Biblia Todo Logo
Bib sou entènèt

- Piblisite -




Mazmur 84:6 - Eipomek

6 Na ni Allah ance mikip arepminyeba, pia telebuk wininamak nang ara, weik kanye deibuka, kil-kil asa arye unamake. Wininyaka deice arye, Allah an si erekinyak talak ara, sik urasin ara, ‘An pia tenen mutuku, Yerusalem mutuku tamuk dilbibyak arye, an si erenamkiabe,’ tenebuka, wininyak nang ara, pia telebuk kilinamlyame.

Gade chapit la Kopi




Mazmur 84:6
12 Referans Kwoze  

Tonda, nun ilil arye malye kanye kum bonyaba deiyok ton ani. Ara, kanye imun kanye upsile ning nirya ara, dipkoprop tia talakuk usulule. Tonda, kanamuk usulule. Kanye imun ning usilya deice arye, aminyan pia kam unamabak ara, pia teleb unamsile. Aning ara, weik mambul anya arye, wini talak ikin usilye ning ara, nun kanye ara, ‘Aning nirya ara, dipkoprop pia kanam atonunuk usulule. Aning ara, mambul kume,’ tenenyabe. Weik mambul ning ara, Allah ap neika pia kam unyabbuk, weik mambul ning arenamsil ning ara, kum nukmanto, pia weik arye arenamsile. Ati tukwak mutuku unyap talak, ikin usilye ning ati, ‘Aning ara, mitik mambul uka,’ tenenyabe.


Aning-aning nirya, min nyapmasina deiyok ara, ‘Sikce nati diba tenepnikirye, na ap, na mapu ap, kanye talima dukdongobuka neikauk ubibyopura, sik ikin kanye bona kumce, kanye deibuka telebuk unamak’ tenen, ati nyapmasine. Tukwak mutuku noutamak unamlum talak nirya ara, ikin ning ap, kanye imun ning ap, unamsile. Bukni, bouku sukuna kumce, kanye deibuka lamapdongobuka unamlume. Ara, tukwak mutuku ulul ning ap, tukwak mutuku unyak ninye ap nirya ara, narye akunum malye kibuka bisipsirye, sik deice tam akunum ununa ati nyapsine.” Yesus arye el wipdeiyamuk nang, sik 12 nang ati nyabuk.


Aning atonun, anggun Sion mutuku ululum ninye nirya, weik kanye deipmunce, pin-pin asa arye unamlume. Ara, anggun malye winin ning nirya kum kipdeipniba, teleb kibuka winimunya deice arye, na Allah disinirye, anggun nong deice kanye deibuka, teleb kilisunune. Tonda, narye li ning arisinye touk, dou arepmasinya ani, ton talak ara, mok aresunune. Aning atonun, ton talak ara, mok arepmasinye touk, dou li ton aresunune. Ara, min yuma talak, narye melibuka arelamse touk, wininamsine.


Asipdenukbuk, narye, “Na walwal bukni, anda kele,” nyapse. Nyapsiba, anye birye ayupu tamubuka, laka nyapnuke. “Kume, sik aninye ara talye nang kume. Sirya talak noutamak ara, malye nang arye, Allah el mapu nirya ati, ‘Nun like’ tenen, ikin ning pia weika arye, sik nong deice delilamikba, imun kanye weik bolamik bukni, Allah pia kum bataklamik. Kanye darapdongobuka, Allah elti, diba tupa tenelamik. Domba Mi Atonye obikba, el ining biyuka deice arye, sik malye winin ning nirya kum kipdeibukce, pia diksukumuk kipdeibuk. Winipsuka ati ara, sik nirya arye pia teleb koprop kurun baju ongopmake,” nyapnuke.


Bukni, na kayapo, Yesus Kristus arye nunti bico tenyamsukce, kanye talima arisilya deice arye melisulula anya arye, ikin ning ap, kanye imun ning ap awabsilya babye, el mikip arisilya deice arye malye kibuka mikip ninyeuk unyabe. Aning-aning nirya arye nunti, kum malye kipsutue.


Anda amutuku noutam balamuk talak ara, tukwak mutuku nirya, luluklamukba, im deice arye, weik mok ton celamuk. Winibuka deiyok ara ani. Ara, weik mikip Allah, Sinai mutuku deice yanuka, mambul yupu nyapdeiamsulum Allah ulyama ati, ance tukwak mutuku noutam yanulum talak ara, mutuku nirya lulukamuk. Diba, Israel yala nang nirya ati, melibuka kaliksilyam Allah, ance tukwak mutuku yalumba, mutuku nirya luluklamuk.


Aminyan talak, amutuku winilye Listra mutuku ap, Ikonium mutuku ap, Antiokia mutuku ap, Yesus diba tenebik nang ati amutuku tamubuka peterepra balamrikce, anang kanye talima kwa dilamrik. Anang talima kwa dilamrik akarye, amutuku nang Yesus diba tenebuka pia talibik ning ara, atalibika atonun, ‘Pia kanye lamabuka unamak’ tenen, sik kanya talima kwa dilamrik. Winilamrikak arye ayupu nyaprik. “Nun diba tenenyap ninye Allah aryuk, pia talipnamsil talak ara, ikin ning pia weik ulamsilya noutamak arye Allah el dam weknamabe, talye parapkabuka kil-kil kanye bon deice aryuk kum wektibye,” nyaprik.


Nun Israel yala nang nirya arye, Allah Yahweh el tibuk asum-asum nirya si erebibirye, Nun ni koproba Yahweh, an mikip weik ara, nun arepsimince, an babye nun dam tuba uminyopura, adeice arye nun mikip unamabe,” nyabuka, asum-asum nirya moronamabe.


Swiv nou:

Piblisite


Piblisite