Mazmur 84:5 - Eipomek

⁵ Pia dipkoprob na ni Allah, an un dam unamak nang ara, pia telebuk ukirye, asum-asum nirya, an siuk erenyakce, mot uk nyabuka, si erekikirye unamake. Akunum tenena ati, ‘teleb,’ nyapne.

Mazmur 84:5 Referans Kwoze

2 Korintus 12:9

Morolamse bukni, Allah arye ikin unilye ning ara, kum dopropnuke. Ayupu nyapnune. “Kume. Pauluso, aning tuba upmakil ikin wapkilya ababye, na bico tenepkinirye, na kanye aryuk melibuka arekunun ning dopropmince, telebuk unalame. Akunuma. Deiyok ara ani. Na mikip aresunun ning ara, sik badamnye mikip mitang wininyak ninye ati ara, na mikip weik arye arepsitinyeura, pia teleb wininamake. Mikip mitang winimunya noutamak arye, na mikip arenamsin ning ara, laka upnamlarya,” Allah arye nyapnuke. Nyapnuka ati ara, na mikip ara mitang upniliba, ikin unilye ning nirya ati, talye kanye deibuka weik arye, “Telebuka,” nyanamne. Deiyok ara, na mikip kum upnilirye, pia mitanguk unilye talak nirya ara, ‘Kristus el mikip weik arye arepnilibuk, adeice aryuk teleb wininamne’ tenen, kanye deibuka unamne.

Zakaria 10:12

Na Allah Yahweh arye nyapsine. Na tenen ninye, ‘Israel yala ninye nirya, pia teleb kibuka unamak’ tenen, wibuka deiamsise ninye ati, mikip kilinamne. Na Allah Yahweh ap, sik ap, neika kanye talima dukdongobuka unamap deice arye, mikip weik ninye unamake. Winipnyopura, sikce na nyapse yupu moubuka talibikirye, unamake. Winibikirye, na siuk erepnikirye, wininamniake. Na Allah Yahweh arye, akunum nyapne.

Mika 4:2

Amutuku yanganamak ninye, sikce nyanamak ning ara, “Yalulume, nun nirya Sion mutuku deice welebibirye, Israel ninye, sik ni Allah Yahweh, el si eren aik dam binuyabe. Winibibiba, elce nun wininamap ning nirya ati, bisik nukunamsile. Winibuka nuksiliba, nun nirya arye, abisikuk dobolbanamabe. Aning nyapmasina deiyok ara, Allah Yahweh el yupu ara, Yerusalem mutuku noutamuk ulula ati, amutuku uk, binuka unamabe. Tonda, Allah Yahweh ara, Sion mutuku deiceuk ulirye, el mapu koproba ati, yupu moubuka peterelule. Ati, Yerusalem mutuku uk, binuka unamabe,” nyabuka nyanamake.

Mazmur 40:8

Narye aning akunum kel kipsa ati, wini talak ara, na yanmance, an dam aunmane. Ance nyapdeiamlumba, an yupu buku noutamak, nati akunum sekeipnik ning ara, nyapnukine.

Pilipi 4:13

Yata winin ning do nirya, Kristus ap, kanye dukdongobuka unirye, el mikip arinilya deice arye, aning-aning nirya winiptinye.

Yeremia 31:33

Bukni, sik malye winilamice ning ati, wenen ning akunum arepnyopura, aminyan talak, narye winiryuk nyalin yupu, sik Israel ninye dam nyapdeipnamne ning ara, atia. Minop talak narye, ‘Aning wininamlulume. Aning ara, kum wininamlume,’ nyabuka, yupu deice nyaiamse ning ara, aminyan talak ara, ayupu moubuka tenenyak, ninye ara, yuk-yuk sik talima noutamak deipniba, moubuka tenenamake. Minop talak ara, keil deice sekuka arepse bukni, aminyan talak ara, sik talima pum tam sekuka deipnamne. Winipnirye, nara sik ni koprop Allah unamne. Sikda, na mapu koprop pia aunamake.

