Mazmur 66:17 - Eipomek

¹⁷ Ikin ning, na dam pia weik ulamnuk talak ara, ‘Allah elcuk melibuka lyepnutu’ tenen, weik yupu deice arye, el tibuk morolamse. Narye nyalamse yupu deice arye, Allah ati, si erebuka, el si ati erelamsirye, “Anda pia telebe,” nyabuka, mot nyana deice arye nyalamse.

Mazmur 66:17 Referans Kwoze

Mazmur 34:6

Tonda, kanye imun deice daunyak ninye nirya ara, ‘Allah arye melipnamsilarya’ tenen, sik kanye nirya, el deiceuk deibikirye, elti, diba tenenyak ninye ara, pin-pin asa arye, kanye deibuka unamake ati ara, sik urasin ara, telebuk unamle. Tonda, sik aninye nirya arye, aminyan talak ilil upliba, alye pia kum dakaldanamake.

Mazmur 145:1

Na ni Allah, anda na ninye deiyoknye Sisinanye, Raja unilyame. Ati, ‘Narye an si erena ati, mot senmanirye, pia tuba-tuba kibuka, si erenamkine. Pia kum bataknamne,’ tenenune.

Mazmur 116:12

Allah Yahweh ance, aning-aning nirya ara, nati weik arye teleb ubuka, arelamnulume. Ati ara, narye yata teleb ning tamubuka, Allah anti arepkitinye do?

Mazmur 30:8

Bukni, dipkoprob wamnuk ning ara, ani. Ara, anda Allah Yahweh arye, kanye deiamnulum talak arye, pia teleb kipdeipnulumba, na mikip weiknye ulamse. Winipmanto ara, weik mutuku bukamlirye, lokman kumto ulamle touk, ulamse. Bukni, winipmanto ara, ance nati, donga tamubuka, yukakuk dimince, nati tuba kum kalekuka melilamnulumba, ‘Se’ tenen, na talima daksaknukba, imun kanye bobuka ulamse.

Mazmur 30:1

Raja Daud birye, Mazmur yupu mot nyana ati, sekuk. AMazmur mot sekuk ning ara, Allah el si erena ati, lek aik bublan kukuna ap, weik kwalya kwalina ap ati, asum arye sekuk.

Mazmur 30:9

Atalak noutam arye, narye anti, ‘Se, na ni Allaho, na melipnilyame,’ nyabuka, ngalukna deice arye, malye nyabuka moropkise. Ara, narye Allah ati, pia mikip weiknye ulula ati, elce aning-aning nirya talibuka, deice tam ulirye, elce teniplye touk winilula ati, narye elti, ‘Melibuka lyepnilyame,’ nyabuka moropse.