Mazmur 145:15 - Eipomek

¹⁵ Aning ati ara, ninye nirya ap, kam ulul ning nirya ap arye, Allah anti, ‘Din ning arenamsilarya. Tonda, nun patasilye ning ati, dipkoprob pia melinamsil’ tenen, kintinibuka dinmaki bukni, din ning patan talak, akunum dam uplyopura, sik din ning, ayala-yala nirya, ance arelyame. Tonda, sik ikin kanye bopmace ninye ati, teleb kibuka melilyame.

Mazmur 145:15 Referans Kwoze

Mazmur 136:25

Allah arye ninye tukwak mutuku, im sirya, mutuku sirya nirya, unyap nang ara, yuk kam ulul ning nirya ati, nun patapsilye ati, obuka din ning ara, dobuka elcuk arisulule. Allah Yahweh arye, nun Israel nang ati, “Pia bico tenesinirye, tuba-tuba melinamsine. Pia telebuk kilinamsine,” nyabuka, nyalin yupu deice arye nyapsuka ati, aning ara, pia kum bataknamsile. Anirya ara, nun nirya arye el tibuk, si erebuka kina ati, ‘Naio nunce anti pia telebe nyabkiabe,’ nyanamabe.

Mazmur 104:27

Yata yala kam ulul ning do nirya, sik nirya ara, Allah antibuk, ‘Yata talak arye nun din ning arepnamsil do?’ tenen, pia kintinibuka dikinyake.

Rasul 17:25

Kam una ap, isin una ap, yata ning do nirya, aubuk ning nirya, elcuk ninye tukwak ninye ati aresulule. Ati, aning-aning nirya kum patalye touk ninye arye donyak pil nirya babye, Allah el pia kum patalule.

Matius 6:26

Sik maka lakuka balamaka nirya ati, tenipdelulume. Maka ara, yal ning kouna ap, nong una ap, din ning dokola delina ap, pia kum wininyak bukni, anggun ni Allah arye, amaka, sik din ning tuba areliba, dinyake. Maka ara, mitik mambul bukni, ninye nirya ara, weik mambul unyaka ati, Allah arye anggunti, anggun patasilye ning nirya melibuka arenamsile. Aning nirya ara, kum tenipmalumce, kum kel bikmalum do?

Lukas 12:24

Sik maka unyaka nirya ara, tenenamlulume. Maka ara yala kouna ap, nong lina ap, din ning deilinak ‘Na’ tenen, delina ap, pia kum unyak bukni, sik ni Allah arye amaka sik din ning tuba arilibuk, dinyake. Maka ara, mitik mambul bukni, ninye nirya ara weik mambul anya arye, Allah arye anggun patapsilye ning nirya ati melinamsile.

Kejadian 1:30

Aning atonun, tukwak mutuku noutamak kam ulamle ning yala nirya ap, im noutamak lakuka balamle maka yala nirya ap, tuku deice yanibuka balamle ning aning-aning nirya ap ati, talye palamle ning, yo bok ulamle ning nirya ara, arepsiniba aninguk dinamlume,” nyabuk. Allah arye, ayupu nyabuk touk, adiparyuk aning nirya ubuk.

Yoel 2:22

Tonda, amutuku noutam, talye kam ulul ning nirya ati, ‘Se’ tenen, ilil una pia kume. Ara, wini talak sik din ning, maning palamle mutuku nirya ara, kolupdobuk bukni, tuba tamubuka imbik uk kipdeipnusine. Tonda, duk molul yo si ara, Ara, yo nirya ap, anggur tapu duk ap, tamubuka teleb kipdeipsiniba, duk weik mounamle. Winipsinya deice arye, sik duk nirya pia weika arye moupmalirye, pia weik unamle.

Mazmur 104:21

Tonda, bai tam ulul weik kus atonun ning, el si ara singa kus, ‘Na din ning ton, Allah arye kintinibuka deipnuk ning ton, diptinye’ tenen, weik yupu nyaplirye elbalule.

Mazmur 145:9

Allah Yahweh, ance ninye nirya ati, kanye talima arekulule. Tonda, Allah arye kwepdeiamuk ning nirya ati, ‘Na tenen ninguk ulule’ tenen, an talima namin ubuka bico tenesimince, pia moubuka kalikisilyame.