Mazmur 86:13 - Eipomek

¹³ An siuk erenamkina deiyok ara, ani. Ara, ance nati, ‘Pia weik tonun bico tenekinirye, pia teleb kibuka winilinamkine’ nyapdeiamnulum ning ara, nukman kumto ulule. Tonda, minop talak akunum dipmanto ulamse talak ara, dipmatinirye, akunum diamik nang unyakak, amutuku si ara, Sheol mutuku, akunum binuka unmatinye bukni, wini talak ara, ancuk kwetepnulumba, kum dipsa ati, kam tuba unune.

Mazmur 86:13 Referans Kwoze

Lukas 1:58

Atalak ara, el mening dam ulamik ninye ap, el yala ninye ap, “Allah bico tenebuka melyamuka deice arye, sal mi akunum deiple,” nyabikura, kekebikce, sik aninye ap kanye deibik.

Mazmur 56:13

Se, na ni Allah, narye, ‘Anti wininamkine. An ti, teleb aren ning arenamkine,’ nyabuka nyalin yupu deice arye nyalamse ning nirya ara, dipkoprob winipnamnarya! Tonda, narye anti, “Naio anda pia telebe nyapkine,’ nyabuka, an si erenamkine.

Mazmur 116:8

Na ni Allah Yahweh, na dipmanto ulamse talak ara, ance lyepdeipnulume. ‘Na dipnun do?’ tenepse talak ara, kanye imun upnukba, weik arye ngalukuka engenmasebuk, na ni Allah Yahweh, ance melibuka lyepropnulume. Tonda, na yan dum duknukba, sakmanto ubsibuk, Allah ance talibuka, Allah atibuk, tuba-tuba dib tenelamsa anya arye, na ikin weik ulamnuk talak ara, anti morolamkise.

Mazmur 57:10

Deiyok ara, na weik deiyoknye Allah ati, yuk nang kekenak arye, ‘Telebe,’ nyabuka, Allah el si pia erenamne! Diba, sik dana-dana tam, yuk-yuk unyak mutuku noutam nirya ara, Allah anti, si erekinirye, ‘Allah ara, pia telebe,’ nyabuka, mot nyanamne.

Ayub 33:28

Tonda, anye birye, “Nara walamnik nang unyakak binmanto uapsebuk, Allah elce nati, Anye bira akunum diplamik nang unyakak ara, bana kume,” nyabuka lyepropnuke. Winipnukba, wini talak nara kam tuba unamne. Tonda, dirina ara tuba dinauk unamne,” nyanamle.

1 Tesalonika 1:10

Tonda, ‘Allah arye el Mi Koprop Yesus dibukce, kam bukeibuknye birye, im deice arye dolyanamsil’ tenen, pia kanye deiplumce, kintinibuka dinauk ululum ning ara, aning ton laka nyaninyake. Ara, Allah arye, malye winilamice nang ap, malye winin ning nirya ap ati, weik arye weneplirye, oplopnamle talak noutamak ara, Yesus arye lyebuka loplopnamsile.

Mazmur 30:3

Se, na si erenun Allah, na ni koproba Yahweh, na ikin unulul talak nirya ara, ‘Naio, ance melibuka kwetepnilyame,’ nyabuka, engebuka moronune. Ikin ulamnuk talak nirya ara, moropse ning ara, amoropkise touk, ance na melibuka kwetepnulume.

Mazmur 16:10

Aning ara, urdem ati kum nyapne. Na dipnya babye, Allah ance kum bataknamnilame. Winipnimince, ance wibuka deipnulumnye, pia diksukum winibuka telebuk wininunye bira, dipnyopura, tuku pum tam weipnica babye, nong ara, kum lyupnamnile. Kam bukeipnamnilama ati nyapne.

Mazmur 88:6

Ara, ninye dibikcopura, yuk nang arye, ‘Kume, sikda ninye akunum diamik mutuku noutamuk bindobika ati, dauplye. Nunce sikti, tuba kum meliptibye’ tenen, bikisinyak atonun akunum unamne. Ara, ninye dibikcopura, yuk nang arye, ‘Kume, sikda ninye akunum diamik mutuku bindobika ati, dauplye, nunce sikti, tuba kum meliptibye’ tenen, bikisinyak atonun akunum unamne. Anang akunum dibikceba, tuku lukikceura, daulamikca ani, oketing tamun noutam, sik akunum deiamik nang, tuba kum tenenyak touk, na babye atonun wininune. Na babye tuba pia kum teninyaninyake. Tonda, na kanye ara, ance ton nang ara batakmince, pia kum melilyam touk, na babye atonun, batakniminyeba, tuba kum melinilyame na nio!

Ayub 33:24

Amalaikat arye, el anye biti, bico uplyeba, elce nyapnamle, “Allah, ance anye bira, biklyame. El anye bira, ninye dibikirye, weilbanyaka dam binuka ulyame. El anye bira, ‘Sik diplamik nang dam kum bituʼ tenen, el kam una dekna ati arepmanto ning ara asukum,” nyabuka, nyapnamle. Aning areplirye, anye el yok ara punupnamle.

Yesaya 38:17

Dipkoprop na akunum moubuka kel bikse. Ara, na talima uk dinilye ning ara, ance na teleb kinina ati arepnulume. Kanye imun uk dilamnukba, dipmanto uamse bukni, tuba ton ap teleb kibuka kwetepdeipnulumba, adiparyuk kum dipse. Deiyok ara, narye malye un ning weik tonun winilamsa ani, ance, aning nirya dobuka, an dong tam deiplume. Na nie, ance pia kanye imun ning dam arye, lyepdeipmanilamce, na malye winilamse ning kum kipdeipnulume.

Ayub 33:18

Tonda, Allah arye tenesulula ara ani. Ara, Allah elce, ‘Kume, amalye unyak nang ati, lake kiplopyeba, sikda malyeuk ulamikca ani, akunum dibikceura, tuku palibuka dongonamake. Aning atonun, malyeuk daulamikca ani, akunum dibikceura, weik balamle mek koubuka otam ara, akunum diamik nang unyakakuk, binuka unamake,’ tenesulule. Ati, Allah arye, ‘Malye unmacebuk, dibicakʼ tenen, Allah elce nun tukwak nang ati, lengdar arye yupu nyasilya deice, melibuka lyelosulule.

Ayub 33:22

Winibicopura, anye bira dipmace nang weilbalamak sukum akunum binmanto ulule. Ninye dibikceura, weilbalamak nang, sik sambala binuka unyakak bana ati ara, akunum dam binmanto ulule.

Mazmur 108:4

Amot nyanamna deice arye, sik yuk mutuku noutam unyak nang kekenamak sukum, amot nyanamna deice arye, an Allah Yahweh ati, “Telebe,” nyanamkine na nio. Tonda, sik yuk mutuku noutam unyak nang, yuk-yuk nang nirya, sik kekenak ara, narye an Allah Yahweh ati, “Anda pia telebuk ulyame,” nyabuka, an si erekinirye, nyanamne.

Mazmur 30:4

Se, na ni Allah Yahweh, na akunum dipmanto ulamse bukni, ance kwetepnuluma ati, sik akunum diamikba, tuku lukamik nang dam kum bise. Kam tuba unune. Allah ance akunum kwetepnulumce, teleb kipdeipmanilama ati, wini talak kum dipnamne.