Biblia Todo Logo
Bib sou entènèt

- Piblisite -




Mazmur 44:24 - Eipomek

24 Aning ati ara, ‘Nun ni Allah, an bikmince, minopce nun dam yana melibuka lyepropnamsilam’ tenen, moropkiyabe. Na nio, anda nunti, ‘Pia kum batakanamsilam’ tenen, moropkiyabe. “Ati na nio, minopce nun dam yana melibuka lyepropsilyame!” moropkiyape.

Gade chapit la Kopi




Mazmur 44:24
14 Referans Kwoze  

Se, na nio. Anda yata deiyok ati, na duknunimince, na dam yanuka, pia kum melinilyam do? Tonda, yata deiyok ati, ance nati, ‘Anye bira, lik tenenilyamce, malyeuk winilula ati, elti, weik wenebuka opnamne,’ tenenilyam do?


Yu ubuka ati ara, Allah arye nyapsuk. Sik dam arye, na nong ara duknupniba, sik tonap kum eipnamniake. Winipniba, sikda upra balamikca, sirya talak ara, ‘Yata wiripnamak do?’ tenen, dinamne. Sik bataknamna ara, talye ati kum bukni, deiyok ara, sik wini talak unyak nang ara, dipkoprob ning ton, kum wininyake. Malye mapu arye, sik ni yapu kum kekekirye, malye ninguk winilamak touk, atalak ninye arye, na batakuka, na nyapse atonun kum dukdongobuka unyaka ati, narye sik bataknamne.


Tonda, sik yu nang arye, anti, ‘Allah elda nun like,’ tenekinyak nang nirya ara, weik yupu deice arye, malye-malye nyakinyaka ati, aning babye, luba kina meme na nio! Diba anti, ‘Nun like. Tonda, elti, yanipnamabe,’ tenekinyak nang ara, weik yupu arye, tuba-tuba malye nyakinyake. Aning ara, luba kum kipnamlyame na nio! Anang ara, wenebuka opnalame!


Se, nun ni Allah, nun Israel yala nang ara, mitang nang unyaba ati, ance bataksiminyopura, ‘Nun mal olan nang arye, adiparyuk yanuka opsikcak’ tenen, ance kaliknamsilame na nio! Winipmanto ara, bai tam ulamle maka, el si yalma maka, pia mitang ulamle touk, nun Israel yala nang ara, atonun mitang unyabe. Ati ara, ‘Ancuk, nunti lyepnamsilam’ tenen, moropkiabe! Diba, nunda bona yala-yala nirya talina kumce, talye bona uto-toa talina kum nanguk unyaba ati, ance nun Israel yala nang ati, kum luba kinamsilame na nio. ‘Tuba tonap tenepsimince, lyepnamsilam’ tenen, moropkiabe.


Ikin weik unulul bukni, keting duk-duk noutamak nirya ara, na ni Allah ance, bico tenebuka melinilyame. Wininiminye ning ati ara, lukunyan noutamak ara, Allah an si erena ati mot nyakunune. Na ni Allah, anda na Kam Una Deiyoknye uminya ati, kanye lon mot nyapnirye, Allah antibuk morokunune.


Mazmur yupu deice mot nyana ati, Raja Daud birye sekuk. Ara, Allah yupu mot nyana deiyoknye arepnamika ati, amot sekuk.


Sik maknya kintininyak nang, sik talima noutam ara, ‘Kume Allah ara, nun unyap ning ara, pia kum bikisulule. Elce nunti, akunum luba kipsuka ati, malye winin ninguk talye mangkau asa wininamabe,’ tenenyake. Tonda sikce, ‘Allah elda, nun malye wininyap ning ara, kum elisulula ati, yuk nang ati, ikin ning pia weik tonun, sik nong deice deiptibya babye, Allah arye eibuka kum biksutue,’ tenenyake.


Se, nun ni Allah Yahweh, yata deiyok ati, ance nunti yukak tikmanalimne, kum melisilyam do? Tonda, yata ati, nun ikin weik unyap talak ara, ance yanuka kum melibuka lyesilyam do? Winipmanto ara, anda duknupmamince, luba kiltakasinauk winisilyame.


Ati, minop bukmince, na lyena ati, mining dam anyuk yamince, kalikinamnilyame na nio. Ara, talye ati kum bukni, anda na si erekunun Allah, anda aning-aning nirya talimince, Pia Mikip Weik Deiyoknye ulyama ati, na melibuka lyelona ati, minop yanulyame na nio.


Allah arye ayupu nyapdeibukba, sik Israel nang arye nyabik. “Se, nun ni Allah Yahweh, an adiparyuk kekepsimince, melibuka lyepsilyame! Na nio, an mikip weik deice aryuk, nun lyepdopsilyame! Minop talak ance nun apu yapu ati, melibuka lyepdonlum touk, nunce, ‘Adiparyuk tikibirye, nun atalak unyap nang ati ton, yanuka lyepdopsutumʼ tenen, moropkiyabe. Ura, nun ni Allah anti, nun apu yapu arye, ‘Nun ni koproba Allah, melipsilyame!’ nyabuka, moropkikba, yu weik ulamuk isa kwatima, akam ulamuk ning, el si Rahab, akunum parang ya arye sekuka omuka deiyoknye birye, yatanye birye do? Kume, yuknye birye kume. An Allah aryuk, weik laut mekwen noutam kam ulamuk kwatima, el si Naga Laut, weik laut mekwen pum tam arye lukuka oplumba, diamuke.


Swiv nou:

Piblisite


Piblisite