Mazmur 99:2 - Eipomek

² Allah el si Yahweh ara, pia mikip weik ulirye, Sion mutuku deice ulule. Tonda, nun ni koproba Allah Yahweh ara, yuk-yuk mutuku unyak nang, yuk-yuk nirya ara, el amu tamuk unyake. Elda, tukwak mutuku unyak nang nirya talilule.

Mazmur 99:2 Referans Kwoze

Mazmur 97:9

Diba, sik anang nirya arye, kanye pia deibuka unyaka deiyok ara, ani. Ara, Allah Yahweh, anda, tukwak mutuku noutam ulye ning nirya, talibuka deice tam umince, weik deiyoknye ulyame. Tonda, ninye tukwak nang arye, talye ning ati, ‘Nun ni bira ani’ tenen, isa mer nirya ap, mitikto mikip ulye ning nirya ap, talye yuk-yuk yala ning nirya ati, si erenyake. Bukni, dipkoprob ning ara, Allah anda, aning-aning nirya, sik deice tamuk ulyame. Tonda, an pia mikip weiknye ulyame.

Yesaya 14:32

Aning ati ara, sik Pilistin mutuku nang arye, dobuka deibikceba, nun dam yupu asilyanganamsiak nang yakirye, asipdesikceura, anang ati, yata yupu nyapnalum do? Kume, na nabi Yesaya birye, na kanye ara, ani. Sik adopdeibikceba, yanganamak nang ati ara, nunce nyapnamabe. “Allah arye elcuk, el tenen nang, sik melina ati, Sion mutuku akunum teleb kibuka tamupdeipmale. Ati, Allah Yahweh, el mapu ikin deiceuk ulamik nang ati ara, amutuku upceba, kalikinamla ati, talye kanye deibuka, telebuk unamake,” nyabuka, laka nyapnamabe. Nabi Yesaya birye nyabuk.

Yesaya 12:6

Anggun Sion mutuku ululum nango, kanye lopsiliba, weik yupu ara, weika arye nyapmunce, Allah si eren mot senamlume. Wininamluma ara, talye ati kum bukni, deiyok ara, Israel nang anggun ni koproba Allah, malye winin ning tonok babye kum winilirye, Pia Diksukum Leknye ulule. Tonda, elda pia weik si erenanye, anggun kan-kan ulamlibuk, anggun ap neika ansinibuka unamlume.

Mazmur 113:4

Nun tukwak nang, mutuku sirya, im sirya nirya noutam, unyap nang ara, amu tam atonun nang unyap bukni, Yahweh elda tukwak nang yala-yala nirya, pia deice tam ulirye, sik nirya ati, deiyok kibuka talilule. Tonda, Allah Yahweh, el mikip weik ulye ning ap, pia teleb wininyaka ap ara, pia weik ati, pia deice tamnye ulule. Ara, im deice tam ulula atia.

Mazmur 66:7

Diba, nun si erenyap Allah ara, el pia mikip weik ulya deice arye, aning-aning nirya pia talinamle. Allah el asing arye, sik yuk-yuk mutuku unyak nang yuk-yuk nang nirya ara, ‘Yata ning wininamak do? Tonda, ‘Malye ubikcak’ tenen, pia moubuka dilirye, kalikilule. Ati, yata yala nang do nirya, mandipna kanye bobikirye, sikce, ‘Kume Allah ara, daupmalye. Elda nun lik’ tenen, anggun bidamnye birye, anggun nong ati, talima kum erelanamlume!

Mazmur 50:2

Tukwak mutuku noutam ara, weik asik domikak, urasin mitik teleb ulul bukni, urasin pia teleb ululak ara, Sion mutuku noutam arye, Allah el lek dirina ara, lakak aryuk yangalule.

Bilangan 23:21

Yakub birye deibukba, dadeipdanin yanganyak ninye ara, Allah tuba kanye delilula anya arye, sikti malye kipdeipliba, imun kanye bon ning kum dopropnamake. Aning atonun, Israel ninye ara, Allah tuba kanye delilula anya arye, sik nong deice, ikin ning kum deipnamle. Sikda ikin kum unamake. Ati, Allah el si Yahweh ara, Israel ninye sikti, pia ululce melilule. Tonda Allah ara, sik ninye deiyoknye, sik noutamak ulamuk touk, tuba ulirye melilula ati, sik pin-pin asa arye, kanye deibuka, yupu mikip deice arye, el si erenyake.

Mazmur 47:3

Allah el si Yahweh ara, aning-aning nirya talibuka, deice tam ulirye, Weik Erenanye ulule. Allah arye, mutuku-mutuku nirya unyak ninye talibuka, ninye deiyoknye, Raja ulule. Allah ara, pia weik mambulnye ulule.

Mazmur 47:8

Ara, talye ati kume. Allah ara, mutuku-mutuku nirya unyak ninye, ayala-ayala nirya ara, sik pia ninye deiyoknye Raja ara, Allah el tonok ulule. Allah arye, mutuku-mutuku nirya unyap ninye talesulula ati ara, el tibuk, “Nai anda weik teleb ulyame,” nyabuka, kanye deibibirye, kanye lon mot nyanamabe. Pia el tibuk, kanye deibibirye, el si erenamabe.