Nehemia 9:4 - Eipomek

⁴ Lewi yala nang tikina ati, yo morobuka lapdeiamika ara, Yesua ap, Katmiel ap, Bani ap, Sebanya ap, Buni ap, Serebya ap, Bani ap, Kenai ap, tikmek. Sik anang binuka tikikce, yupu weik asa arye, sik ni Allah, el si Yahweh ati, moronmek.

Nehemia 9:4 Referans Kwoze

Nehemia 8:7

Tonda, atalak uk, Allah arye, ‘Wininamlulume, aning ara ton kum wininamlume,’ nyabuka minop talak nyalamuk yupu ara, sik Lewi yala nang, Mem Yupu peterena deiyok nang unmeka anya arye, anang arye, “Allah nyalamuk yupu deiyok ara, ani, ani,” nyabukabikce, Israel ninye ati lak nyabuka peterenmek. Sik Lewi yala nang, peterenmek nang, sik si ara ani. Yesua, Bani, Serebya, Yamin, Akub, Sabetai, Hodia, Maseya, Kelita, Asarya, Yosabad, Hanan, tonda Pelaya. Anang arye peterenmekba, sik atikmek nang moubuka kekenmek.

Nehemia 12:8

Allah el si eren aik pum tam pil dona deiyok nang, sik melilamik nang, Lewi yala nang sik Yerusalem mutuku tamubuka yayik nang si ara ani. Ara, Yesua ap, Binuai ap, Kadmiel ap, Serebya ap, Yehuda ap, Matanya ap, ulamik. Matanya ap, el kayapu nang ap arye, Israel yala ninye yuk-yuk bulubuka wekmanak uk, mot sepra bana deiyok nang ulamik.

Nehemia 9:5

Atalak ara, Lewi yala nang arye deiyok koubuka, Allah ati moronmek. Moronmek nang sik si ara ani. Yesua ap, Kadmiel ap, Bani ap, Hasapnia ap, Serebya ap, Hodia ap, Sebanya ap, tonda Petahya ap arye, moronmek. Moronmekce, nyanmek, “Anggun nirya tiklulume. Anggun ni koprop Allah, el si Yahweh ati, si erepnamlume. Yahweh ara, minop arye aulamuka ani, wini talak babye, doyanamle talak babye, apia unamlanye, Allah el si erenamlume,” nyanmek. Sikce nyanmek yupu ara ani. “Nun ni Allah, an si weik mambule. An ap, an si ap ati, pia telebe. ‘Ninye mutuku-mutuku nirya, an si biketinge’ tenen, nyapkiyabe. Yuk-yuk ning, ance arisilyam ning nirya ati, ‘Aning ara mitik mambule’ tenen, ‘Telebe,’ nyaptibye bukni, an tonok ati ara, pia weik arye an si erenyabe. Yuk teleb ning nirya ara, an amu tam uliba, anda weik si erenanye deice tam ulyama anya arye, ‘Anda weik mambule,’ nyapkiyabe. Yuk ning nirya ara, mitik mambul uka. Ati ara, anti pia si erenamkiyabe,” nyabuka si erenmek.

2 Tawarikh 20:19

Allah si tuba erenmek talak ara, Kehad yalanye birye deiamuk nang Lewi yala nang ap, tonda Korah yalanye birye deiamuk Lewi yala nang ap, sik nirya arye tikuka, Israel nang sik ni koproba Allah si erena ati, mot weik yupu deice arye senmek.

Rasul 7:60

Anang arye Stefanus onmekbuk dibuk talak ara, Saulus mening dam tikuka dinmokce, ‘E ara, merekuka obake,’ tenebuk.

Yohanes 11:43

Yesus arye nyabukopura, weik yupu deice arye nyabuk, “Lazaruso, keil deiya pum bisik arye, bai tam asukum yalyame,” nyabuk.

Ratapan 3:8

Narye Allah ati, “Melibuka lyepnilyame,” nyabuka, ngalukulamsirye morolamse bukni, elce na yupu kum kekepmanto ulamnuke.

Mazmur 130:1

Se, na ni Allah Yahweh, weik ikin ning, na dam yanmanilba, imun kanye bobuka unmane. Ati, ‘Na ni Allah arye, yanuka melipnilyame,’ nyabuka, weik yupu deice arye ngalukunmance, na ni Allah Yahweh, anti moropkine.

Mazmur 77:1

Ninye si Asaf birye, Mazmur yupu mot sekukce, Allah yupu mot sena deiyoknye biti arebuk. Tonda, Asaf birye nyabuk yupu ara, ani. Amot el leilim ara, yuk mot ara, Yedutun lelim selamlum touk kibuka, amot babye atonun senamlume.

Mazmur 3:4

Sikce nyaninyak bukni, na ni Allah na kele. An Yahweh ara, ‘Yu nang arye, Daud obicakʼ tenen, nati pia melibuka kalikinilyame. Winipmanto ara, yin talin nang arye, ‘Yuk nang arye, mal pibuka dobikirye, opnicakʼ tenen, sikce sik nong lelina ati, talinyak nang, el si ara perisai, dobuka kalikilanyak atonun, ance na nong dana-dana tam nirya, warikdongobuka lelipnimince, kalikuka melinamnilame. Anda Allah Yahweh arye, na kisok erepnimince, mikip arepniminya deice arye, nara na mal olan nang ati, obuka sirya dakanune. Tonda ancuk, na talima kwadibuka meliniminyeura, kanye deibuka, urdem unune.

Nehemia 3:17

Ura, aning atonun sik Lewi yala nang arye akeil poka uk dukdongobuka dolamik talak ara, Bani el mi Rehum birye, deiyok kiamukba pil dolamik. Tonda, sik mining dam dipdanuka keil poka dona deiyoknye, Hasabya ap, el taleamuk mutuku nang ap, sikce acang keil poka winiryuk ning ton, dukdongobuka dopnin balamik. Hasabya bira, Kehila mutuku dana tam ton bokuka taleamuk.

Nehemia 8:4

‘Esra bira Allah arye nyalamuk Mem Yupu, buku yininamal’ tenen, cang yo dobuka deipmekak, welebinuka tikukce ayupu yinibuk. El binuka tikuk talak ara, el sirik tam ara, ninye ton tikik. Sik si ara, Matica ap, Sema ap, Anaya ap, Uria ap, Hilkia ap, tonda Maseya ap, neika tikmek. Aning atonun, el kwanim tam neika yanuka tikmek nang sik si ara, Pedaya ap, Misael ap, Malkia ap, Hasum ap, Hasbadana ap, Zakaria ap, tonda Mesulam ap tikmek.