Mazmur 107:35 - Eipomek

³⁵ Bukni, yata mutuku ninye do nirya, Allah arye nyalul yupu moubuka kekebikirye, teleb ubuka diksukumuk winibicopura, Allah arye, aninye ati melilule. Ara, pata mutuku ara, tuba tamubuka mekwen delinak kililule. Aning atonun, keting buppu arye, mek nirya cepropliba, mikne tukwak arye, tuba tamubuka mek pu kipnamle.

Mazmur 107:35 Referans Kwoze

Mazmur 114:8

Tonda, nun ni Allah arye, pata mutuku noutam, mek pia kum uamuk mutuku bukni, Allah arye ninye dopmankum pil dobuka deice, weik keil noutam arye, mek arebukba, panabuka biyukce, weik mekwen deibuk. Ara, pia mutuku yangan keil uamuka noutam, Allah arye ninye kum winipmanto pil dobuk deice, mek pu panabuka biyuke.

Ayub 38:27

Yatanye birye, tukwak mutuku miklamle tuku deice mok areplibuk ceplirye, tuku nirya teleb upliba, tukwak mutuku betekuka palamle ning nirya palul do? Aning ton an kel bikaminyopura, nyapnilyame.

Mazmur 78:16

Diba, Allah el mikip deice arye, pil dobuka ati, weik mutuku bulamle keil noutam arye, weik mek panabuka balamukba, sikda amek dam yanuka kwepnarye dilamik. Diba, amek ara, mitik mek kume. Akeil noutam arye, weik mek balamuk touk, ubuka arebukba, akeil noutam arye, weik mek kutukukura, amekuk kwebuka dilamik.