Mazmur 119:174 - Eipomek

¹⁷⁴ Se, na ni Allah, ance ninye weik arye lyepsimince, talibuka teleb kilinamsilam ning ara, ‘Dan talak arye lyepnamsilam do?’ tenen, pia kintinibuka dinauk unune. Tonda, ance, “Aninguk wininamlulume. Aning ara, kum wininamlulume,” nyapdeiamsulum mem yupu nirya ati, na kanye talima noutam nirya arye, ‘Ayupu ara, pia telebe,’ tenenune.

Mazmur 119:174 Referans Kwoze

Mazmur 119:16

Ance, ‘Winibuka unamake’ tenen ati, nyapdeiamsulum yupu nirya ara, aning atonun wininyopura, na kanye delinamne. Winibuka unamna anya arye, ance, “Aning wininamlyame. Teleb winina ara, ani,” nyalisilyam yupu ara, pia kum batakanamne.

Mazmur 119:162

Ati ance nati, “Winibuka melibuka teleb kilinamkine,” nyabuka, nyalin yupu deice nyapdeiamnulum yupu nirya ati, na pia kanye delinune. Winipmanto ara, ninye arye, ‘Bona weik doproptibye’ tenen, elkiriklamica ani, eibikirye, weik kanye deibuka, ulamak touk, narye an nyalinilyam yupu ati, kanye deibuka unune.

Mazmur 119:111

Allah ance, “Aning ara, wininalulume. Aning ara, pia kum wininamlulume,” nyapdeiamsulum yupu ara, pia moubuka talinamne. Ara, minop talak arye, an yupu arepnulumba, aninguk talibuka wininirye, ayupu ara, pia ati aupnamle. Tonda ance nyasilyam yupu ara, weik mambul yupu ulula anya arye, adeice nara, pia kanye tenepnirye, pin-pina asa uniliba, telebuk unamne.

Mazmur 119:47

Ance, “Aning ara, wininalulume. Aning ara, pia kum wininamlulume,” nyapdeiamsulum yupu, kekebuka winina ati, na kanye delinamne. Aning ati ara, an yupu bobuka, yuk ninye dam laka nyalbinamne talak ara, alye kum dakanamne.

Mazmur 1:2

Bukni, sik Allah ati dib tenenyak ninye ara, sik patalul ning ara, Allah Yahweh arye, ‘Wininamlulume, aning ara kum wininamlulume,’ nyabuk yupu nirya atibuk, kanye deibikirye, moubuka kekenyake. Ara, keting noutam talak babye, lukunyan talak babye, Allah Yahweh elce nyalilamsuk yupu nirya kekebikirye, ‘Deiyok ara, aning ati nyabuk do?’ tenen, moubuka tenebikirye, unamake. Aninye ara, Allah arye melilamliba, telebuk unamake.

Pilipi 1:23

Na kam una babye, dipna babye, ara telebe anya arye, na kanye teniltonauk unune. Pia weik teleb ning ara, ‘Na diptinyeura, tukwak mutuku batakuka, Kristus ap, ansinibuka, nun neika unamtinimnye’ tenen, patanulule.

Amsal 13:12

Kanye pum tam aniryuk, ‘Se, aning ton winiptinye, aning ton doproptinye,’ tenelamlanye bira, atenelamlye ning kum uplyopura, ‘Yata deiyok ati kum upmanil do?’ tenen, malye kanye bobuka ulule. Bukni, aminyan talak el kanye pum tam arye, ‘Se, aning ton winiptinye, aning ton doproptinye,’ tenelamle touk akunum yalyopura, anye bira pia pin-pin kanye bobuka unamle.

Mazmur 119:81

Se, ‘Na ni Allah arye na damak yaturye, nati lyepropnamnil talak ara, dan talak arye yanuka lyelonamnil do?’ tenen, na kanye talima noutamak pia pataniliba, na mikip ara, mitanguk akunum upmanile. Bukni, ance, “Wininamlulume, teleb winin ning ara, ani,” nyabuka nyapdeiamsulum touk, ‘Ayupu talibuka unirye, an amu tamuk, teleb ubuka winipnin banyopura, ayupu arye, teleb ulinamnil’ tenen, dib tenenune.

Mazmur 119:77

Na ni Allah, na kam unamne talak nirya ara, na kanye deipnirye ance, “Aning ara, wininalulume. Aning ara, pia kum wininamlulume,” nyalisilyam mem yupu uk tenepnirye, na kanye talima nirya, telebuk unilirye, kanye deibuka ayupu dobolbanune. Ati ara, ance nati bico tenebuka upniminba, na ton pia teleb ubuka, kam unamne.

Mazmur 119:24

Ati ance, “Aning ara winina kume, aning ara winina telebe,” nyapdeiamsulum yupu noutamak nirya ara, na kel bikna yupu uk ulule. Winiplirye, na kanye talima noutamak nirya, teleb kilinulule. Narye, ‘Se, yata winiptinye do?’ tenen, teniltonauk unilye talak noutamak nirya ara, ance nyasiminye yupu deice arye, ‘E teleb winipnin banamne bisik ara, ani,’ tenebuka bikinune.

2 Samuel 23:5

“Tenipdelulume. Narye deipseba, dadeipdanin yangalamik nang, na yala ninye ara, Allah arye sikti, ‘Telebe,’ tenebuka, kanye kum delilul do? Anggun kele, Allah arye nati, “Winipnamsine,” nyabuka, nyalina yupu nyalilamsuk yupu ara, kum bataknamle, pia aunamle. Allah arye, ‘Wininamne,’ tenelamnuk ning nirya ara, tonok ning babye kum bataknamle. Elce tenepnuk ning nirya, dipkoprob na ap, na yala ninye ap ati, winipnamsile. Aning atouk, elce lyepnamnil ning ara, dipkoprob winipnamle. Tonda, na patalamnil ning nirya ara, elce tonok ning babye kum bataklirye, nirya arepnamnile. Nyalilamnuk ning nirya ara, kum bataknamle, aning nirya akunum kintinibuka arepnamnile.” Raja Daud birye nyabuk.

Kejadian 49:18

Nyabukopura, Allah morona ati nyabuk. “Se, na ni Allah, ‘an dem aryuk lopdeipnimince, melinamnilam’ tenen, dinauk ukunune,” nyabuk. Nyabukopura, ayupu ton nyabuk.

Kidung Agung 5:8

Se, anggun Yerusalem mutuku noutam ululum wel kilapu nirya ara, na kanye deipsirye, pia moun tuba dinun nye bira, anggunce ton anye eipmunyopura, elti, nyapnamlume! ‘Anti pia moun dilamle kil ara, anti tuba tenikilirye, el talima uk diplyeba, kanye birbir apliba, tuku deice sakuka, poulbinmanto ulule.

Mazmur 119:41

Diba, na ni koprop Allah Yahweh ance nati, batakanina pia kum diparyuk, bico tenebuka melinilyame. Tonda ance nati, “Winibuka lyebuka delinamkine,” nyabuka, ‘Nyaliniminye touk ubuka lyepnamnilam’ tenen, moropkine na nio.