Mazmur 6:1 - Eipomek

¹ Daud birye aMazmur yupu mot sekeibuk ning ara, ‘Allah yupu mot nyana deiyoknye arepnamakʼ tenen ati, sekukce, ‘Gitar atonun ning, el si ara kecapi, el tapu ara, delapan wamlye ning arye, amot nyanamlume,’ nyabuk.

Mazmur 6:1 Referans Kwoze

Mazmur 38:1

Raja Daud birye mazmur mot nyana deice arye sekuk. Ara, ‘Allah arye nati luba kum kipnamnil bukni, tuba teninamnil’ tenen ati sekuk.

Yeremia 46:28

Ati ara, se na mapuo, anggun apu koproba, Yakub birye deiamukba, dadeipdanin yangalamika ani, wini talak unmalum Israel nang ara, na amu tam ululum ati ara, anggun ilil una meme. Nara, anggun dam yanirye, anggun ati lyepdopnamsine. Minop talak anggun wenena ati, narye anggunda yakuka donoksiseba, yuk-yuk mutuku nang arye, sik unyak mutuku bobinamsikba, daulamlum bukni, anggun olana ati ninye, sik yuk-yuk mutuku ulamice buk, narye anang nirya obuka, kum kipdeipnamne. Winipnamne bukni, dipkoprob nyapsine. Anggunce, malye winin ninguk talibuka, malye-malye weik winilamlum ning ati, narye, ‘Daupmalye, aning ara, talye lubakibuka namin kipnamsine,’ kum nyaptinye. Ati, aminyan talak, anggun malye-malye ning winilamlum touk, anggun dengna ati wenepnamsine. Bukni, anggun nirya ara, obuka sice buklobuka, min kume kum daneipnamsine. Aning kum bukni, aminyan doupnamle talak ara, tonap teleb kipdeipnamsinca! Anoutam talak, anggunti obuka bobinamsik yala nang nirya ara, aminyan talak narye opnirye, kum kipdeipnamne. Bukni, anggun Israel nang ara, pia kum bataknamsine. Na ap, anggun ap, neika pia unamaba ati, aminyan talak ara, pia teleb kipdeipsiniba, telebuk unamlume. Na Allah Yahweh arye, ayupu nirya akunum nyapmasina ati, aning nirya ara, dipkoprob nong upnamlarya, nyapsine.” Allah arye nyabuk.

Mazmur 118:18

Allah el si Yahweh arye, na malye winilamse ning nirya wenena ati, weik ikin ning, na nong deice deiamnukba, kanye imun ulamnuk. Bukni, Allah arye nati, ‘Elda dipturye, ninye dibikirye, banyak sukumuk bitue,’ kum tenelamnuke. Melipnukba, el mikip deice arye, tuba kam unune.

Yeremia 10:24

Aning ati ara, na ni Allah ance, nunti wenepnamsilam bukni, nun ni Allah, an yu weik upkilye talak arye, nun deice weik kanye imun ning deibuka wenebuka ona kume. Dipkoprop, an yu upkilye talak arye, wenepsiminyeura, nunda adiparyuk, an dam arye, kum kipdopnamsile. Ati, ‘Mitik ikin ninguk, nun deice deibuka wenepsutumeʼ tenen, moropkine na nio.

Yesaya 57:16

Ayupu nyapmasina ara, talye ati kume. Deiyok ara ani. Ara, narye na mapu, anggun dam ati, “Anggunda pia malye ululum nang,” nyabuka, pia ati kum wenepnamsine. Tonda, narye sik malye unyak ning ati, tuba-tuba yu upnilyeba, anggunti kum wanamsine. Deiyok ara, ‘Na yu tuba upnilyeura, anggunti pia wenepsinirye, ikin ning anggun deice pia deipsinyopura, na mapu anggun imun kanye bobuka, talima daksaknul’ tenen, tuba tonap kum wanamsine. Narye anggun nirya ara, memepdeiamsak umunya ati, aminyan talak naryuk, anggunti, kanye tonap teleb kipdeipnamsine.

1 Tawarikh 15:21

Ton nang ara, ‘Mot nyabikiba, anang arye, mitik tonun gitar atouk ning, pinbarye tapu arye lelim nyabikiba, el yupu pinbarye welepya kolukaplya kin mot nyana nang ati, kecapi arye, ‘Apel donamakʼ tenen, wipdeibik nang, sik si ara ani. Ara, Matica ap, Elifelet ap, Mikneya ap, Obet-Edom ap, Yeiel ap, tonda Asazya ap, tapu pinbarye kecapi deice arye, mot nyanamakʼ tenen, wipdeibik.

Yesaya 54:9

Minop talak Nuh ulamuk talak ara, tukwak mutuku ninye arye malye-malye weik ulamik bukni, na Allah arye, weik mok arelamsiba, mekwen sirika diamuk. Winibukopura, narye Nuh biti nyapse. ‘Ance deipminba, dadeipdanin banamak nang, unamak talak nirya ara, narye tonap weik mekwen arepneba, deibuka tukwak mutuku nirya kum dipnamla anya arye, anggun nirya tuba tonap kum opnamsine,’ nyapdeiamse. Aning atonun, wini talak ara, narye anggun Israel ninye ati, nyapsine. ‘Na yu upniliba, wenebuka kum opnamsine,’ nyapdeipsine.

Mazmur 4:1

Allah el si erena ati, mot nyan nang arenamaka ati, sekuk. Amot nyalamuk talak ara, kitar urasin atonun ning, el si ara kecapi, talipnarye mot senamlume nyalamuk. Raja Daud birye amot yupu sekuk.

Mazmur 12:1

Ninye deiyoknye Raja Daud birye, Mazmur yupu mot sekuk. Ara, Allah yupu mot nyana deiyoknye, el arepnamuka ati sekuk. Tonda, amot ara, yuk mot, el si Shemit lelim nyalamupu deice arye, amot babye alelim deice nyanamlume.

Mazmur 2:5

Ati winiplirye, Allah el yu ning, sik nong deice deipnamle. Winiplyopura, sik ilil upliba, lukdanamake. Deiyok ara, Allah el yu sik aninye deice deipliba, ilil weik upliba, sik nong ara, birbir anamake.

1 Tawarikh 15:20

Ton nang ara, ‘Mot nyabikiba, anang arye, mitik tonun gitar atouk ning, tapu arye lelim nyabikiba, weik arye nyalamle ning, el si ara gambus ap, ‘Apel donamakʼ tenen, wipdeibik nang, sik si ara, ani. Ara, Zakaria ap, Asiel ap, Semiramot ap, Yehiel ap, Uni ap, Eliab ap, Maaseya ap, tonda Benaya ap ara, ‘Kecapi mot nyanamakʼ tenen, wipdeibik.