Mazmur 42:1 - Eipomek

¹ Daud mot deice arye, sik Korah yala nang ati nyabuk.

Mazmur 42:1 Referans Kwoze

Mazmur 119:131

Ance nyasiminye yupu weik arye, patanulul anya arye, na kanye talima noutamak ayupu ati tenipdenirye, ‘Se ayupu ara, weik tonun ton kel biktinye’ tenen, talimauk dinulule. Winipmanto ara, kam ara, mek pataliba, si akuka kang-kang alamle tonun, unune. Ara, talye ati kume. Na ni Allah ance, “Aning ara, wininalulume. Aning ara, pia kum wininamlulume,” nyapdeiamsulum yupu nirya ati ara, ‘Ayupu kel biktinye’ tenen, pia patanilya deice arye unune.

Mazmur 48:1

Allah yupu mot nyana ati ara, sik Korah yala nang arye diamik mapu, sikcuk Allah yupu mot seklamik.

Mazmur 46:1

Mot nyana ati deiyoknye bira, Daud deiyok kipnaba, sik Korah mutuku deipkirikdop nang nirya ara, Allah ati mot nyabuka, si erelamik.

Mazmur 85:1

Korah yalanye birye, Mazmur yupu sekukce, Allah yupu mot nyana deiyoknye ati arebuk. Anye birye nyabuk yupu ara, ani.

Mazmur 45:1

Mot nyana deiyoknye arepnamuka ati, sekuk. “Amot ara, yuk mot ton, el si Bunga Bakung mot lelim nyalamle touk nyanamlume,” nyabuka sekuk. Amot ara, sik Korah yala nang arye, deibiknye birye sekuk. Ara peterena ap, bico tenelana ap ati, sekuk.

Mazmur 47:1

Korah yala ninye arye, mot deice arye nyabik.

Mazmur 44:1

Israel yala nang peterena ati, Korah yalanye tonoknye, aMazmur yupu mot sekuk. Sekuk ning ara, Allah yupu mot nyana deiyoknye biti arebuk. Anye birye nyabuk yupu ara, ani.

Mazmur 49:1

Sik Korah yala nang arye, deiamiknye birye, aMazmur mot yupu sekuk. Ara, Allah yupu mot nyana deiyoknye arena ati, sekuk.

Bilangan 16:32

Tuku likdebiyukba, sik anang ap, sik mapu nirya ap, atikmek touk adiparyuk, tuku pum bisik wekikba, atuku arye tamubuka sinipdongobuk. Ara, Korah el tam kipmek ninye nirya ap, el mapu nirya ap, el aik neika ulamik ninye nirya ap, tonda sik talilamik ning nirya ara, tuku pum bisik wekikba, kum dayuk.

Bilangan 16:1

Ura, Lewi yalanye, Kehat birye deiamukba, elce, deibuknye, el si Yizar birye deibuknye, Korah birye, Musa biti, malye kibukce malye yupu nyabuk. Amalye yupu nyanmok talak ara, Ruben yalanye birye deibukba, deiamik nang winilye arye tonap, yupu tabakuka, malye yupu nyabik. Sik awinilye nang si ara, ani. Datan ap, Abiram sikda, Eliab el mapu ulamdik. Tonda, Pelet el mi On ulamuk.

Bilangan 26:11

Aning nirya winibuk bukni, Kora elce deiamuk mapu nirya ara, kum dibik.

Keluaran 6:24

Ninye si Korah, elce deiamuk nang ara, winilye ulamik. Sik si ara, Asir ap, Elkana ap, Abiasaf ap ulamik. Anang dumbarye ara, Korah yala nang, sik apu yapu ulamik.

1 Tawarikh 6:22

Kehat birye deiamuknye ton, Aminadab ulamuk. Aminadab birye deibuk mi ara, Korah ulamuk. Korah birye deibuk mi ara, Asir ulamuk.

Mazmur 87:1

Korah el deibukba, deipdanin balamik ninye arye nyalamik mot ara, ani. Allah elce, ‘Amutuku deice, na si deipnamne’ tenen, wipdeibuk mutuku, malye ning tonok babye pia kum ulul mutuku ubuk. Amutuku deice ara, Allah Yahweh arye dobuka deibuk mutuku, weik kota kintinip deibuk.

Mazmur 88:1

Sik Korah yala nang arye deiamiknye arye, Mazmur mot yupu sekuk. Ara, Allah yupu mot nyana deiyoknye arenamika ati, amot ara, sekeibuk. Tonda, amot yupu ara, ‘Yuk Allah yupu mot, el si ‘Leanot mot’ nyanmakceba, el lelim nyalamle touk kibuka, amot babye atonun nyanamak’ tenen, sekuk. Tonda, Ezrahi yalanye, el si Herman birye, amot yupu sekdeibuk. Ara, ‘Israel yala nang nirya arye, aning ara kel bikinamake,’ tenebukce, sekuk. Herman birye sekuka nyabuk yupu ara, ani.