Nun ni Allah Yahweh ara, elce kanye deibuka peteresulul ning nirya ara, batakna pia kumce, pia bico tenesilirye, ‘Wininamsine, ara pia teleb kilinamsine,’ nyabuka, nyalin yupu deice arye, nyapdeiamsuk ning nirya ara, dipkoprob nong pia unamle. Aning ara, talye-talye wininyak nang ap, elti, diba kum tenenyak nang ati kume. Ara, Allah arye, ‘Aning ara, wininamlume, aning ara, pia kum wininamlume. Diksukum winin ning ara ani,’ nyapdeiamsuk yupu, moubuka talibikirye, aninguk dobolbanyak nang ati, pia bico tenesilirye, telebuk kilinamsile.