Mazmur 121:8 - Eipomek

⁸ Allah Yahweh arye, nun ban talak babye, yangan talak babye, pia teleb ubuka kalikinamsile. Ara, wini talak arye dipdongobuka, yuk dotalak babye, pia ati kalikinamsile.

Mazmur 121:8 Referans Kwoze

Ulangan 28:6

Tonda, Allah elce yamubuka arepsilyeura, anggunce anggun aik batakuka bai bana do? Yuk mutuku bana do? Teleb kibuka arisilyeba, telebuk unamlume. Aning atouk, yuk mutuku daulamunya ani, aminyan talak, anggun asik tamubuka yanamlum talak ara, teleb kibuka kaliksilyeba, telebuk unamlume. Danaka do nirya, anggun unamlumak ap, banamlumak ap ara, Allah aryuk melipsilyeura, telebuk unamlume.

Amsal 2:8

Tonda, sik diksukum telebuk unyak ninye ati, Allah Yahweh arye melilule. Winibuka melilya ati, sik anang arye el tibuk, asum-asum nirya tenekirye, kanye deibuka unyake. Winibuka unyak ninye ati ara, elcuk melibuka kalikilule.

Amsal 3:6

Yata pil do nirya, dopmunyopura, Allah ati moropmunce donamlume. Tonda, yata wirin ning do nirya, ‘Allah melisilya deice aryuk apil donamabe,’ tenenamlume. Tonda, ‘Allah el si erena ati, apil donamabe,’ tenebuka unamlulume. Allah ati, si eremunyopura, elce, “Pia diksukum un bisik ara, ani,” nyabuka peterenamsile. Winipsilirye, anggun wininamlum ning nirya ara, telebuk ulinamsile.

Mazmur 113:2

‘Ninye mutuku sirya, im sirya nirya arye, nun ni koproba Yahweh ati, “Anda pia telebuk ulyama ati, an si ara, pia teleb siuk ulule,” nyabuka, ‘El si erenamak’ tenen, patasulule, ‘Winibuka nyanamak’ tenen, moronyabe. Ara, “Atalak babye, aminyan talak babye, tonda doupnamle talak babye, ‘Ninye yala-yala nirya arye, Allah ati, ‘Anda pia telebuk ulyame!’ nyabuka, ‘El si erenamake’ tenen, patasulule,” nyabuka, moronyabe.

Esra 8:31

Wala tonok ning deice, tanggal 12 sum kibukopura, nun nirya ara, Ahawa mekin dam tia unmapu ak arye batakuka, ‘Yerusalem mutuku binuka unamap’ tenen, beipu. Abisik balamupu talak ara, nun ni Allah arye melibuka kaliklamsukba, bisik noutam balamupu talak ara, nun mal olan nang ara, bisikak duknubuka kalikmance, nun ning ubula alubuka dopropmanto nang ara, ton kum eibupu. Bisik banmapu talak arye, anang tonok babye ton, kum unmeka ati, kum eibupu.

Mazmur 115:18

Wininyak bukni, nun tuba kam unmap ninye tonok ara, kam unmap talak aryuk, Allah ati, telebe nyabuka, kibuka erebibirye, el siuk erenamabe. Wini talak arye dipdongobuka, yuk talak nirya ara, pia ati, el siuk erenamabe. Allah Yahweh ati, telebe nyapne.

Esra 8:21

Na Esra birye, Ahawa mek kup-kup tam unmapu talak aryuk, narye nyapse. “Ara, na ap, anggun amutuku yanmalum nang arye, din dina kumce, si tebuka Allah dam ati, talima lamapdongobuka ubibirye, Allah ati, ‘Nun kalikuka melipsilyame,’ nyabuka, moronamabe. Morobibiba, Allah arye, bisik banmapyak ara, melibuka basilirye melinamsile. Ara, nun ap, nun mapu ap, nun nirya arye talinyap ning nirya ara, elda kalikuka melinamsile.

2 Samuel 5:2

Pia minop talak, Saul birye taleamsuk talak babye, ance ninye mal deiyoknye ulalumce, Israel yala ninye ap, yin nang ap bobuka, yuk mutuku nang, nun opmanto nang ati, ninye olbana deiyoknye ulamsulume. Tonda, Allah el si Yahweh arye anti, ‘Na mapu Israel nang, domba basam weilamak atonun umince, sik ninye deiyoknye kipnalame,’ nyamkuknye ulyame,” nyabik.

Ulangan 28:19

Tonda, Allah elce ikin ning arepsilyeura, anggunce yuk nang asik wekelbinamlum talak do, panabuka anggun asik tamubuka binamlum talak do, nirya ara, ikin kanye bobuka, ilil weik unamsile. Aning atouk, yuk mutuku daulamunya ani, aminyan talak, anggun asik tamubuka, yanamlum talak ara, ninye ton kum kalekmasice buk, ikin deiceuk tamubuka yanamlume. Danaka do nirya, anggun unamlumak ap, banamlumak ap ara, Allah arye anggunti, ikin weik ning arepsilyeura, dopropmunce, ilil asa unamlume.

Mazmur 125:2

Yerusalem mutuku dana-dana tam, weik mutuku nirya antanadap dongobuka bukuk mutuku dup bulamle touk, Allah el si Yahweh arye, ‘Na mapu koproba ati, ikin ubikcakʼ tenen, dana-dana tam nirya, antanap dongoplirye, pia melibuka kalikisulule. Ara, wini talak arye dipdongobuka, doyanamle talak babye, pia kalikuka melinamsile.

Mazmur 131:3

Sik Israel yala nang nirya ara, ‘Allah Yahweh, elcuk nunti, lyepsutue’ tenen, anggun kanye talima nirya, el deiceuk delinamlume. Ara, atalak ap, aminyan talak ap, dounamle talak nirya ara, el tibuk, pia diba tenenamlume.