Mazmur 84:10 - Eipomek

¹⁰ Tonda, nun ni Allah, ance nun deiyoknye Raja melibuka talipminyeura, elda pia diksukumuk wininamle. Tonda, ‘Ance akunum wibuka deiplumnye bira, talipminyeura, elda an amu tam ulirye, pia telebuk wininamle’ tenen, moropkine.

Mazmur 84:10 Referans Kwoze

Mazmur 27:4

Ati ara, na ni Allah Yahweh, elti, pia tuba-tuba moronun ning ara, tonok ning ara ani. Na kam unamne talak nirya ara, Allah Yahweh, el si eren aik dam anyuk unirye, ‘Na lyelonamnile,’ nyabuka moronune. Tonda, Allah Yahweh, el urasin pia teleb ulul ning ara, ‘Pia dinamne’ tenen, moronune. Tonda, el si eren aik dam unirye, tuba-tuba dinamna ati moronune.

Mazmur 63:2

Na ni Allah, an si eren aik pum tam, binuka ulamse talak ara, an mikip weik ap, weik erebuka, pia teleb ulyam ning ap, peterelamnulumba, eibuka kel bikamse.

Pilipi 3:20

Sikda wininyak bukni, nunuk aning ara, nun mutuku kopropa ara, im deice tamuka. Nun yala ara, im deice nang kipdeipsuke. Tonda, nunce, nun Ninye Lyena Deiyoknye bira, ‘Dan talak im deice dolyanamsil do?’ tenen, elti, kanye deibuka, pia kalekuka dinauk unyabe. Dolyanamsilnye bira, yuknye kume. Ara, nun Ninye Lyena Deiyoknye, el uka. Ada, nun Weik Ninye Deiyoknye, Yesus Kristus el uka.

Yakobus 2:3

Sisinanye bona weik talinanye, pia teleb baju ongolul weiknye ati, ‘Se elda mambul,’ tenebuka, nimalye arye, “Telebe amio, telebak dabulyalyame,” nyaptum bukni, pia talye kankanye ati ara, “Orkaren akuk tikilbinulyame, akumopura, nun yan yanilamap amsuna deiceuk buklyame,” nyaptumopura, aning ara, pia malye winilulume, nyapsine.

Lukas 2:46

Yerusalem birikopura, liki winilye sum tonap nirya ara, el tonok enmarika ani, Allah ati arilbalamikce, el si erelamik aik ara, Yesus aunmokak eiprik. Yesus ara, sik Allah yupu peterena deiyok nang kan-kan bukmokce, sik nyanmek yupu ara, el kekenmokce asildenmok.

2 Tawarikh 6:42

Nun deiyoknye Allah Yahweh, ance wipdeipnulum ninye deiyoknye, na Salomo biti, ‘Lik upkiliba, nati pia kum bataknamnilamʼ tenen, moropkine na nie. Ara, an adiparyuk nati, ‘Elda Israel nang taliplirye, Raja unamleʼ tenen, wipnulumce, erepdeipnuluma ati nyapkine. Tonda, an amu tam ulamukce, pil teleb kibuka dolamkuknye, na ni koproba Raja Daud bira, elti, weik tonun bico tenelamlumce, ‘Winipnamkine,’ nyalin yupu deice arye nyalamlum ning nirya ara, ‘Lubakina kumce, aning nirya tuba-tuba wininamlamʼ tenen, moropkine na nio.” Salomo birye Allah Yahweh ati morobuk.

Mazmur 132:10

Nun ni Allah, ance nun deiyoknye raja Daud biti, pia bico telyama ati, ‘El Daud biti, pia kum bataknalame’ tenen, moropkiabe. Ara, ance Daud biti, ‘Anye Israel nang nirya talenamle. Elda ninye deiyok kibuka, raja Israel unamle’ tenen, akunum wipdeiamlume.