Mazmur 107:39 - Eipomek

³⁹ Bukni, yuk mutuku ninye arye, Allah el ‘Naʼ tenen, ninye ati yanuka, obisibikirye, sik aninye, yupa pia weik obuka sirya dakikirye, Allah elti, dib tenenyak ninye mitik anun, sirya tuba batakikcopura, Allah arye abataknamak ninye ati melilule.

Mazmur 107:39 Referans Kwoze

2 Raja-Raja 10:32

Atalak noutam ara, Allah Yahweh arye deiyok koubuka, Israel ninye, sik ulamik mutuku noutam ara, mitik kipdeipnin balamuk. Allah arye lo arebukba, Siria mutuku taleamuka deiyoknye, Raja Hazael, elce Israel mutuku ninye ton, obuka sirya dakukce, sik tuku ton alubuka doprobuk.

2 Raja-Raja 14:26

Allah Yahweh arye, sik Israel ninye nirya, sik kanye imun weik deiceuk ulamik ning ati dilamukce, sikti, bico tenebuk. Tonda, Israel tam ulamik ninye kan-kan noutam ara, sik melibuka lyepmanto nang ara, pia kum ulamik. Ara, sik kanye aryuk pil dolamikce, ulamik nang babye, yuk nang arye, yo bok deice arye dekuka, ikin pil dilamikba, talye piluk dolamik nang babye, tonok babye, Israel tam ulamik ninye ati, ton pia kum melipmanto ulamik.

2 Raja-Raja 13:22

Aram mutuku taleamuk ninye deiyoknye, el si Hazael birye, sik Israel ninye ati, tuba-tuba olyangalamuk. Ara, Israel ninye sik Raja, Yoahas birye taleamuk talak nirya ara, sik mal olan nang taleamuknye, Raja Hazael ap, el tam nang ap arye, Israel nang ati, pia olyangalamik.

2 Raja-Raja 13:7

Israel ninye, sik yin talen nang nirya ara, Siria mutuku taleamuk ninye deiyoknye birye, yanuka obuka, sirya daknin balamikce, yin talen nang weik tonun, kum daneiyamuk anya arye, anoutam talak ara, Raja Yoahas el yin talibuka, kuda basam libuka bobana ati, tuku deice bikbik abuka ban ning, el si kereta kuda, aning deice tikuka, balamik yin nang ara, lima puluh (50) nanguk, tuba kam ulamik. Tonda, ninye olban talak ara, tuku bisik deice binarye, ninye ona ning, el si kereta kuda perang ara, sepuluh (10) tuba awamuk. Yuk ning nirya ara, pia kum danamuk. Tonda, Raja Yoahas, el yin talen nang yupa ara, sepuluh ribu (10.000) nanguk tuba ulamik. Sik yuk yin talen nang nirya ara, Samaria tam taleamuka deiyoknye, Raja Hazael birye obuka, sirya dakamuka deice arye, ninye arye, tuku sung-sunga yanilamaka atonun, ubuka omukce, sirya daklamukba, Israel tam yin talen nang ara, kum danin balamukce, mitik anunuk tuba kam ulamik.

2 Raja-Raja 8:3

Pilistin ninye ulamik noutam daulamuka ani, aning nirya keting tamun tekbarye (7) deice akunum ubuka, sirya ubukopura, tamubuka Israel mutuku noutamuk yayuk. Tamubuka yayukopura, el mi ap, ansinibuka ninye deiyoknye Raja, el aik birikce, sik min arye batakamdik asik ap, sik mutuku tuku ap ara, “Tamubuka nunuk arepsilyame,” nyabuka morolbiyik.

2 Raja-Raja 4:8

Tonok sum Elisada, Sunem mutuku biyuk. Biyukce, amutuku ulamuk bona utotoa talin kil arye, elti, nyabuk. “Din neika dipnamabe,” nyabuk. Ati ara, yata wiribuka talak do, amutuku tamubuka balamuk talak nirya ara, akil dam binukapna arye, sik din neika dipna arye, tuba balamuk.

Kejadian 45:11

Oyanamle keting tamun pamubarye noutam ara, din pia kum danin banamsile. Wini talak ara, ninye nirya dina kum, talye urdemuk unamake ati, narye an ap, an mapu silip nirya ap ati, pia melinauk unamsine. Kumopura, an ap, an mapu silip nirya ara, pia ikin weik upsiliba, talye bona utoto kum ninye atonun unamlume. Winipsilyak ati, na dam yamunba, na melinamsine, “Yusup birye nyapkile,” nyalbinamlulume.

Ayub 12:23

Tukwak mutuku noutam, ninye yuk-yuk ukiba, ton mutuku unyak nang ara, Allah arye mikip kipdeiplyeba, ninye ap, mikip ap, weik kipnin banyake. Winilamiki bukni, aminyan talak ara, Allah arye teneplye talak aryuk, anang bukni, mikip kum kipdeiplirye, tamubuka, sik nirya obuka, kum kililule. Tonda, Allah elcuk, ton nang unamak tam nirya ara, lo kipdeipliba, ninye yupa weik ton upnin bakirye, mikip ap, teleb ap unyake. Winilamikca ani, Allah elce tenyamlye talak yalyopura, anang bukni, sikti, bataklyeba, sik mikip ap, sik yala nang nirya ara, pia mitik diamuk upnin banyake.