Mazmur 126:5 - Eipomek

⁵ Winipmasil ning ati ara, nunce ayupu ton nyapnamabe. Ninye nirya engebuka, asing maka adiparyuk bakirye, wa wibuka yala dokamiki bukni, ayala paplirye, nong upliba, linamice talak ara, weik arye kanye deibikirye, sik kanye lon mot senamake.

Mazmur 126:5 Referans Kwoze

Galatia 6:9

Nun nirya arye, ‘Kume, diksukum una ap, yuk ninye ati teleb kibuka melilana ap ara, nun like’ tenen, kum batakanamabe. Teleb una ara kum batakanamabe. Teleb una ara, walwal upsilyeba, ‘Nun like’ tenen, kum batakibirye, pia telebuk winibibyopura, aminyan talak ara, Allah el tenyamlye talak akunum uplyopura, aning nirya nong upnamla ati, kum batakanamabe. Allah arye kitinamsukce arenamsil ning aminyan talak ara, dopropnamabe.

Yesaya 35:10

Winibuka unamake ati, Allah Yahweh el tenelamukce, lyepdeiamuk ninyeuk, abisik bakirye, Sion mutuku tamubuka binamake. Sikce, ‘Yerusalem mutuku weknamap’ tenen, abisik banyak talak ara, sik nirya teleb aryuk kanye deibuka, Allah el si erena ati, mot nyanamake. Ikin kanye bona pia kum diparyuk, pin-pin kanye bobuka, pia unamake. Allah arye sikti, kanye bona deiyok ning arepliba, sik kanye talima pum tam arye, ‘Pia dipkoprob akunum upmasile’ tenen, kanye deibikirye, tonok kanyeuk bobuka unamake. ‘Se,’ tenen, teniltona ap, ikin kanye bona ap, ton pia kum unamake. Allah arye, aning-aning nirya kum kipdeipnamle. Nabi Yesaya birye nyabuk.

Yoel 2:23

Aning atonun, anggun Sion mutuku ululum ninye nirya, weik kanye deipmunce, pin-pin asa arye unamlume. Ara, anggun malye winin ning nirya kum kipdeipniba, teleb kibuka winimunya deice arye, na Allah disinirye, anggun nong deice kanye deibuka, teleb kilisunune. Tonda, narye li ning arisinye touk, dou arepmasinya ani, ton talak ara, mok aresunune. Aning atonun, ton talak ara, mok arepmasinye touk, dou li ton aresunune. Ara, min yuma talak, narye melibuka arelamse touk, wininamsine.

Matius 5:4

Sik kanye deibuka telebuk winin nang ara, ani. Ara, sik babye malye winin ning ap, yuk nang malye winin ning ap ati, ‘Se,’ tenebikirye, mambul kanye bobuka engenamak nang ara, Allah arye, sik talima kwa dibuka melinamle. Aning ati ara, sik kanye deibuka telebuk unyaka atonun, pia unamake.

Mazmur 137:1

Ara, nun Israel ninye nirya ara, Babel mutuku bobinamsikba, amutuku noutamak ulamupu talak ara, amutuku balamuk mek lilunak bukmance, Sion mutuku ati tenipdenopura, pia weik arye engenauk ulamupu. Ara, minop talak, nun mutuku koprop, Yerusalem mutuku ati, tuba tenenauk ulamuburye, engelamupu.

Yoel 2:17

Tonda imam-imam nang, Allah Yahweh el si eren aik talibuka, pil donyak nang ati nyapnamalyame. “Anggun nirya arye, Allah el yupu nyan aik koproba noutamak ap, bai tam atolonga lalinak ap, wekmunce engebuka, Allah el tibuk moronamlulume. Ara, ‘Se, na ni Allah, an tenen ninye oltakana kume. Nun ti bico tenepsimince, melibuka lyepsilyame,’ nyabuka moronamlulume. Tonda, anggunce anggun ni Allah Yahweh ati, nyabuka moronamlulume. ‘Nunda an mapu koproba unyabe. Ance nun nirya opsiminyopura, yuk mutuku ninye nirya eibikirye, ‘Sik ni koproba Allah ara, dan mutuku ulul do? Yata ati aninye kum melilul do?’ nyabuka, malye nyapsikirye, yep-yep anamsiyake,’ nyabuka, Allah ati moronamlulume. ‘Yuk mutuku ninye nirya arye, malye nyapsicak’ tenen, Allah moronamlulume,” nyabuka, Yoel birye nyapdeibuk.