Mazmur 78:4 - Eipomek

⁴ Ati, nunce deipnamap mapu babye, kekepnamak’ tenen, laka nyabibiba, nun mapu koproba arye, ton kekenamake. Tonda, ‘Nunce deipnamap mapu arye deibikiba, dadeipdanin banamak nang babye, kekenamak’ tenen, ayupu nirya, laka nyanauk unamabe. Ara, nun ni Allah Yahweh arye, pia teleb kibuka, pil dolamuk ning ap, el mikip weik arye pil dolamuk ning ap, tonda, el mikip deice arye, winipman kum pil dolamuk ning ap ara, laka nyanamabe.

Mazmur 78:4 Referans Kwoze

Ulangan 11:19

Winipmunyopura, Allah el yupu nirya dobuka, anggun mapu ati, tuba-tuba peterenauk wininamlume. Ara, anggun asik talye bukuka aunmamunye talak babye, bura tam bisik dabanmamunye talak babye, anggun dikdik sen talak babye, tonda bukmunce, anggun pil donmamunye talak babye, tuba peterelongonauk wininamlume.

Yoel 1:3

Ati, awininmalba eipmalum ning ara, anggun mapu kekenak binuka nuknamlulume. Nukmunba, ‘Sikce deibiceba, dadeipdanin banamak mapu, kekenamak’ tenen, nukunamake. Winibikiba, sikce dodeipnamak mapu nirya ati, pia nukdeipdanin banamake.

Ulangan 4:9

Musa birye Israel ninye nirya ati, nyabuk. “Na kwit capu kekeplulume. Anggun nirya pia moubuka unamlulume. Ara, ‘Anggunce akunum kekelulum yupu ap, elilalum ning ap, luba kipmunyak’ tenen, anggun kam unamlum talak nirya ara, aning nirya pia tenepmunce, moubuka unamlume, nyapsine. Aning nirya ara, luba kina kumce, pia tenenamlulume. Aning atonun, anggunce delilulum mapu ap, sik mapu arye dadeipdanin, banamak mapu ap ati, ‘Allah arye nyasulule,’ nyabuka, nukmunce peterenamlulume.”

Ulangan 6:7

Arup nyapnusin yupu ara, anggunce ayupu kekepmunce, anggun mapu nirya ati, tuba peterenamlulume. Ara, anggun aik bukmunyak ap, bisik banmamunyak ap, dikdik senak ap, mapnumunye talak ap, mapmamunya ani bukmunye talak ap, atalak-atalak nirya, ayupu nyapmunce, talibuka wininamlulume. Ara, anggun ap, anggun mapu ap ati, pia petereldanamlulume.

Mazmur 9:14

Se, diba na ni Allah Yahweh, ‘Na malye winilamse ning ati, pia malye winiluleʼ tenen, adiparyuk wenepnutum bukni, ‘Bico tenepnutumce, teleb kipdeipnutum’ tenen moropkine. Yu nang arye, nati, ‘Anye bira pia nun lik,’ tenepnikirye, ikin ning na nong deice delininyak ning ara, ance moubuka dinunilyame na nio! Sikce ikin weik kipdeipnikiba, nara akunum dipmatinyeba, kuna bisik bublan dam binmatini bukni, ancuk, na nong dobuka erepdeipnulumba, kam tuba unune.

Mazmur 26:7

Mesba dam banamne talak ara, kanye lon mot ton nyanamne. Tonda, an Allah arye, pia mikip weik ning, ninye kum winipmanto ning akunum winilamlum ning ara, yuk nang kekena ati, laka nyanamne.

Ayub 15:18

Ara, naryuk kum tenepse. Aning kum bukni, nun punun nang arye, weik bikamik nang, nunti nyapdeiamsikba, sik anang arye, na ni yapu koproba ap, na Elifas dam nyapdeipnikba, kekepse yupu ara, an Ayub dam ati nyapnukine. Tonda, nun punun nang arye, ayupu kum duknyamik. Nun punun nang arye deibikba, dukdongobuka nun apu yapu ton deibikba, deipdanin yangalamik nang nirya ap, nun atam unyap nang ap ati, lak nyapdeiamsik ning ara, anti lak nyapnukine.

Keluaran 13:14

Winilamunyeba, doyanamle talak ara, anggun mapu arye, “Awinilamunye ning nirya ara, yata deiyok ati winilulum do?” nyabuka asipsicopura, anggunce tamubuka anggun mapu ati nyanamlume. “Kume, aning ara, nun Mesir mutuku noutam ulamupubuk, sik Mesir mutuku nang arye, ikin weik pil dilamsikba, talye piluk dolamupu bukni, ‘Allah Yahweh, el taruk mikip deice arye lopdeipsukce, lyebuka Kanaan mutuku boyanamsuk ning’, tenena ati wininyabe,” nyanamlume.

Keluaran 13:8

Asum ton, dam akunum uplyopura, anggunce Allah el si erena ati kwalina kwalilamunye ani, anggun mapu arye, “Naio, yata deiyok ati aning ara wininmalum do?” nyabuka asipsicopura, anggunce, anggun amapu ati nyanamlume. “Kume, atalak ara, nun Mesir mutuku ulamupu buk, nun ni koprop Allah Yahweh arye, mambul pil akunum dopsuk deice arye, lobuka lyepropsukce, amutuku boyanamsuk sum, el si erena ati unmabe,” nyanamlume.

Keluaran 12:26

Winilamunye bukni, anggun mapu arye, ‘Ara yata wiryamuk sum ati mambul ning winipnamap do? Tonda, deiyok ara yata ati wininyap do?’ nyabuka asipsicopura, anggunce tamubuka nyapnamlume.

Yesaya 38:19

Na ni Allaho, sik kam tuba unyak nang aryuk, an si erebikirye, anti, ‘Telebe,’ nyakinyake. Aning atonun, naryuk, arup arye an si erebuka, anti, ‘Telebe,’ nyapmakine. Ninye wisi nang nirya ara, sik mapu ati nyanyake. Ara, Nun ni Allah ara, elce, ‘Wininamne,’ nyalye touk, aning nirya dipkoprob winilule. Bico tenesilirye, pia ati kum batakasulule,” nyabuka, sik mapu ati nyanyake.