Mazmur 104:24 - Eipomek

²⁴ Se, nun ni Allah Yahweh, ance pil dolyam ning aning-aning nirya ara, pia weik awinilyam ning ara, ninye arye kum nuktibye. Anda dipkoprob weik kel bikna deice arye, aning-aning nirya kwepdeiamsulume. Winibuka winipsulumba, tukwak mutuku noutamak nirya, ance kwepdeiamsulum ning, ayala-yala nirya weik aulule.

Mazmur 104:24 Referans Kwoze

Yeremia 10:12

Allah el mikip weik deice arye, tukwak mutuku nirya kwepdeibuk. Allah el weik kel deice arye, tukwak mutuku ara, urasin teleb kipdeibuk. Tonda, el weik kel deice arye, tukwak mutuku nirya, teleb kipdeibukce, asukum kat kipdeibukba, asukumuk unamle. Kum long-long apnamle. Tonda, Allah arye, weik deiyok ning noutam nirya, weik kel bikamuknye birye, im alip tam ap, im noutam ulye ning nirya ap, kintinibuka, teleb kipdeibuk.

Mazmur 40:5

Yatanye do, kanye talima eren ap, tilila yupu nyana ap, kum ulirye, ‘Allah el si Yahweh, elcuk lyelonamnil’ tenen, Allah atibuk, diba tenebuka ululnye bira, Allah arye melilamliba, el winin ning nirya ara, telebuk wininamle. Pia kanye delinamle. Atonye bira, elce talima erena deice, kwalilamak ninye ati, ‘Melipnamniak’ tenen, kum morolule. Tonda, talye ning ap, isa si ap erenyak ninye, sik isa si erenyak touk, kum winilule. Tonda, aninye ap, neika kum ulirye, ‘Sikda teleb unyake’ tenen, kum morolul bukni, Allah Yahweh atibuk, diba tenebuka winilule.

Roma 11:33

Se, na kwit capu. Allah elce kel kiyamuk ning ap, elce, ‘Deiyok ani’ tenen, moubuka tenelye ning ap ara, mambul weik ning ulule. Allah arye kel bikamuk ning nirya ara, kum nukmanto ulule. Elce, ‘Winipnamne. Teleb una ara ani,’ tenebuka yupu lepsisikuka bokolisilya ara, nun talye tukwak unyap ninye arye moubuka kum teneptibye. Allah el pil dolye ning ap, el winilul ning nirya ap, nun bidamang aryuk kum kel biktibye.

Efesus 3:10

Atalak noutam nirya, Allah arye, ‘Wininamne,’ tenyamsuk ning ara, winira akunum lak kipmasile. Ara, ani. Allah arye, lyepsukura, elti, dib tenenyap ninye noutamak pil dosilye ning nirya arye, im deice unyakce, ninye deiyok nang ap, im deice mikip weik unyak nang ap, eipsikirye, ‘Se, Allah ara, aning-aning nirya moubuka teneplirye, pia weik mambulnye, ulule’ tenen, kel bikinamake.

Mazmur 107:31

Ati ara, Allah Yahweh elce kanye arebukba, bico tenen, melilamuk ninye nirya arye, Allah el tibuk, “Telebe, anda weik telebnye ulyame,” nyabuka, el si erebuka kinamake. Tonda, Allah el si Yahweh arye tenebuka, pil dolul ning nirya ara, ‘Se, aning ara, ninye arye kum upmanto ning ulula’ tenen, el tibuk telebe nyanamake.

Mazmur 24:1

Tukwak mutuku ap, tukwak mutuku noutamak ulul ning ap nirya ara, Allah Yahweh el ning anya arye, elcuk aning nirya talilulba, pia darabuka ulule. Aning atonun, im sirya, mutuku sirya nirya noutamak unyak ninye nirya babye, Allah Yahweh arye talilulba, el amu tam unyake.

Mazmur 136:5

Atonun, elce aning-aning nirya kel weik bikilula deice arye, im ap, im tam ulul ning yuk-yuk ning nirya babye, elcuk kwepdeibuke. Allah Yahweh arye, nun Israel nang ati, “Pia bico tenesinirye, tuba-tuba melinamsine. Pia telebuk kilinamsine,” nyalin yupu deice arye nyapsuka ati, aning ara, pia kum bataknamsile. Anirya ara, nun nirya arye el tibuk si erebuka kina ati, ‘Naio nunce anti pia telebe,’ nyabuka nyanamabe.

Mazmur 8:3

Ance, ‘Wininamake,’ tenelamlum touk, milo mapu babye, mitik ton akunum nepnin banyak mapu babye, anti, “Se, nun ni Allah elda pia telebuk ulule,” nyabuka, an si erekinyake. An siuk erekinyaka ara, talye ati kume. Ara, malye weik unyak ninye nirya, amitik mapu arye an si erekinyakba, kibicopura, yupu kum nyapmanto unyake. Ara, malye wininyak ninye arye, ‘Allah nun like’ tenen, yanikinyak ninye ap, an olana atonun unyak ninye ap, tonda, ‘Allah arye wenesulula ati ara, nunce kwang dakna ati, el ulul ning ara, malye kilinamabe’ tenen, unyak ninye ap nirya ara, yupu nyapmanto kum unamake.

