Mazmur 78:35 - Eipomek

³⁵ Sik ikinuk ulamik talak ara, ‘Se, dipkoprob Allah ara, nun mikip arisululnye ap, nun melibuka kalikina deiyoknye usulule,’ tenelamik. ‘Winipmanto ara, Allah arye weik mutuku bulamle keil atonun usulula ati, el damuk teleb uptibye,’ tenelamik. Tonda, sikce, ‘Kume, Allah ara, aning-aning deice tam, Pia Mikip Weik Deiyoknye ulule. Ati, Allah elcuk, nunti, lyepsilirye, tamubuka teleb kipdeipsutuba, telebuk uptibye,’ tenelamikce, Allah ati morolamik.

Mazmur 78:35 Referans Kwoze

Ulangan 32:4

Nun ni Allah, yuk-yuk kum ulule. Elda keil pala yangalamla atonunuk ulule. Weik keil pia aulye touk, Allah babye, pia aulule. El tenena ap, el winilye ning ap ara, yuk-yuk kum ulule. El pil dolye ning ara, pia telebuk winilule. Tonda, el winilul ning nirya ara, dipkoprob kibuka diksukumuk winilule. Allah el pil dolul ning ara, ‘Ton tam nang, teleb kipnirye, ton tam ara, namin kipnamne,’ kum tenelirye, el nyalul touk, nirya pil dolule. Malye ning tonok babye, ton kum winiptue. El winilul ning nirya ara, yamubuka diksukumuk winilule. Ninye winilamak touk, elce teleb kibuka, yupu diksukumuk bokolisulule. Ati ara, el si erenyabe.

Yesaya 41:14

Anggun apu koproba Yakub birye deibukba, dadeipdanin yangalamik ninye, anggunda el yala nang ara, anggun ilil una meme. Yuk yala ninye arye anggunti, ‘Sik Israel ninye ara, mitik ap, mikip kum ap unyaka anya arye, sikda, talye kwising ap, kuluma ap atonun ninye unyake. Sikda mambule pia kume,’ nyabuka nalinamsiyake. Nyapsica babye, aning tenena meme. Deiyok ara, nara Allah Yahweh arye nyapsine. Narye anggun Lyena Deiyoknye unune. Nara Allah Pia Telebnye unirye Israel ninye ati, lyelona ap, kalikuka melina ap deiyoknye usunune.

Keluaran 15:13

Ance, ‘Anang ara ‘Naʼ tenen, ninye’ tenen, wiamsulumce lyepsulum ninye pia bico tenebuka tuba melisilyame. Pia kum batakasilyame. Winimince, ‘Dipkoprop bisik ani,’ nyabuka bobuka yangasilyama ani, wini talak babye, bobinamsilame. Tonda aninye ara an mikip deice arye pia melipnamlyame. Ance aninye bobuka balaminya ani, ance sikti, kintinip deiamlum mutuku, an uminyak, malye ning pia kum ululak, pia teleb touk delilbinamsilyame.

Titus 2:14

Nun Lyena Deiyoknye Yesus arye, nun lyena ati, el mining nonguk arepsukce, nun pununa ati dipsuke. Malye winin ning noutam akuk ulamupa ati ara, nun wenena ati talye luparabuka oplopsutu bukni, ‘Akili sal ara, deknamne,’ tenelamukce, nun pununa ati, tukwak mutuku yanuka dibuk. Winibuka deksuka deiyok ara, ‘Ninye tukwak kili sal, sik malye un ning nirya kilipnirye, dekuka lopdeipniba, ‘Na’ tenen, ninye pia teleb una ninye unamake. Winibikirye, teleb winin ninguk talibuka, kanye deibuka diksukumuk unamak’ tenen, el nong deice arye deksukce, lyepsuke.

