Mazmur 89:50 - Eipomek

⁵⁰ Diba na ni Allah Yahweh, an min yuma talak arye, nun ninye ati, ‘Na tenena ninye unyake,’ tenelamsulumce, weik arye bico tenelamsulum ning ara, akunum lubakipsulum do? Tonda, nun apu koproba Daud ati, “Wininamkine,” nyabuka, nyalin yupu nyamlum ning ara, kum dukdongopnamsilam do? Aning ara, akunum batakmasilam do?

Mazmur 89:50 Referans Kwoze

Mazmur 74:22

Ati nun ni Allah, ‘Anda minopce tikukapmince, an ‘Naʼ tenen nang, nun Israel yala nang, nun dam yamince, melibuka lyepnamsilam’ tenen, moropkiabe. Tonda, tuba tonap aning tenenamlume. Ara, sik malye weik wininyak nang arye, an Allah ati, ‘Elda, nun like. Allah ara, nun like. Kume, Allah arye, yata wiripsutu do? Elda talinye’ tenen, nalikinyak nang ara, luba kina kume na nio! ‘Anang ara, tuba tenipmince, wenebuka opnalam’ tenen, moropkiabe na nio!

Mazmur 74:18

Se, nun ni Allah Yahweh, anti, ‘Allah ara nun like, elti, nun like,’ tenekinyak nang arye, tuba nalibikirye, malye yupu weik tuba nyanyaka ara, luba kina meme na nio. ‘Aning tuba tonap tenipmince, anang ati wenepnalam’ tenen, moropkiabe. Diba, amalye winin ninguk, talibuka wininyak nang arye, ‘Allah ara, daupmalye. El ti nun like,’ tenenyak nang ara, an pia teleb si ati, malye-malye yupu nyabuka, an deice delikinyake.

Mazmur 69:9

Nara ikin weik uniliba, na urasin ara, tamupnuka ati ara, na du yapu ap, na kwit capu ap nirya, aunyak bukni, ‘Nun kwit Daud aunmale,’ kum teneninyake. Adeice, yuk mutuku arye tikilyangan nang atonun, kibuka unune. Tonda sikce nati, ‘Bai tamnye ulul do?’ teneninyake.

Roma 15:3

Wininamaba deiyok ara, nyapnusine. Ara, Kristus el babye, ‘Na bidamang kanye delinulul ninguk wininamne,’ tenebuka, kum winilamuka anya arye, nun babye Kristus el winilamuk touk wininamabe. Kristus, el winilamuk ning ara, el bidamang atibuk kum winilamuk bukni, Allah yupu deice sekamik touk winilamuk. Ayupu ara ani. ‘Malye nang arye Allah anti, malye yupu nyabuka, an nong deice delikinyak yupu uk, na nong deice babye malye yupu nyabuka ikin delininyake.’ (Mazmur 69:9) Ayupu sekeiyamik touk, Kristus winilamuk.

Mazmur 89:4

Ance nyapdeiamsulum yupu ara, nun apu koproba Daud binyak, ance wipdeiamlumnye, elti, nyapdeiamlume. Ance nyapdeiamlume. “Narye wipdeipsinye, na amu tam pil dolulnye Daud biti, pia kalikuka melinamne,” nyabuka, nyalin yupu nyapdeiamlume.