Biblia Todo Logo
Bib sou entènèt

- Piblisite -




Penghotbah 2:13 - Eipomek

13 Aning nirya tenipdese talak ara, ‘Diba, winida na kele. Weik kel bikna deiyok ning kel biktibyopura, aninguk ara telebe. Bukni walwal uk una ara, talye-talye uk ulule. Aning ara malyeuka. Aning atonun, dirina ara pia telebe, bukni kuna ara, pia malye ulule.

Gade chapit la Kopi




Penghotbah 2:13
17 Referans Kwoze  

Sik malye wininyak ninye ap, ansinibuka una meme nyapmasina deiyok ara, ani. Minop talak ara, anggun Efesus mutuku ululum nang ara, pia malye-malye ulamluma deice arye, kunuknak atonun ninye ulamlum bukni, wini talak ara, nun Deiyoknye Yesus ap, talima dukdongobuka umunya deice arye, dirina ninye atonun akunum ululume. Ati Dirina Deiyoknye arye el mapu una ati, akunum teleb kipdeipsuka ati, dirina nang ulamak atonun diksukumuk unamlulume.


Anggun asing noutamak dirina kum weksutopura, kunuknakuk bitume. Aning atonun, anggun kanye talima noutamak anggun bidamnye ning atibuk tenepmunce, malye ninguk tuba upmasilyopura, anggun pia malyeuk unamlulume. Anggun kanye talima ap, winimunye ning ap, pia kunuknak atonun unamlulume. Teleb winin ning ara, tonok ning ton kum wininamlume. Yesus arye nyabuk.


Beren tam talak keting panaplirye, dirina weik uplye talak ara, pia telebuk ulule. Winiplyeba aketing ara, dirina lak deiplyopura, ninye nirya arye, pia teleb kanye bobukabikirye, sik kanye deibuka unyake.


Aning nirya akunum winipnyeba, na mapu anggun nirya arye eipmunce, kel biknamlume. Ara, sik telebuk unyak nang ara, sik urasin laka upliba, eibuka kel biknamlume. Aning atonun, malye ninguk talibuka unyak nang babye, sik urasin laka upliba, eibuka kel biknamlume. Ara, na si erepnikirye, na amu tam unyakce, na piluk donyak nang ap, tonda na si kum ereninyak nang ap ati, narye yupu lipsisikuka bokeipnamsin talakuk, eibuka kel biknamlume. Na Allah Yahweh arye nyapsine.” Allah arye nyabuk.


Allah ance nyasilyam yupu ara, na kanye talima noutamak, dirina kilinulule anya arye, upna atonun unulule. Ati, na bisik banamanyak ara, an dirina arye, lapdeipniliba banune.


Yin talin nang arye bonyak yin ap, mal ap, yuk ninye on ning ara, mitikto mambul ulul bukni, kel weik bikina deiyok ning ara, dipkoprob pia mambul ning ulula ati, pia teleb ning ara, akunuma. Tonda, walwal nang tonok, el kanye walwal arye nyaplyopura, pia teleb un ning weik sukum babye, anye birye ateleb ning nirya ara, malye kilisulule.


Aning nirya eipsirye biksa ati, ‘Se, mikip weik una ara mambul ulul bukni, dipkoprob pia teleb ning ara, kel weik bikina uka. Bukni, atalye bona utotoa kumnye, el kel weik bikamukce winibuk ning ara, sik amutuku nang arye, ‘Dauplye, elda mambul kume,’ tenebikce, elti, luba kina uk ulamik. Tonda, anye birye, “Teleb un ning ara ani, ani,” nyabuka laka nyalamuk yupu nirya babye, sikce kum kekelamik.


Winipmanto yupu ton nyapnusine. Ara, sik pia mikip weik nang, takubarye nang tonok mutuku weik asik noutam, uptingce, kaliketingopura, amutuku ara, mitik mikip unamle. Bukni, pia teleb ning ara, kel weik bikamting nang arye tonok mutuku weik asik noutam uptingce, teleb yupu nyaptingopura, amutuku ara, dipkoprob mikip weik mutuku unamle.


Ton ninye arye, dekna weik ning el si ara emas ap, perak ap, ‘Aning weik arye dolonamap’ tenen, pataliba, pia pi dobuka elinyak bukni, aning ara mitik teleb uka. Weik teleb ning ara, ninye arye, ‘Se, weik kel bikna deiyok ning, weik arye kel biktibirye, telebuk unamap’ tenen, pia pataliba, pi deibuka, diksukum winin ninguk eldenyake. Aning ara dipkoprob weik teleb ning wininyake. Aning atonun, ‘Se, weik kel bikna ning kel kiptinirye, pia telebuk unamne’ tenen, aninguk weik arye pataplinye bira, weik telebuk ulule. Bukni, ‘Se, dekna weik ning, el si perak doproptinirye, bona utotoa talinanye unamne’ tenen, pataliba elkirikilulnye bira, teleb kum ulule.


Allah ance nyapdeiamsulum yupu ara, pia duknuna yupu atonun unulul bukni, ance kel bikna deiyok ning, areniminya deice arye, an dirina ara, na talima noutamak arye, laka kiliniliba, kel bikinune. Mince kum kel kipmanto ulamse ning ara, an yupu deice arye, dirina areniminya deice arye, ‘Deiyok anya’ tenen, moubuka bikinune. Tonda, aning-aning nirya kum kel bikamik nang daukirye, ‘Ayupu ara, deiyok dan do?’ tenen, tuba walwal ulul ninye ati ara, an nyasiminye yupu deice arye, laka kipdeipminba, an duknuna yupu nirya ara, sikce moubuka kel kipnamake.


Ati, apil donamlum talak ara, moubuka teninamlume. Ara, Anggunda yo werelulum talak ara, anggun kapak kum ketepmamunyeba, yu kum upsilyopura, anggun pil dopnamluma ara, anggun mikip weik deice aryuk pi dobukamunce, pil donamlume. Aning atonun, ‘Kat keil telepnirye, mitik keil dobuka aik poka dopnamne,’ tenepmunyopura, min yuma ara, akeil telena ati besi ara, dipkoprob teleb ninguk kintinip deipnamlume. Kumopura, pia ikin pil dona deice aryuk, akeil telepnamlume. Ati, pil min kum dopmamunye talak aryuk, minopce anggun kanye tenen ning ara, pia teleb ninguk tenipmunce, kintinip deipnamlume. Bukni, kanam talak aryuk, weik tonun kel bikamtum toura, aning deice arye apil-apil nirya ara, caknam upnamle.


Ninye ton dipkoprob weik kel bikamik nang ara, sik winipnamak ning nirya ati, kabul talak arye moubuka tenipdekirye, namin asa arye unyak ning ara, dipkoprob telebuk unyake. Bukni, walwal kanye bobuka malyeuk unyak nang ara, sik upnamak ning nirya kabul talak arye, moubuka kum tenildenyake. ‘Aning ara teleb do, aning ara malye do?’ tenena kumce, talye lukparabuka winipnin bakirye, teleb kum wininyaka anya arye, sik malye unyak ning nirya deice arye, sikce sik bidamang atibuk, tilila nyalildakirye, malyeuk ulilanyake. Walwal kanye bobuka, malye ninguk ululnye bira, tilila ninguk talibuka unamle.


Swiv nou:

Piblisite


Piblisite