Mazmur 119:6 - Eipomek

⁶ Se, na ni Allah, ance nyapdeiamsulum yupu nirya, moubuka talepnirye, teleb winin ninguk, winipnin banamne. Winibuka unyopura, nara ilil una ap, alye dakna ap ara, pia kum unamne.

Mazmur 119:6 Referans Kwoze

1 Yohanes 2:28

Ura, na mapu bico tenesunune. Winira pia diba tenebuka, Yesus yupu uk, dobolbanamlulume. Winilamibyebuk, aminyan Yesus yalyopura, nun alye una ap, ilil una ap kumce, ‘Talye kanye bopnamap’ tenen, nyapne.

Ayub 22:26

Tonda, winipminyopura, ance Allah elti, weik tonun kanye deipmince, tuba-tuba pin-pin asa arye unamlame. Tonda, an kanye talima noutam nirya ara, telebuk unmalama ati, Allah el dam yaminyopura, ilil tenena ap, alye dakalana ap, pia kumce, an urasin erebuka, Allah ati moronalyame.

Yohanes 15:14

Narye anggunti, “Aning wininamlulume, aning ara kum wininamlulume,” nyalisinye yupu, dipkoprop kekebuka winipmunyopura, narye, “Anggunda na weitcapu nang koprop,” nyanamsine. Narye nyasinye yupu kum kekepmunce, batakmunyopura, ‘Anggunda na weitcapu nang,’ nyabuka kanye kum delinamsine.

Mazmur 119:80

Na kanye talima nirya, an deiceuk deipnirye, ance, “Aning wininamlulume. Teleb winina ara ani,” nyalisiminye yupu nirya ara, ‘Moubuka kekepnirye, diksukumuk wininamne’ tenen, moropkine. Tonda, malye winin ning, pia kum winipnyopura, yuk ninye eipnikirye, “El malye winibuk ning ara ani,” nyabuka, ‘Malye yupu, na deice nyapmanto kum unamake’ tenen, moropkine. ‘Winibuka melipnutumba, telebuk winitinyopura, narye ilil uniliba, alye pia kum dakdanamne’ tenen, moropkine na ni Allah.

Yakobus 2:10

Ayupu nyapmasina ara, talye ati kume. Yata nang do nirya, Allah arye nyapdeiamuk yupu nirya dobolbanyak bukni, tonok ning ton yanibicopura, ara ayupu nirya yaniltana atonun unyake.

Mazmur 119:128

Aning ati ara, na kam unamne talak nirya ara, ance, “Winibuka wininamlume. Aning ara, pia kum wininamlulume. Teleb winina ara, ani,” nyabuka, nyalisiminye touk, na babye, ‘Ayupu ara, pia dipkoprob teleb yupu,’ tenenirye, aninguk talibuka wininamne. Tonda, malye winin ning ayala-yala nirya ap, malye wininyak ninye arye, malye wininyaka ap ati, ‘Na like,’ tenebuka unamne.

Mazmur 119:31

Na ni Allah Yahweh, ance, “Winibuka wininamlume. Teleb winina ara, ani,” nyaliniminye touk, aninguk melibuka dobolbanamne. Diba, na ni Allah Yahweh, ance pia kum bataknamnilame. Ati ara, malye ninye arye, na nong deice, malye yupu nyapnica babye, alye dakna ap, ilil una ap, pia kum unamne.

Mazmur 119:116

Na ni Allah, ‘Na teleb ubuka, tuba kam unamneʼ tenen, patapnila ati, ance, “Aning ara, wininamlume. Aning ara, pia kum wininamlume,” nyabuka, ‘Nyalin yupu deice nyapdeiamlum yupu deice arye, nati, pia melibuka kalikinamnilamʼ tenen, moropkine. Tonda nara, ‘Na ni Allah, elcuk lyepropnamnile,’ tenenirye, na kanye talima nirya ara, an deiceuk delinuna ati, ance kalikinamnilame. Winipminyopura, aminyan talak ara, ikin ning na dam yatua babye, nara alye kum dakalanamne.