Mazmur 9:12 - Eipomek

¹² Ninye nirya kekepnululume! Nun ni koproba Allah Yahweh ati, “Anda pia telebuk ulyame,” nyabuka, el si erelulumce, el si erebuka kina ati, kanye kil-kil mot ara, Sion mutuku deice arye, amot nyanamlume. Allah mikip deice arye pil dolul ning ara, tukwak nang mutuku sirya, im sirya nirya, unyak nang, sik kekenak nirya, lak nyalbinamlume.

Mazmur 9:12 Referans Kwoze

Keluaran 3:7

Atalak ara, Allah el si Yahweh arye nyabuk. Na mapu Israel nang ara, Mesir mutuku noutamak, ikin weik unyaka ara, na elinunce, kel kinune. Ara, Mesir nang arye, ikin pil arukunyakbuk, donyak ning ara, akunum elinune. Israel ninye engenyaka ara, na kele. Tonda, ikin asa unyaka ati, na mambul kanye bonune.

Mazmur 34:6

Tonda, kanye imun deice daunyak ninye nirya ara, ‘Allah arye melipnamsilarya’ tenen, sik kanye nirya, el deiceuk deibikirye, elti, diba tenenyak ninye ara, pin-pin asa arye, kanye deibuka unamake ati ara, sik urasin ara, telebuk unamle. Tonda, sik aninye nirya arye, aminyan talak ilil upliba, alye pia kum dakaldanamake.

Wahyu 16:6

“Aning ara, talye ati kum nyapne. Deiyok ara, amalye winin ninye arye an mapu weik oltakalamik. Ara, ance, ‘Aninye ara na mapu unamak’ tenen, wiamlumba, anti diba tenelamik ninye ap, an yupu lake nyana deiyok nang nabi-nabi nang ap, weika arye oltakalamik. Winibuka malye ulamika ati ara, ance nyapdeipmalamba, sik mek nirya ining mekwen danmalabuk, ining mekuk dinamake. Sikda malye ninye ati, ‘Bita merekuka wenepmalume,’ nyapne.” Mek deiyok talibuka ulamuk malaikat arye nyabukba, kekepse.

Kejadian 9:5

Ninye tukwak nang sik ining babye weik mambul ati, nyapsikiba, sik ining saklyopura, ninye ona deiyok nang babye, ura yuk ning babye, narye wenebuka yupu bokeipnamne. Talya buru balamle kam un ning nirya babye, yuk kam ning obicopura, narye yupu bokeipnamne. Talya buru balamle kam un ning nirya babye, yuk kam ning obicopura, narye yupu lipsisikuka bokeipnamne. Aning atonun, tukwak ninye nirya ati ara, sik ap neika unyak ninye ati, melibuka kalikilanauk unamake. Ton nang arye, yuk nang obicopura, narye wenebuka yupu bokeipnamsine. Ninye kam una ara, weik mambul atia.

Yesaya 26:21

Aning ara, talye ati kuma. Deiyok ara, Allah Yahweh, el unak im deice arye tukwak mutuku yalirye, amutuku unyak nang arye, malye weik unyak ning ati, yanuka wenebuka oplopnamle. Tonda, sik atukwak mutuku unyak nang arye yuk nang ati, duknubuka oltakanyak ning ap, tenipnarye oltakanyak ning ap ara, yanuka lak kipdeipnamle. Tonda, sikce obuka tuku pum weinyak nang babye, Tuku pum danyuk kum unamake. Ton nang arye, yuk nang ati duknubuka olamik nang nirya ara, lak kipdeipliba, ninye nirya ara, kel biknamake. Ninye omikak arye, lak kipdeipnamle.

Mazmur 22:24

Ara, talye ati kum nyapsine. Deiyok ara, ninye imun kanye bobuka, unyak nang arye, Allah anti ilil upliba, amu tam unyakce, ikin ning weik dolonyak ninye ara, kum batakalyame. An ti, “Se, melipsilyame,” nyabuka, moropkice talak ara, ance nunti mangkau kibuka kum batakasilyam bukni, nunce moronyap ning kekebuka melisilyama ati ara, an siuk erenamkiyabe.

Hakim-Hakim 10:16

Ati ara, Israel nang sikce talye aisa mer, sik urasin atouk ubuka puturubuka deiamikce, si erelamik ning nirya ara, ulubuka batikik. Batakikce, Israel nang ara, Allah el siuk erebik. Winibikopura, Israel nang ikin ning delilamikba, kanye imun kanye bobuka ulamik ning ara, Allah arye aning eibuka kel bikukce, ‘Se, sik tuba ikin kanye bobuka unyaka ara, kum bataktinye, melipnamne,’ tenebukce, kanye deibuk.

Mazmur 102:17

Sik ayala yuk-yuk mutuku nang nirya arye, an Allah ati, ilil unamla deiyok ara ani. Ara, anda Allah Yahweh arye, Sion mutuku ulultaklamik ning nirya ara, ila ton ap, tamubuka teleb kibuka dobikirye, pia telebuk unamle. Winipminyeba, eibikirye, ilil uplyeba, an siuk erenamkiake. Atalak ara, anda Allah Yahweh arye, an pia teleb winilyam ning ap, mikip weik winilyam ning ap ati, dirina pia weik upmince, tukwak yanuka unamlame.

