Mazmur 89:43 - Eipomek

⁴³ Ance el mal olan nang ati, mikip arepminba, ‘Obuka sirya daknamabe,’ tenenyake. Winipluma ati, el mal olan nang nirya, teleb kanye bobuka unmake.

Mazmur 89:43 Referans Kwoze

Mazmur 44:10

Bukni, nun ni Allah, wini talak ara, akunum bataksulumce, bikisilyame ning ara, dan do? Allah ance bikuka, batakamsuluma ati, wini talak ara, nun Israel nang yin talin nang arye, ‘Yuk malye nang olbinamap,’ tenebikirye, olbanyak talak ara, an ap neika kum balulume.

2 Tawarikh 25:8

“Ati ara, na deiyoknye, ance sik Efraim yala nang dopropminye ura, an tam yin nang ap, sik ap, ansinibuka mikip deice arye, ilil una kumce, pin-pin deibuka, ‘Yuk mutuku nang olbinuyap,’ tenemince, ninye opmanto nang weik aunmace babye, Allah arye melipsilya deice arye, sik yuk mutuku nang ati, obuka sirya dakanamlume. Bukni, ance, ‘Se, anang nirya obuka sirya kum daktibye,’ tenepmince, ilil upkilyeura, Allah arye melina kumce, bataksilye ati, an mal olan nang, sik yuk mutuku nang arye, obuka sirya daknamsiake. Ara, talye ati kum nyapkine. Deiyok ara, Allah el mikip weik aryuk melipsiliba, nun mal olan nang ati, obuka sirya daktibye. Allah el mikip weik ulula deice arye, ‘Amutuku nang arye, yuk mutuku nang ati, obuka sirya daknamake,’ teneplyopura, aninguk wininamake. Aning kum opura, Allah arye, ‘Atam nang arye, sik ortam nang ati, obuka sirya daknamake,’ teneplyopura, aninguk wininamake. Aning nirya ara, Allah arye tenelye touk winilule,” Allah el yupu lak nyananye birye nyabuk.

Bilangan 14:45

Sik yuk binmeka ati, sik amutuku ulamik ninye, Amalek yala nang ap, Kanaan yala nang ap, yayikce opyakik. Opyakika ati, amutuku deice welepmek Israel ninye, bikbik abuka biyikce, kwarabuka Horma mutuku tam biyik bukni, sik mal olan ninye, tuba dobolbinuka opyakik.

Bilangan 14:42

“Ati ara, anggun bana meme. Allah ara, anggun dam kum unmasile. Anggun ap neika kum binulume. Dipkoprop angguncuk kekena kumce, mandipna kanye bobuka bimunyopura, anggun mal olan ninye arye onamsiake.

Ratapan 2:17

Min talak dodarapce, Allah arye, ‘Malye winibikceba, narye sik wenena ati winipnamne,’ tenebuka kintinyamukce, “Anggun dam ati winipnamne,” nyabuka, laka nyalilamsuk ning ara, wini talak akunum winipsuk. Allah elce nunti, bico tenena kum aryuk, dakuka bataksukce, atu buklopsuke. Ara, Allah elce nun mal olan nang, sik deice mikip arebukba, yan obuka bisipsike. Allah elce nun mal olan nang ati, ‘Kanye teleb kipdeiplirye, lo arepnyeba, Israel nang obikirye, malye kipnamake,’ tenyamuk touk, elce mikip arebukba, nun mal olan nang arye, nun ulamupu mutuku nirya ara, dakuka atu buklopsikce, teleb kanye bobuka ukirye, dipdanuka karye onyake. Elce, sik mal olan nang deice, mikip weik areamukba, sikce nunti, obuka malye kipsikce, nyek-nyek nyabuka nalisikirye, kanye delinyake.