Mazmur 55:14

Bukni, wini talak ara, anda na tamnye, na kwit koproba ulyamnye birye, ikin ning delinilyame. Tonda, an ap, na ap, keting tamun weik arye akunum kanye deipdanuka, teleb kibuka neika ulamupu.

Mazmur 42:4

Tonda, na ikin unilye talak ara, ninye yuk dib tenena kum nang arye nyaninyake. An ni koproba Allah ara, dan ukulul do?’ nyabuka asipnikiba, keting noutam ap, lukunyan ap nirya, ‘Se’ tenen, mambul kirikna deiceuk unune.

Yeremia 31:6

“Aning nirya wininamlume,” nyapmasina ara, urdem ati kum nyapsine. Deiyok ara, dipkoprob na tenepse talak akunum uplyopura, amutuku kalikina ninye noutamak, tonoknye birye, Efraim mutuku noutamak yukupnamle. Ara, nyapnamle. “Anggun nirya yangalulume. Nun nirya tuba tamubuka, Sion mutuku binamabe. Ara, nun ni koproba Allah, el si Yahweh, el si eren aik dam bibirye, el si erenamabe,” nyabuka yukupnamle.

Yesaya 26:9

Lukunyan talak noutam nirya ara, na kanye dobuka, an deiceuk deipnirye, antibuk tuba tenekunune. Wininmanya ani, atalak-atalak nirya ara, na nong ap, na kanye talima ap nirya dobuka, an deiceuk deipkinirye, ‘Allah dan talak yanuka melilyanamnilʼ tenen, ekunune. Deiyok ara, an tamubuka yamince, tukwak mutuku, mutuku sirya, im sirya nirya, noutam arye, ance, “Aning ara, wininamlume, aning ara, pia kum wininamlume,” nyabuka nyapdeipsulum yupu kekebikirye, kel bikikcopura, anang yala-yala nirya ara, ‘E, diksukum winina ara, ani,’ tenebikirye, moubuka kel biknamake.

Mazmur 122:1

Daud kanye deibukce mot nyabuk Yuk nang arye nyapnik. “An ap nun nirya, Allah Yahweh el si eren aik neika binuyab,” nyapnikba, weik kanye deipse.

Mazmur 81:1

Ninye si Asaf birye, aMazmur mot yupu sekukce, Allah yupu mot nyana deiyoknye biti arebuk. Amot ara, yuk mot el si Gitit, lelim nyalamle touk ubuka nyanamlume. Asaf birye nyabuk yupu ara, ani.

Yesaya 45:24

“Na si erebikirye, nyanamniake. ‘Teleb kibuka diksukum winina ap, pia mikip arye winina ap nirya ara, Allah Yahweh elcuk ulule.’ Na Allah ara winibuka ununa ati, nati yu tenebuka, malye yupu nyaninyak nang nirya ara, aminyan talak ara na Allah ati eibikirye, alye upliba ilil unamake.

Mazmur 65:5

Ati ara, Allah ance, ‘Na si eren aik dam yanganamak’ tenen, wipdeipsulum ninye nirya ara, pia weik arye, kanye deibuka unamake. ‘Na dam yakirye, na siuk erebuka unamak’ tenen, akunum welisilyam ninye nirya, nun an dam yabirye, aning-aning nirya, kintinip deipsulum ninguk, talibuka ubirye, weik kanye deibuka unamabe. Ara, Allah an si eren aik, an uminyak, pia teleb sukum yanuka unamabe. Ati nun nirya arye, pin-pin kanye bobuka unamabe.

Mazmur 134:1

Nun ni Allah, el si Yahweh, el amu tam umunce, el si eren aik pum tam, pil dolulum nang nirya ara, Allah Yahweh ati, “Nun ni, anda pia telebuk ulyame,” nyabuka, el siuk pia erenamlulume. Ara, lukunyan noutamak bukni, Allah si eren aik pum, Allah ati, teleb ning arebuka, elti, kibuka, si eremunya deiyok nang nirya arye, Allah Yahweh ati, “Nun ni, anda pia telebuk ulyame,” nyabuka, el si pia erenamlulume.