Mazmur 39:4 - Eipomek

⁴ Winibuka ulamasa ani, na kanye talima noutam ara, ilil upnukba, tuba teninauk unmasirye, weik ikin kanye bopmase. Winipmasa ani, aminyan talak ara, narye yupu nyapsirye, Allah ati moropse.

Mazmur 39:4 Referans Kwoze

Mazmur 90:12

Ati ara, na ni Allah ancuk nunti, “Anggun kam unamlum talak ara, lo weik kum anya arye, moubuka nukuldenamlulume. Ara, ‘Malye ubipyak’ tenen, atalak-atalak nirya ara, pia moubuka wininamlulume,” nyabuka peterepsiminba, nun kel bikibirye, aninguk talibibirye, moubuka wininamabe. Winibibya deice arye, kel bikna deiyok ning, kel bikibirye, unamabe.

Mazmur 103:14

Allah elda, weik tonun bico tenesulula deiyok ara, ani. Ara, Allah el kele. Nun tukwak nang nirya ara, nun kanye talima mikip weik nang kum unyabe. Elce talye tuku buk dobuka kwepdeiamsuk ning ara, tuba tenesulule. Ara, Allah arye tukwak nang kwepdeiamsuk talak ara, kelkel alamuk tuku dobuka adeice arye kwepdeiamsuke. Aning ara, tuba tenesulula ati, yu upliba, minopce obuka sirya kum dakasulule.

Mazmur 119:84

Na an amu tam unirye, an pil donanye unun bukni, ‘Na ni Allah arye, dan talak arye, yanuka lyepnamnil do?’ tenen, dinauk unune. Yata wiribukap talak, tonap dinauk unamne do? Ara, sikce, ‘Anye bira, nun lik’ tenen, na nong deice ikin ning, weik deilininyak ninye ati, ‘Allah dan talak arye yanuka, sikti, weneplirye, sik nong deice ikin ning delinamle do?’ tenen, dinauk unune.

Ayub 14:13

Ati ara, na ni ance na dobuka, ninye dibikiba, tuku palilamak ninye, balamakak dungnubuka deipniminba, an yu teneniminye ning kum upkiliba, tuba tamubuka tenenamnilame. Winibuka ancuk kalikuka dilamnimin bukni, an yu kum upkiliba, ance tenepnulum talak akunum uplyopura, tuba tonap nati tenenamnilame.