Mazmur 105:21 - Eipomek

²¹ Yusup akunum lopdeibikba, Mesir mutuku ninye, sik ninye deiyoknye birye, Yusup akunum doprobukopura, Yusup erepdeibuk. Erepdeibukce, nyabuk. “Yusup na talinun bona ning yala nirya ap, tonda na aik dam kalikina ap deiyoknye bira, elcuk kalikilirye, talibuka unamle,” nyabuka, Yusup wepdeibuk.

Mazmur 105:21 Referans Kwoze

Kejadian 45:26

Biyikce elti, nyabik. “Yusup bira, tuba kam ulule. Aninguk kum bukni, Mesir mutuku nirya, weik deiyoknye kibuka talibuke,” nyabik. Nyabikopura, Yakub bira lukdaukce, yupu kum nyapmanto ubuk. Elda sik nyanmek yupu, diba kum tenebuk.

Kejadian 45:8

Aning ati ara, anggunce na dobuka, Mesir mutuku kum dopdeipnulume. Allah elce dopdeipnuke. Allah dopdeipnukce, elce ereipnuka deice arye, Firaun el mi koproba atonun kipdeipnuke. Tonda, Firaun el aik unyak ninye nirya, el pil donyak ninye nirya, na amu tamuk unyake. Nara sik deiyoknye unune. Mesir mutuku nirya talinune. Aning nirya ara, Allah elce ereipnukba unune.

Kejadian 41:55

Din kum dayukba, amutuku ninye nirya ikin weik ulamikce, sik deiyoknye Firaun biti, “Se na nio, nun din ara kum dasila ati, melipsilyame,” nyabuka morolbiyik. Morolbiyik buk, Firaun birye nyabuk. “Winira Yusup dam bimunyeura, elce nyapnamasil ninguk kekebuka unamlulume,” nyabuk.