Nehemia 2:2 - Eipomek

² Lik kanye bopsiba elce nati nyapnuk. “Amio, anda yata ati urasin lik kanye bopmanilam do? Uk kum dinmakil bukni, yata deiyok ati, an urasin yuk upmakil do? Na kanye ara, an talima noutam ara, ikin upmakile,” nyapnuke. Nyapnuka ati, na lukdase.

Nehemia 2:2 Referans Kwoze

Amsal 15:13

Ninye ton, el kanye talima noutamak arye, kanye deiplinye bira, el urasin nirya etek-etek aplirye, kanye deibuka ulule. Bukni, imun kanye bobuka ululnye bira, el kanye talima ap, el kanye tenen ning ap, pia ikin weik ulula anya arye, ‘Se’ tenen, mikip pia kum uk ulirye, kanye deibuka kum unamle. Ikin asa uk unamle.

Kejadian 40:7

Bikukce, Yusup birye, Firaun el amu tam pil dolamdik nang bukni, sik ap, el ap, awenen aik tonok noutam unmarik nang ati, asipdeyuk. “Arup anggunda, yata deiyok ati, malye kanye bobuka unmarum do?” nyabuka asipdeyuk.

Amsal 13:12

Kanye pum tam aniryuk, ‘Se, aning ton winiptinye, aning ton doproptinye,’ tenelamlanye bira, atenelamlye ning kum uplyopura, ‘Yata deiyok ati kum upmanil do?’ tenen, malye kanye bobuka ulule. Bukni, aminyan talak el kanye pum tam arye, ‘Se, aning ton winiptinye, aning ton doproptinye,’ tenelamle touk akunum yalyopura, anye bira pia pin-pin kanye bobuka unamle.