Mazmur 38:7 - Eipomek

⁷ Wini talak ara, pia talima ikin weik unilirye, na nong kanupdongobuka unune. Wininun talak, na urasin ara, tuku deiceuk, mabuka akunum unune. Tonda, kiting noutam nirya ara, pia malye kanye bobuka, engebuka banune.

Mazmur 38:7 Referans Kwoze

Rasul 12:23

Anang arye nyanmekbuk, Herodes arye, ‘Kume, na teleb unmana ara, na mikip deice aryuk unune,’ tenebukce, Allah si kum erebuka ati, adiparyuk im deice Allah melinanye birye malaikat arye Herodes ati, uk ning aribukura, kuluma weika arye el deiplyu potokukura, minopce dibuk.

Mazmur 102:3

Ikin weik upmanilba, imun kanye bobuka unye talak ara, ‘Na moropnukin yupu kekepnulilam’ tenen, moropkine. Ance nati, ‘Anye bira, na like,’ tenepmince, ‘Amyok kanudongobuka, na malye winin ning kum namin kinamnilam’ tenena ati, moropkine na nio. Ati, narye moropkinye talak ara, ‘Anda na dam yatumce, an amul deice arye kekepnutum’ tenen, moropkine. Tonda, narye moropnye ning ara, ‘Anda adiparyuk minopce, yanuka melibuka lyepropnutum’ tenen, moropkine.

Mazmur 41:8

Yata nang do nirya, sikce nati, ‘Anye bira, nun pia like,’ teneninyak nang arye, nati, malye yupu nyabuka, mur-mur nyan yupu deice arye, nyaninyake. Sikce, ‘E, pia kanye imun weik ning, el dam yatuba, adiparyuk dadiptue,’ teneninyake.

Ayub 7:5

Na nong bol deice nirya ara, ben ap, kuluma ap, weik unulule. Tonda na ining nirya ara, cenulul bukni, tuba tonap na bol deice ara, torok suse weik dinilya deice arye, yabung banulule.

Ayub 30:18

Allah el taruk kala arye, na taplakamnuk baju dam arye, yanuka kwiliplopnuke. Winipnukba, na baju kinikamse ning ara, na ngan dam baju bol ara, na nong deiceuk pakupdongobuka palepnuk.

Nehemia 2:3

Lukdaseryuk, narye tamubuka Raja ati nyapse. “Naio, na patapnil ning ara, anda pia kam unalame. Na ikin upnil ning ara, na ni yapu diamikba, tuku palibuka wilamik mutuku ap, anyasik domik ning ap, yu nang arye dakuka uluplomik touk, tuba malye ulule. Tonda, anyaik buru tam sik bisik wekelbalimik poka bublan ara, dakuka uku dabikba uku dibuke. Aning nirya malye unmala ati, na lik kanye bopne,” nyapse.