koprop arye, an ap, na ap anggur tapu duk wa windam neika bitinimirye, ‘Nun anggur tapu duk, akunum wisipmal do, kabul do?’ tenen, anggur tapu nirya dipdetinimnye. Tonda, aning atonun, nun bitinye neika ansinibuka bitinimirye, ‘Nun anggur tapu kita ara, akunum popmal do, kabul do?’ tenen, dipdetinimnye. Tonda, aning atonun, nun bitinye neika ansinibuka batinimirye, ‘Nun delima yo ara, duk moupnamla ati, el kita ara, akunum polamle do, kabul do?’ tenen, dipdetinimnye. Aning nirya akunum dipdetinimnyopura, narye anti, ‘Telebe, wini talak neika maptinimnye,’ nyabuka, moropkitinyopura, neika maptinimirye, na pia kanye deipkitinye!

Kidung Agung 1:14

Diba, mutuku si En-Ge arye, amutuku noutam ara, ninye arye, wa winyakak ara, pia nintong teleb ning, el si ara henna, talye pabukablirye, el kita mouplyopura, nintong pia teleb nyalule. Aning arye nintong pia teleb nyalamliba, ninye nirya arye, aning kekebikirye, kanye delilamak touk, nati weik tonun, bico tenenululnye bira, na dam yalyopura, pia kil-kil upniliba, na kanye delinune. 1

Mazmur 49:11

Anggun nirya moubuka tenipdelulume, yata nang do nirya, kel weik bikamik nang nirya babye, dibinyake. Sik walwal nang babye, aning-aning nirya ati, moubuka kum tenenyak nang babye, dibikiba, kum danalule. Ninye tukwak nang nirya ara, akunum dibikcopura, sik talilamice bona nirya ara, yuk nang arye dolonyake.

2 Tawarikh 26:10

Aning atouk, tonda Uzia elcuk, ninye kum ulamik sukum bukni, weik mutuku bai tam noutam arye, ‘Nun mal olan nang eipnamapʼ tenen, keil arye ninye kalikna aik ton dopdeiamuk. Tonda, weik mutuku dup mek binman kum mutuku bukni, ‘Ninye arye mek ton dipnamakʼ tenen, ‘Mok cebuka mek balirye, deipnamleʼ tenen, tuku lukuka, mek delinak sumur kintinip deiamuk. Mek ati tuku lukik deiyok ara, amutuku tuku noutam ara, el pil melin nang arye, domba basam ap, sapi basam ap, pia weik weilamik ati, Yudea mutuku bukni, keting komulban tam, mitik mutuku kon tam ap, lu mutuku ap nirya ara, ‘Mek deipnamleʼ tenen ati, tuku lukamik. Tonda, Raja Uzia bira, tuku telebak ara, sukun tuku ton wa win nang weik wipdeibukba, el anggur wa ap, elti, koulamik ning yala-yala nirya ara, anang arye, el melina ati, wa weilamik. Uzia bira, wa win ning ati, pia kanye delilamuk, ‘Aning ara, telebe,’ tenelamukce, ulamuknye atia.

2 Tawarikh 8:11

Ninye deiyoknye Raja Salomo, Mesir mutuku arye taleamuk deiyoknye birye deiamuk kil, Salomo birye domuk. Domokba, akil ara, minop talak Salomo el li Daud, elce domuk pia teleb aik pum tam ulamuk bukni, Salomo birye, Kume akil ara, Daud el weik aik pum ulamuk bukni, Allah arye nyapdeiamuk yupu dobuka teleb yo deice pum tam dongobik ning, el si Peti Perjanjian, aning ara Daud el aik tia talak ati, deiamik ati ara, anyaik akunum pia lek atonun ulule. Ati ara, narye Mesir mutuku arye domse kil ara, tuba Daud aik kum unamle tenebukce nyabuk. Ati akil dobuka, yukak deibuk. Ara, Salomo birye akil ati, yukak, aik dobuka kintibukura, akil asukumuk ulamuk.

1 Tawarikh 27:27

‘Anggur wa ara, winibuka wipnamlume,’ nyana ati deiyoknye bira, Rama mutukunye, el si Simei birye, deiyok kibuka apil taleamukce, deiyoknye ulamuk. Aning atouk, ‘Anggur duk dakuka teikmunce, anggur mek kwebuka deipnumunyak ara ani,’ nyana ati, deiyoknye bira, Syifmi mutukunye el si ara Zabdi, elce deiyok kibuka, apil taleamukce, deiyoknye ulamuk.

1 Raja-Raja 15:19

Raja Asa birye, Benhadad biti nyabuk yupu ara, ani. “Nunda, kanye tonok bobuka, nun ni yapu, sik oldana kumce, teleb ubuka neika pil dolamikce, ulamik touk unamname. Ati, anda bita biknamlyame. Narye anti, ‘Kanye deipnamkinʼ tenen, dekna weik ning emas ap, perak ap dobuka, talye deipkine. Tonda, narye anti nyapkine. Israel tam unyak ninye talibuka ulinye, Raja Baesa ap, an ap, nyalin yupu deice nyapdanamdumce, pil neika dolamdum ning ara, bataknulyame. Winipminba, el yin talen nang arye, na mutuku yanuka alabuka, unyak sukum ara, batakuka binamake. Na tam nang ati, kum olyanganamsiake,” nyabuka morobuk.

1 Raja-Raja 9:1

Salomo birye Allah Yahweh, si eren aik ap, Israel ninye sik deiyoknye un aik ap, tonda yuk tenyamuk ning ap, akunum dobukopura, el tenelamuk ning nirya akunum kiklibuka dobukura, batakdongobuk.

2 Samuel 18:18

Ura, Absalom tuba kam ulamuk talak arye, ‘Na mi min kum deipsa ati, na nong pununa kum upnamnile anya arye, na si kum upnamle’ tenen, weik cang keil ikuka tikeibuk. Akeil ikuk mutuku ara, Yerusalem asik domikak bukni, keting yangan tam, mitik yukak arye ikdeibuk. Amutuku ara, lyu mutuku uamukba, amutuku nang arye, “Nun ninye deiyoknye, Raja el lyuak,” nyalamik. Absalom birye, cang keil ikdeibukce, akeil ap, amutuku ap ati, el sisibuk. Ara, ‘Ninye arye, na si tuba tenepnamak’ tenen, el sisibuk. Amutuku ara, “Absalom, el cang keil ani,” nyalamik. Akeil ati ara, ninye arye, “Absalom el cang keil ara, ani,” tuba nyanyake.

Kejadian 11:4

Winibikopura, aminyan ara nyabik. “Amapuo, winira, weik nang asik dopnamabe. Amutuku noutamak ara, pia cang weik aik dopnin balamipya ani, im dup welepnamle. Winibuka doptibya deice arye, yuk nang nirya arye, nunti, ‘Se, anang ara, weik mambule,’ nyabuka, nunti ereipsikirye, weik nang unamabe. Winibipyopura, aminyan talak ara, yuk-yuk wilibuka tukwak mutuku noutam nirya, yuk-yukak kum bokdanamabe. Asukumuk neika unamabe,” nyabuka yupu talipdanamikce, apil deiyok koubuka dolamik.