Ulangan 32:15

Allah el ‘Naʼ tenen, ninye, Israel nang ara, aning-aning nirya dilamikba, sik nong nena ara, nong kalimna dongopna arye, weik arye nelamik. Aning-aning telebuk ulamuka ani, sik Israel ninye arye, malye kibuka, minop talak arye, sik kwepdeiamuknye Allah ati, ‘Nun like’ tenen, batakik. Tonda, sikti, lyepdomuknye Allah ara, el si yanibuka bataklamik. Ninye arye, ‘Yu nang arye opsicak’ tenen, tonda, ‘Weik mutuku pala keil leleipnamsil’ tenen, akeil donga duknulbalamik touk, sik lyena deiyoknye Allah ara, weik mutuku yangan keil atonun ulamsuk bukni, sikce elti, bataklamik.

Ulangan 7:8

“Allah arye anggunti, wipdeipsuka deiyok ara, ‘Anggunda ninye weik unyaka ati ara, wipnamne,’ kum tenelamuk bukni, deiyok ara ani. Ara, elce tuba bico tenyamsukce, elce anggun apu yapu ati, ‘Wininamsine,’ nyalilamsuk yupu ati, tuba tenelirye, anggun wini talak ululum ninye ati, wipdeipsuke. Minop talak, ‘Wininamne,’ nyabuka, akunum nyabuka ati, Mesir mutuku noutamak ikin weik ulamsuk buk, dobuka lyepsuke. Mesir mutuku weik deiyoknye Firaun, el mikip weik kibukce, anggunti taleamsuke. Winilamukce, ikin pil weik, anggun apu yapu nong deice delilamukba, ikin weik ulamik. Winibuka ulamik bukni, Allah el mikip weik deice arye, lyepsukce dobuka boyasuke.”

Yesaya 48:17

Wini talak ara, na Allah Yahweh arye nyapsine. Israel nang anggun Lyena Deiyoknye usunune. Nara, malye un ning tonok babye kum unilyeba, pia teleb Lek Deiyoknye unune. Anggun ti pia melibuka kalikisunune. Nara, anggun ni koproba Allah unirye, aning-aning nirya deice tam unirye, na mikip deice arye talinune. Narye anggunti, ‘Winibuka unamlume. Teleb uning ara ani,’ nyabuka peteresununa deiyok ara, ‘Anggun moubuka kel bikmunce, aminyan ara telebuk unamlumʼ tenen ati, pia peteresunune. Naryuk, ‘Anggun teleb banamlum bisik ara ani,’ nyabuka peteresiniba, aninguk kekebuka winimunyeba, pia diksukum bisikuk bobasunune.

Yesaya 44:6

Nara aning-aning nirya talibuka deice tam unirye, Weik Erebuka mikipnye birye nyapnukine. “Nara, Yahweh arye nyapkine. Nara, Israel ninye anggun ninye deiyoknye, Raja unune. Israel ninye anggun malye winina ati, opsitinye bukni, anggun malye ning pununa ati, namin kipsisirye, deksise. Na amu tamuk unamake. Nara, Weik Erenanye bira, na tonok unune. Na Allah Yahweh, aning-aning nirya talinirye, im deice yin talin malaikat nirya, sik weik deiyoknye ununa ati, nara deiyok kouna ap, sirya dakna ap nirya ara, weik deiyoknye, na uka. Yuk Allah ton kum ulule. Allah na tonok unune.

Mazmur 106:21

Winibika deice arye, sik Lyena Deiyoknye, Allah ati, luba kibik. Ara, Mesir mutuku noutam, ikin weik ulamik talak ara, sik lyena ati, sik ni Allah arye, pia mikip weik pil dolamuk ning nirya ara, luba kibik.

Mazmur 106:13

Bukni, sik daulamika ani, mitik tonun ton akunum ubukopura, Allah bira ninye arye ton winipman kum pil dolamuk ning ara, tamubuka luba kibik. Tonda, sikce, ‘E, minop ara, Allah arye, “Winipnamlume,” nyapsiliba, ‘Kekebibya deice arye wininamabeʼ tenen ning ara, tuba kum biklamika arye, sik min bikamik ning ara, luba kilamik.

Mazmur 78:42

Sik Israel nang arye, ‘Allah ara, dipkoprob Pia Mikip Weik Ululnye,’ kum tenelamik. Tonda, sikce, ‘Se, Allah arye, nun mal olan nang arye, nunti opmanto ulamsik talak ara, nun ni Allah arye, melibuka lyepropsuk,’ kum tenelamikce, aning babye, luba kinauk ulamik.

