Mazmur 55:1 - Eipomek

¹ Raja Daud birye, aMazmur mot yupu sekuk. Ara, ‘Israel nang peterena ati, Allah yupu mot nyana deiyoknye biti, sekuka arebuk. Amot ara, kitar atonun, el si kecapi deice arye, nyanamake.

Mazmur 55:1 Referans Kwoze

1 Peterus 3:12

‘Wininamaka deiyok ning ara, ani. Ara, Allah el yupu kekebuka diksukumuk unyak ninye ara, Allah arye pia melibuka disulule. Tonda, sikce elti, moronyak ning nirya ara, pia moubuka kekelule. Bukni, sik malye-malye unyak ninye ati ara, Allah arye sik yupu seklirye, batakalongolule.’ (Mazmur 34:12-16)

Mazmur 86:6

Na ni Allah Yahweh, narye morokunun ning ara, ‘Moubuka kekepnimince, melipnamnilam’ tenen, moropkine na nio! Ara, narye, “Melipnilyame,” nyabuka, engena deice arye moronamkin nirya ara, ‘Kekepmince, na moropmakin touk melipnamnilam’ tenen, moropkine na nio.

Mazmur 61:1

Mot nyana deiyoknye Daud, elce bilkong ning, el si kecapi dobuka, Allah ati si erenmokce, mot nyanmok.

Mazmur 27:9

Ati ara, na batakanina meme. Narye moropkinye talak nirya ara, an urasin tamuna meme. Ance nati, yu upkiliba, urasin malye bonina meme. Aning ara, ancuk lyelonilyamnye ati, ‘Na batakniminyak’ tenen, moropkine. ‘Tonda nara, an amu tam pil donanye ununa anya arye, narye anti, nyapnamne ning ara, kekebuka namin kipniminyak’ tenen, nyapkine. Anda, na ni Allah, na Lyena Deiyoknye unilyama ati nyapkine.

Mazmur 80:1

Mot wibuka sena deiyoknye, Asaf birye kita oulamle ning, el si ara, Bunga Bakung deice libuka nyanmok.

Mazmur 64:1

Amazmur mot yupu ara, Raja Daud birye sekuk. Ara, Allah yupu mot nyana deiyoknye arena ati, sekuka arebuk. Daud birye sekuk yupu ara, ani.

Mazmur 84:8

Sik anang, Sion mutuku bana ati, bisik banmakce talak ara, nun ni Allah, ance mikip arepminyeba, mikip kibikirye, mikip uplyeura, Sion mutuku dam binamake. Sion mutuku bikce talak ara, Allah el dam wekelbinamake.

Mazmur 80:4

Diba, nun ni Allah ancuk, nun malye unyap ning nirya, kum kipdeipsimince, an dirina arepsiminyeba, telebuk unamabe. Tonda, ninye ati bico tenesimince, nun talima tamubuka delinamsile. Winipsimince, lyepsiminba, telebuk unamabe.

Mazmur 5:1

Allah yupu mot nyana deiyoknye biti, Daud birye aMazmur yupu sekuk. Amazmur mot nyan talak ara, mot nyan ning, el si ara suling talibuka, aning deice arye amot nyanamlume.

Ratapan 3:8

Narye Allah ati, “Melibuka lyepnilyame,” nyabuka, ngalukulamsirye morolamse bukni, elce na yupu kum kekepmanto ulamnuke.

Mazmur 143:7

Na ni Yahweh, na talima pia mitang uniliba, kum winipmanto ununa ati, narye morokunun ning ati, ance minop kekepnimince, melipnamnilame na nio! Na nio, ikin unilye talak, narye anti moropkinyopura, ‘Ance luba kum kinamnilam’ tenen, moropkine na nio. Ance kum kekepnimince, luba kibuka batakniminyopura, sik akunum diamik nang unyak touk, unamne na nio!

Mazmur 28:1

Na ni Allah Yahweh, ‘Ance melipnunilam’ tenen, yupu weik arye yukubuka, moropkine. Winipmanto ara, weik mutuku dam bukamlye keil deiyok dam duknupnirye, telebuk ununa atonun, an dam ara, kanye deibuka telebuk unune. Ati na nio, ‘Na moropkin ning ara, kekepnulilam’ tenen, moropkine. Na nio, anyapkina ara, talye ati kume! Ance na moropkin ning ati, kum kekepniminyeura, ninye dibikceba, tuku pum palibikirye, dongolamak touk winipnicake. Min akunum diamik nang unyak sukum binuka unamne.

Mazmur 17:1

Raja Daud birye, aMazmur mot sekuk. Se, na ni Allah Yahweh, ikin unulula ati, narye anti, ‘Melipnilyame!’ nyabuka, engena deice arye, ‘Moubuka melipnilyame!’ nyabuka, moropkin yupu ara, kekepnimince, melipnilyame, na nio! Nara anti, ‘Melipnamnil’ tenen, moropmakin yupu ara, ‘Moubuka kekepnamnilam’ tenen, nyapkine. Na si bambol arye nyakunun yupu ara, talye yupu kuma. Dipkoprop yupu dem nyakunune.

Mazmur 6:1

Daud birye aMazmur yupu mot sekeibuk ning ara, ‘Allah yupu mot nyana deiyoknye arepnamakʼ tenen ati, sekukce, ‘Gitar atonun ning, el si ara kecapi, el tapu ara, delapan wamlye ning arye, amot nyanamlume,’ nyabuk.

Ratapan 3:56

Narye Allah anti, pia moropse. “Narye anti moropkise ning ara, an amul kunukulongona kum bukni, ance kekebuka melipnilyame,” nyabuka moropkise. Tonda, narye anti, “Melipnilyame,” nyabuka, morokeseura, kekepnulumce, na dam yanamlume. Winiplumopura, nati, “Anda ilil una bataklyame,” nyapnulume.