Mazmur 105:14 - Eipomek

¹⁴ Winilamik bukni, Allah arye sik anang nirya ati, kum namin kimokba, yuk mutuku ninye arye sik Israel ninye dam, ikin ning ton kum delilamik. Tonda, ‘Sik aninye ikin ning deipnamak’ tenen, sik ni koproba Allah Yahweh arye, dana-dana tam ninye deiyok kibuka taleamik nang, Raja-Raja ati, “Sikce na mapu ikin ning delina kume,” nyabuka, yupu seklamuk.

Mazmur 105:14 Referans Kwoze

Kejadian 35:5

Winibukopura, sik nirya ara, bisik banmek. Bisik banmek noutam ara, Allah arye, amutuku dana-dana tam ulamik ninye ati, ilil una deiyok ning arebukba, Yakub el mapu silip nirya ati, ilil ubukba, tonoknye babye, sik aminyan kum dobolbiyik.

Yeremia 2:3

Nyabukce ayupu ton nyapdeipnuk. “Israel ninye ‘Anggunda ‘Naʼ tenen, ninye unamak’ tenen, naryuk wipdeiamsise. Anya arye anggunda, ‘Naʼ tenen, ninye ululume. Ninye arye wa wibuka koubikiba, kouamice ning nong upliba, weik arye kanye deibuka lilamak touk, narye anggunti minopce wibuka deiamsisa ati, narye anggunti weik arye kanye deipsise. Ati ara, anggunda na kanye deilin nang unyak tenesunune. Utenesununa ati, yata mutuku ninye do, yuk mutuku nang arye, anggun dam ikin ning deipsikirye, ‘Opnamap’ tenen, pirilamsika babye, narye aninye ati, kanye imun ning weik arelamsiba, imun kanye bobuka ulamik. Israel ninye ati, ikin ning deilisinyak ninye ara, narye sik anang dam, ikin ning sik nong deice deipseba, kanye imun ulamik. Aning ara dipkoprob na Allah Yahweh arye akunum nyapsine.” Allah arye nyapnuk. Yeremia birye nyabuka sekuk.

Yeremia 39:12

“Anda, el nabi Yeremia biti, elbinulyame! Moubuka epminyeura, elti, moubuka kalikmince, el patan ning nirya ara, arenamlyame. Tonda, ance el deice, ikin ning ton kum deipnalyame. El nabi Yeremia birye anti, yupu nyabuka moropnamkil ning ara, ance anyaplye touk winipnamlyame,” nyabuk.