Mazmur 70:1 - Eipomek

¹ Raja Daud birye, aMazmur mot sekukce, Allah yupu mot nyana deiyoknye biti, arebuk. Ara, ‘Allah si erebuka kina ati, kam ning obuka, elti, arepsi ning, tuba teninamne’ tenen ati, amot sekuk. Daud birye nyabuka, sekuk yupu ara, ani.

Mazmur 70:1 Referans Kwoze

Mazmur 143:7

Na ni Yahweh, na talima pia mitang uniliba, kum winipmanto ununa ati, narye morokunun ning ati, ance minop kekepnimince, melipnamnilame na nio! Na nio, ikin unilye talak, narye anti moropkinyopura, ‘Ance luba kum kinamnilam’ tenen, moropkine na nio. Ance kum kekepnimince, luba kibuka batakniminyopura, sik akunum diamik nang unyak touk, unamne na nio!

Mazmur 71:12

Aning ati ara, ‘Se na nio, Allah anda bataknimince, karen akuk kum unamlum’ tenen, moropkine. Aning kum bukni, ‘Ayu nang arye opnikcak ati, anda minopce, na dam yan melibuka kalikinamnilam’ tenen, moropkine na nio!

Mazmur 38:1

Raja Daud birye mazmur mot nyana deice arye sekuk. Ara, ‘Allah arye nati luba kum kipnamnil bukni, tuba teninamnil’ tenen ati sekuk.

Mazmur 69:18

Aning ati ara, imun kanye ning na dam akunum yanmanila ati, Allah ance eibuka, luba kum kipnamnilame. Atalak aniryuk eibuka, na dam yamince eibuka, lyepropnamnilame. Ara, Allah ancuk, ‘Ninye ati ara, talima se,’ tenebuka, weik bico ukukulnye ati, moropkine.