Mazmur 119:79 - Eipomek

⁷⁹ Tonda, sikce an Allah ati, ‘Se, nun ni Allah ara, weik mambulnye ulule,’ tenebikirye, anti ilil upmalye ninye nirya ara, tuba tamubuka, na damak yakirye, ‘Nun kwit aulule, tenenamniyak’ tenen, moropkine. Ara, aninye arye, ance nyasiminye yupu nirya ati, kekebikirye, ‘Ayupu ara, el deiyok ani’ tenen, moubuka kel bikinyak ninye ara, ‘Na dam tamubuka yanganamak’ tenen, nyapne.

Mazmur 119:79 Referans Kwoze

Mazmur 119:74

Allah ance, “Aning wininamlulume, teleb winina ara, ani,” nyapdeiamsulum yupu nirya ara, kum bataknamne. ‘Ayupu ara, na tuba-tuba tenena arye, ayupu deice arye, teleb ubuka winilinamnile’ tenen, moubuka dobolbanamne. An nyasiminye yupu ati, kanye delinuna anya arye, anti ilil upliba, ‘Nun ni Allah, mambul weik ulul’ tenen, unyak ninye arye nati, eipnicopura, kanye delinamniake.

Mazmur 142:7

Se, na ni Allah, na pia ikin unilyeba, pia amu tam atonun akunum ununa ati, narye anti moropkinye yupu ara, ‘Moubuka kekepnutum’ tenen, moropkine na nio! Nati, yanipnikirye, ikin weik areninyak nang arye, ‘Kanye ikin ning ton tabakuka arepnikcak’ tenen, na ni Allah, ancuk na lobuka melipnilyame! Ayu nang ara, mikip weik nang unyak bukni, nara mitangnye unune.

Mazmur 119:63

Nara, ance nyapdeiamsulum yupu nirya ati, ilil uplirye, an yupu uk moubuka talinyakce, dobolbanyak ninye nirya ati, narye, ‘Sikda, na kayapu ninye koprop unyake,’ tenebuka unune. Ance nyapdeiamsulum yupu uk, kekebuka dobolbanyak ninye ati, na kanye delinune.

Mazmur 7:7

Ati ara, se na ni Allah Yahweh, an yu upkiliba, tikmince kintinipnulyame! Na mal olan nang ara, yu weik ubukba, nati, ‘Anye bira nun pia lik,’ teneninyakce, olyanamniake. Ati na ni Allah, anda minop tikuka kintinipmince, nati melibuka kalikinamnilyame. Ance, ‘Aning ara, wininamlume, aning ara, pia kum winipnamlume,’ nyapdeipsulum yupu deice arye, na ikin unilye ning ati, yupu lipsisikuka bokeipnamnilame.