Mazmur 119:19 - Eipomek

¹⁹ Na tukwak mutuku noutamak, tia unamne talak ara, ninye asik nang winilamak touk wininamna anya arye, an yupu deice arye, “Aning ara winibuka wininamlulume,” nyapdeiamsulum yupu nirya ara, ance pia kum duknunamnilyame. Ance nyasiminye yupu, pia patanulul anya arye, ayupu nirya ara, lakuk kilinamnilyame.

Mazmur 119:19 Referans Kwoze

1 Tawarikh 29:15

Aning ara, talye ati kum nyapne. Ara se, Allah Yahweh anda, an kele. An disiminyeba, nun apu yapu nirya babye, ninye asik nang atonun an dam arye boyanamikce, dana-dana boyanuka obinmana, ayanmana kiltolamikba, an babye bikamlume. Ati, nun amutuku noutam unyap nang babye atouk, tiya mutuku uk unyabe. Winipmanto ara, keting deiplye talak arye, ninye kanya lake kipmalya ani, tamubuka tunim alamle touk unyabe. Ati na nio, ‘Nun babye pia teleb unamabe, aminyan kum dipnamabe,’ kum teneptibye. Aning ara, dipkoprob kum winipmanto anya arye, aning ara, pia kum teninamabe.

Mazmur 39:12

Nun tukwak nang nirya ara, malye ubibiba, ance, ‘Sik bikinamak’ tenen, wenepsimince, ikin ning aresilyame. Winisiminye talak ara, nunce, ‘Se, aning ara, pia teleb ning,’ tenen, talinyap ning ara, malye kipdeipmince, nun talinyap ning nirya ara, minopce kum danasulule. Winipmanto ara, sikce, baju deibikiba, dilirye, minop malye kipnin balamle touk unyabe. Diba, nun tukwak mutuku unyap nang ara, isin aryuk unyaba ati, nun adiparyuk dibinyabe. Winipmanto ninye isin ara, mok puru yo bok deice palipmalya ani, miklamle touk usulule.

Mazmur 119:10

Tonda, na kanye talima nirya arye, an deiceuk deipkinirye, asum-asum nirya, antibuk piribuka enamkine. Aning atonun, ance meliniminba, ‘Ance nyapdeiamsulum yupu moubuka tenepnirye, pia dobolbanamne’ tenen, morokunune. Ara ance, “Aning ara, wininamlulume. Aning ara, pia kum wininamlulume,” nyapdeiamsulum yupu nirya ara, ‘Moubuka dobolbanamne’ tenen, nyapne.

Lukas 24:45

Nyabukce, elti, Allah yupu sekamik ning nirya ara, ‘Kel kipnuyak’ tenen, sik kanye talima tenen ning aribuk.

1 Peterus 2:11

Na kayapu, bico tenesunune. Anggun mutuku sirika ara, im deice ulula anya arye, tukwak mutuku noutamak, ninye asik ninye atouk ubuka ululum talak nirya ara, malye winin ning patasilye ning nirya ara, batakuka lubakilongonamlulume. Amalye winin ning patasilye deice arye, nun kanye talima ap, kanye ap opbisibuka, malye ulisulule. Ati amalye winin ning nirya ara, batakanamlulume.

2 Korintus 5:6

Aning ati ara, atalak-atalak nirya ara, kanye teniltona kum aniryuk, ‘Pia dipkoprop unamsile’ tenen, lamapdongobuka pi dobuka unyabe. Tonda, nun kele, tukwak deice ninye nong noutamak tuba unyap talak ara, nun yuk mutuku unyabe. Tonda, nun Deiyoknye Yesus yukak ulule.

Yesaya 63:17

Diba, nun ni Allah Yahweh, anda yata ning ati nunti namin kipsulumba, bisik kirikuka banyap do? Tonda, ance nunti lik kanye bon ning arepsulumba, nunce anti, ilil kum upsiliba, anti tuba kum tenekibirye, yata deiyok ati kwanim bisikuk banyap do? Yata deiyok ati, ance bataksulumba, nun talima pum tam ara malye tenen kanye upsukba, anti nun kum ilil usulul do? Wininyaba ati, na nio, ance melipsilyame. Nunda an mapu koprop unyabe. Tonda, nun Israel ninye yala yuk-yuk unyap nang nirya ara, an ‘Naʼ tenen, ninye uk unyaba anya arye, ance tamubuka nunti lyepnamsilyame. Tonoknye birye deipliba, el min yuma deiamlye mi uk el talilamle ning dololamle touk, sirya talak ara nun Israel ninye dopropnamsilama ati, tamubuka melinamsilame. Na nio, nun talima pum tam pil dopsiminba, tuba tonap moubuka teninamabe.

Kejadian 47:9

Asipdeyukura, Yakub birye, “Nara tukwak mutuku noutam balamse talak ara, keting tamun yupa weik 130 tahun akunum ulamsirye, wisi deipse. Na ulamse talak ara ikin uk ulamnuk bukni, na apu yapu ara keting tamun yupa pia weik ulamik. Nara mitik tonun uka,” nyabuk.

Lukas 9:45

Yesus arye ayupu nyabukura, el mapu ara, kekebik bukni, bita kum kel bikik. Allah arye ayupu deiyok duknubuk anya arye sik bita kum kel bikik. Tonda, sik ilil ubuk ati, “Anyapmasilam yupu deiyok ara, laka nyapsilyame,” nyabuka Yesus ati kum asipdeyik.

Ayub 39:17

Winilya deiyok ara, na Allah arye, elti, moubuka tenepnirye, kanye bona deiyok ning kum arepsa ati, kanye bona kumce ulule. Kanye bon ning kum arepsa ati, wal-waluk ulule.

Mazmur 39:13

Ati ara, na ni Allah Yahweh, na moropkin yupu ara, kekepnilyame. ‘Ikin uniliba, engena deice arye morokunun yupu ara, kekepnamnilam’ tenen, moropkine na nio. Tonda, ‘Engepnirye, na asing maka sakanilya deice arye morokunun ning ara, luba kum kipnamnilam bukni, minop kekepnamnilam’ tenen, moropkine na nio. Tonda, ‘Engepnirye, na asing maka sakanilya deice arye, morokunun ning ara, luba kum kipnamnilam bukni, minop kekepnamnilam’ tenen, moropkine na nio. Tonda, nara, na punun nang ap, na apu yapu ap, ninye asik nang atonun ubuka, keting tamun mitik tonun dem mapnarye, diplamak touk, na babye, minopce dipnamne.