Mazmur 10:17

Nun ni Allah Yahweh, nun kanye namin asa unyap nang arye, nun patapsiliba, anti morokinyap ning nirya ara, adiparyuk kekepsilyame. Tonda, nun kanye imun usulul ning nirya ati, melipsimince, nun talima kwa dinamsilame!

Mazmur 10:14

Bukni, na ni Allaho, nun akunum biknuyape. Dipkoprop ning ara, ance tukwak nang wininyak ning nirya ara, ance akunum elisilyame. Ara talye ati kum bukni, ance, ‘Sik wininyak ning nirya ati, bita eipnirye, sik wenena ati, dengna arepnamne,’ tenelyame. Tonda atonun, ‘Sik ti, yupu bokeipnamne,’ tenelyame. Ati ara, sik namin asa uk unyak nang arye, ‘Kume, nun wininamap ning ap, nun nong nirya ara, Allah el taruk deice delinyabe,’ tenen, anti pia diba tenekinyake. Tonda, nun ni Allah, ance sik kwaknamne mapu ati, pia moubuka dimince, kalekuka melisilyame!

2 Raja-Raja 24:4

Tonda, Raja Manasye birye, weik malye uamuk ning ara, sik malye kum ulamikce, talye kanye bobuka ulamik ninye, Yerusalem mutuku noutam daulamik ninye, weik tonun obuka, batakamuk ning, deken ati ara, Allah arye, lo arebukba, sik pera mutuku yu nang arye yanuka, Yehuda tam ulamik ninye yakuka, dokwetebik. Allah Yahweh arye, Raja Manasye birye, Raja kiamuk talak noutam arye, malye ulamukopura, ‘Luba kipnirye, kum lyepnamne,’ tenebuka ati, Yehuda tam ulamik ninye nirya ara, adiparyuk batakuk.

Keluaran 3:9

Ura, atalak ara, na mapu Israel ninye arye, “Se, ikin pil donyabe,” nyabuka engenyaka ara, akunum kekenune. Tonda, sik Mesir mutuku nang arye, Israel ninye pia ikin ning weik, sik nong deice delinyaka ara, aning ton tuba elinune.

Matius 23:35

Wininamluma ati, yata nang do nirya, sik diksukum ulamik bukni, oltakalamik nang nirya ara, Habel anyapce opnin yangalamika ani, wini talak Berakia el mi Zakaria, anggun apu yapu arye, Allah arena ati delilamika dam obiknye ap, anang nirya sik ining ara, anggun wini talak ululum nang, anggun taruk deice upnamsile.

Mazmur 68:17

Anggun weik mutuku kon deice ululum nang ara, yata deiyok ati, Sion mutuku eiplumce, ‘Se, yata ati, Allah arye nun mutuku kum weibuk do?’ teneplumce, malye kanye boplum do? Ara, sikda, Allah el si Yahweh arye, ‘Sion mutuku noutam ara, amutuku akunum kanye deipmana ati, nara amutuku noutam pia-pia aunamne,’ tenebukce, akunum wibuka ati, nun like,’ teneplum do?

Mazmur 74:2

Kume na nio, ance kwepdeiamsulum nang, ‘Nun Israel yala nang ati, tonap tenepsimince, yanuka melinamsilam’ tenen, moropkiabe na nio! Ance nun Israel nang ati, ‘Anang ara, ‘Naʼ tenen nang unyaka ati, sikda pia talipnamne’ tenen, wiamsulumce, nun ikin weik ulamupu noutam arye, akunum melibuka lyepsulume na nio! Tonda, Sion mutuku ati, luba kina kum bukni, tonap tenenamlame! Ara, ance, “Amutuku ara, tia talak ati, na si eren aik aunamle,” nyapdeipsulumak ati, nyapne na nio.

Mazmur 76:3

Allah ara tia talak ati, Yerusalem mutuku ulule. Diba, el tia talak ati ululak ara, Sion mutuku noutamuk unamle.

Mazmur 132:13

Allah el si Yahweh arye, el tia talak unamlak ati, Sion mutuku akunum wipdeibuk. Allah arye, “Diba, Yerusalem mutuku noutam ara, ‘Na pia aunamne’ tenen, patapnila ati, asukumuk unamne!” nyabuk.

Yesaya 8:18

Yesaya birye nyabuk. Na ap, Allah Yahweh arye arelamnukba, deipse mapu ap ati, Allah Yahweh elce weik mambul si akunum arepsuke. Asi moubuka tenebibya deice arye, Allah Yahweh arye, wininamsil ning nirya ara, moubuka kel biktibye. Tonda, Allah Yahweh arye aning-aning nirya talibuka, deice tam ulirye, im deice yin talin malaikat, sik weik deiyoknye ulule. El si ap, mikip ap ara, Sion mutuku deice arepsukba, ulule.