Mazmur 89:23 - Eipomek

²³ Na Allah arye Daud biti, melipnyopura, el mal olan nang arye, kum yanuka obuka sirya daknamake. Tonda, malye winina nang arye, elti, kum yanuka malye kipnamake. Narye Daud biti, melipnyopura, yuk mutuku ninye deiyok nang arye, elti, ‘Nun si erena ati, yo bok uang weik arepsilyame,’ nyabica babye, kum arenamle.”

Mazmur 89:23 Referans Kwoze

2 Samuel 7:9

Dan mutuku nirya, balalum mutuku nirya ara, narye pia meilyamkise. Tonda, anti, ‘Opnamabe,’ tenelamkik nang nirya babye, narye sikti, kanye walwalap sinipna arye, meilyamkisiba, ance anang nirya obuka, sirya daklalume. Narye anti, weik kanye deipkisa anya arye, tukwak mutuku ninye deiyok nang, ulamaka atonunye ereipnamakine. Yuk deiyok nang, mitik weik si aupmal bukni, an si weik arye erepdeipkiniba, ninye mutuku-mutuku nirya, ‘Raja Daud bira, weik mambul weiknye ulamuk,’ tenepnamkiake,” Allah arye nyabuk.

Yohanes 15:23

Yata ninye do nirya, na Yesus ati, ‘Anye bira nun lik’ tenen, batakaninyak ninye ara, wininyaka deice arye, na Ni Koprop Allah babye ati, ‘Elda nun lik’ tenen, batakanyake.

Mazmur 132:18

Daud biti, ‘Anye nun lik’ tenen, mal pinamak nang nirya ati, na Allah arye, wenebuka, sik anang nirya, amu tam kipdeipyeura, sik pia alye weik dakdanamake. Bukni, narye wipdeipsinye Daud bira, el ninye deiyoknye kina ati, lak kin ning, el si mahkota ara, ninye arye aning dobuka, Daud el kisok deice deibikceura, el mahkota deice ara, dirina pia weik upnamle! Allah arye ayupu nirya nyabukba, sik mot nyana deiyok nang arye sekik.

Mazmur 18:40

Aning nirya winilamsa ara, na mikip deice arye kume. Aning kum bukni, an Allah aryuk, ‘Anye el mal olan nang olbilirye, sik nirya obuka sirya daknamle’ tenen, mikip weik arepnuluma deice aryuk, na mal olan nang nirya oplopse. Ara, an Allah aryuk nati, mikip weik arepnuluma deice arye, sik nirya obuka sirya dakse. Ance na mal olan nang ati, mitang kipdeiplumce, ance sik dobuka na amu tam deiplume.

2 Samuel 7:1

Israel nang, sik ninye deiyoknye Raja Daud, el weik aik akunum dobikba, anyaik wekukce, daulamuka ani, el mal olan nang ati, Allah arye meliamukba, obisibukopura, talye mangkau arye, aik pia bukukce, kanye deiamuk.

2 Samuel 3:1

Raja Saul el mapu silip ap, el tam kiamik nang ap, Raja Daud el mapu silip ap, el tam kiamik nang ap nirya ara, keting tamun weik tonun ton, olana uk ulamik. Winilamik bukni, Daud el tam ara, mikip weik upnin balamuk. Bukni, Saul el tam nang ara, pia mikip kum upnin balamuk.

Lukas 19:27

Bukni, ‘Anye bira, nun weik ninye deiyoknye Raja kum unamsile,’ tenepnikce, ‘Anye bira, nun like,’ tenelamnik nang ara, na dam boyanumunce, oplopmunyopura eipnune. Aninye deiyoknye birye el pil don nang ati nyabuk.” Yesus arye nyabuk. Yesus arye awinipmanto yupu nyabukura, el ap unmek nang arye kekebik.

Lukas 19:14

Bisik banmok talak ara, el amu tam ulamik nang, yuk talya nang arye, ninye wibuka deibikura, aRaja unamuknye biti laka nyalbiyik. “An Raja una ati, erepdeipnukiyak bukni, ‘Anda nun weik ninye deiyoknye Raja unamsilama ara, nun like,’ nyalyanmakiyabe,” nyabik.

Mazmur 109:3

Anang nirya arye nati, ‘Anye, nun pia like,’ tenekirye, pia malye yupu, na deice nyaninyake. Deiyok ning, pia ton kum upmalibuk, malye yupu nyabikirye, ‘Anye opnuyabe’ tenen, na dam yanuka, warikininyake.