Mazmur 119:55 - Eipomek

⁵⁵ Diba, na ni Allah Yahweh, na lukunyan manamne talak nirya ara, antibuk pia teninamkine. Ati, na unamne talak nirya, ance, “Aning ara, wininalulume. Aning ara, pia kum wininamlulume,” nyapdeiamsulum yupu, moubuka tenepnirye, ayupu nyasilye touk wininamne.

Mazmur 119:55 Referans Kwoze

Mazmur 63:6

Na mapmanye talak babye, antibuk tuba tenenamkine. Tonda, lukunyan talak noutamak nirya babye, pia antibuk, tuba tenekunune.

Mazmur 42:8

Winipmanto ara, mek lum sakuka, ninye deice siknilongolamle touk, tonda weik laut mekwen deipwelebuka lontik-lontik aplirye, ninye siknilongolamle touk, na kanye imun unilye ning ara, atouk unulule.

Yesaya 26:9

Lukunyan talak noutam nirya ara, na kanye dobuka, an deiceuk deipnirye, antibuk tuba tenekunune. Wininmanya ani, atalak-atalak nirya ara, na nong ap, na kanye talima ap nirya dobuka, an deiceuk deipkinirye, ‘Allah dan talak yanuka melilyanamnilʼ tenen, ekunune. Deiyok ara, an tamubuka yamince, tukwak mutuku, mutuku sirya, im sirya nirya, noutam arye, ance, “Aning ara, wininamlume, aning ara, pia kum wininamlume,” nyabuka nyapdeipsulum yupu kekebikirye, kel bikikcopura, anang yala-yala nirya ara, ‘E, diksukum winina ara, ani,’ tenebikirye, moubuka kel biknamake.

Rasul 16:25

Ura, anyakuk aunmeka ani, lukunyan dukduk talak ubukura, Paulus ap, Silas ap arye, kisal dobuka Allah si erena ati, Allah morona ap, mot lena ap, unmarik bukni, awenena aik pum bisik minop arye wenebuka dongolamik ninye arye kekenmek.

Mazmur 139:18

Tonda, mek wininga weik batakmuk nirya ara, naryuk nukdetinya babye, pia kum nukmanto ulule. Atonun, ance tenelyam ning ara, pia kum nukmanto ulule. Na mapmanya buknye talak babye, antibuk, pia tuba tenikunun ati, an ap neika ansinibuka, dukdongobuka unyame.

Yohanes 15:10

Narye anggunti, “Aning wininamlume, aning ara kum wininamlulume,” nyabuka nyasinye yupu nirya kekepmunce, ayupu talibuka dobolbimunyopura, adeice narye anggunti, bico tenebuka melinauk unamsine. Aning atonun, na Ni Koprop Allah arye, “Wininalyame,” nyabuka nyanilye touk, ayupu uk kekebuka dobolbaniba, na ni birye tuba talima arinulule.

Yohanes 14:21

Nyabukce ayupu ton dukdongobuka nyabuk. “Yata ninye do nirya, na yupu dobuka kekebikirye, ayupu uk talibuka pia dobolbanyak ninye ara, dipkoprop nati dib tenebuka talima arinyake. Nati, talima arilulnye bira, na Ni Koprop Allah arye anye biti, bico tenebuka, kanye deiplirye, melinauk unamle. Atonun, naryuk anye biti bico tenebuka, kanye deipnirye, melinamne. Tonda, ‘Atonye birye na wininye ning kel biknamnil’ tenen, laka kipdeipnebuk, kel biknamle.” Yesus arye nyabuk.

Lukas 6:12

Yuk talak ara, Yesus arye, ‘Allah moropnun’ tenen, tonok mutuku dup welebukce, atonok lukunyan nirya Allah ati moronmok.

Mazmur 119:34

Ance, “Aning ara, wininamlulume. Aning ara, pia kum wininamlulume,” nyalisiminye yupu nirya peterepnimince, kel bikna deiyok ning arepniminba, narye, an yupu uk, tenebuka wininamne. Winibuka unamne talak nirya ara, na kanye tenen ning nirya ara, an deiceuk delinamkine. Ance nyasiminye yupu uk, talibuka dobolbanamne.

Mazmur 119:17

Nara, ‘Allah el pil donanye birye, telebuk unamne,’ tenenun ati, ance weik arye melipniminba, na kanye talima namin kilinamnilame. Winipniminyopura, na upnin banamne talak nirya ara, ance nyalilalum yupu uk, kekebuka winipnin banamne.

Mazmur 77:6

Bukni, minop talak uamuk ning nirya, kanye arye ton ap teninune. Diba, minop talak winyamuk ning ap, ance dopdeiamlum keting tamun arye, ikin pil dolamlum ning ati, tuba teninune.

Mazmur 119:44

Nara ance, “Aning ara, wininalulume. Aning ara, pia kum wininamlulume,” nyapdeiamsulum yupu, ‘Batakna kum diparyuk, talibuka pia winipnin banamne,’ tenenune.