Mazmur 78:11

Tonda, Allah arye, sik melina ati, pil weik tonun melibuka, dolamuk ning nirya ara, sikda luba kinauk ulamikce, aning nirya ara, pia kum tenelamik. Atonun, Allah el weik tonun pia ninye dopman kum pil dolamuk ning nirya babye, luba kilamik.

Mazmur 78:7

Ara, talye ati kum bukni, deiyok ara, ani. Ara, ‘Sik aminyan talak kam unamak Israel nang, yuk-yuk nang nirya babye, sik ni Allah ati, ‘Kume, Allah elcuk nunti, melibuka lyepsuturye, teleb kipdeipsutue,’ tenebikirye, elti, diba tenebikirye, sik kanye talima, el deiceuk delinmake. Tonda, ‘Sik aminyan unamak Israel yala nang nirya, Allah arye mambul weik pil dolamuk ning nirya ara, luba kum kinamak’ tenen, ayupu nyabuk. Tonda, ‘Sik aminyan unamak Israel yala nang nirya ara, Allah arye, “Aning wininamlume. Aning ara, pia kum wininamlume,” nyapdeiamsuk yupu, pia luba kum kinamaka ati, ayupu nyapdeipsuke.

Mazmur 74:2

Kume na nio, ance kwepdeiamsulum nang, ‘Nun Israel yala nang ati, tonap tenepsimince, yanuka melinamsilam’ tenen, moropkiabe na nio! Ance nun Israel nang ati, ‘Anang ara, ‘Naʼ tenen nang unyaka ati, sikda pia talipnamne’ tenen, wiamsulumce, nun ikin weik ulamupu noutam arye, akunum melibuka lyepsulume na nio! Tonda, Sion mutuku ati, luba kina kum bukni, tonap tenenamlame! Ara, ance, “Amutuku ara, tia talak ati, na si eren aik aunamle,” nyapdeipsulumak ati, nyapne na nio.

Ulangan 15:15

Tonda, aning ton tuba teninamlume. Min talak ara, anggun Mesir mutuku noutam ulamlum talak, ikin weik ulamsuk ning ton, moubuka tenenamlume. Ara, anggun Mesir mutuku noutam ulamlum talak ara, ikin weik pil dilamsikba, imun kanye bolamlume. Winilamluma ani, anggun ni koproba Allah Yahweh arye, lyebuka boyanamsuke. Ati, Mesir nang arye, anggunti winilamsika atonun, anggun babye, anggun pil melin nang ati, kum wininamlume. Anggun talye pil don nang ara, tekbarye keting tamun uplyopura, anang batakmunyeba, talye binamake. ‘Winibuka unamlume,’ nyabuka, arup arye ayupu kunum nyapsine.

Ulangan 9:26

Na Musa birye, Allah moropsi yupu ara, ani. “Se na ni Allah, anda Erebuka Weik Deiyoknye. Anuk ulyam anye arye, ance ‘Winipnamne,’ tenelyam touk ulyame. Aning-aning nirya, talibuka ulyam bukni, ance wipdeiamlum ninye, ‘Na tenena ninye,’ nyabuka, wipdeiamlum ninye, Israel ninye ati, moropkine. Ara, ‘Ance, anang kum opnamlyam’ tenen, moropkine. Ance, ‘Aninye ara, ‘Naʼ tenen, ninye unamak’ tenen, Mesir mutuku noutam arye dobuka, an mikip weik deice arye, lyebuka boyanamlum ninye ara, kum opnalyame, na nio.”

Keluaran 6:6

Ati ara, Israel nang nirya ati, nyapnalame. Allah arye nyasulule, “Nara anggun ni koproba Allah, na si Yahweh unune. Na mikip deice arye, Mesir nang anggun nong deice ikin pil weik disinyak noutam ara, lyepdopnamsine. Ara, na mikip ap, mambul weik ning winipnamne deice arye, Mesir nang wenebuka opnirye, lyepnamsine.