Nehemia 9:6

Tonda, sik Israel ninye arye, nyabik. Yahweh an tonok ara, dipkoprob Allah ulyame. Yuk ton kum ulule. Ancuk im deice kwepdeiplume. Ancuk im deice ulul ning kurya ap, wala ap, keting ap, aning-aning nirya kwepdeiplume. Tonda, laut mekwen ap, laut mekwen noutamak ulul ning ap, tukwak mutuku ap, tukwak mutuku noutamak ulul ning ap, nirya ara, ancuk kwepdeiplume. Winiplumce, aning-aning nirya kam una ati, isin areplumce, meliminba, tuba kam unyake. Ati ara, im deice yin talibuka unyak malaikat nirya arye, an si erena ati, kisok kanupdongobuka si erekinyake.

Efesus 1:8

Allah bico tenepsukce nun lyena ati weik arye, arepsuka ara, kum nukmanto. Pia weik arye, bico tenyamsukce, lyepsuke. Tonda, weik kele bikne ap, aning-aning nirya ati, ‘Deiyok ani’ tenen, pia moubuka tenyamuk ning ap, deice arye, lyepsuke.

Kejadian 1:31

Allah arye, kwepdeibuk ning, aning-aning nirya dinmokce, ‘Aning-aning nirya ara, pia telebe,’ tenebuk. Utenebukce, inipmoka ani, berekukba, like tonok ton nakub sum akunum kibuk.

Ayub 5:9

Ara, Allah arye tenebuka pil dolul ning ara, nun ninye arye tenebuka, kum pil doptibye. Tonda, kum moubuka kel biktibye. Allah arye teneplyopura, pil dolul ning ara, pia weik kum nukmanto ulule.

1 Timotius 6:17

Wini talak tukwak mutuku unyakce, aning-aning nirya, weik talikirye, bona weik talin nang atonun unyak ninye ati, nyanamlyame. “Anggunda maknya kanyeuk, kintinina ap, dina ap, meme. Bona ap, yo bok ap, tukwak bona weik nang nirya ap ara, anang deice anggun kanye delina kume. Aning arye kum lyepsutue. Aning nirya ara, pia unamle ning kume. Yata wiribuka talakuk aupmalya ani, aminyan talak tukwak ning nirya kum danamle. Tukwak ning ara, ‘Yata talak kum danamsil do?’ Nun walwal anya arye, aning ati kanye delina meme. Aning kum bukni, ‘Allah elcuk melipsilirye, lyepnamsil’ tenen, el deiceuk anggun kanye delinamlulume. Nun kanye deibuka, teleb una ati, arisilya deiyoknye bira, Allah elcuk aning-aning nirya weik arye arisulule.” Ayupu nyapnamlyame.

Mazmur 65:11

‘Ninye arye, wa wiamikce tuku mikroplyak’ tenen, Allah ance namin kililyame. Tonda, tuku bum miklamle ning nirya ara, namin kina ati, mok arepminba, mok cebuka mek dikilyame. Tonda ninye arye, tuku deice wa wibuka, din yala ning, ayala-ayala nirya dokikiba, dokolul ning ati ara, yating arepminba, teleb kibuka palule. ‘Ninye arye koulamak ning nirya, teleb kibuka papnamle’ tenen, mok arepminba, teleb kibuka weik arye papliba, ninye weika arye linyake.

Mazmur 92:6

Se, nun ni Yahweh, an weik mikip deice mambul pil dosiminyeba, eibipye ning ara, nunce ‘Se,’ tenen, kanye losulule. Nun akunum bikinyabe. An kanye talima noutam teneplum ning ara, pia mambul ulula ati, nunce pia kum biktibye. Weik mekwen kaurwe, kum wekmanto ulye touk, ance teneplum ning ara, kum bikmanto ulule.

Mazmur 107:24

Ati, sik weik laut mekwen deice, kapal arye bukuka balamik nang ara, Allah Yahweh arye, ninye kum winipmanto pil, weik mambul pil, laut mekwen deice domuk ning ara, sik asing arye eililamikce, kel biklamik. Tonda, weik laut mekwen noutamak ubuk ning nirya babye, laka ulamukba, eibuka kel biklamik.

Mazmur 148:7

Se, Allah Yahweh, elce kwepdeibukura, tukwak mutuku noutamak unyak ning ayala-yala nirya arye, elcuk si erebuka donamlulume. Tonda, “Allah anda pia telebuk ulyame,” nyabuka, el si erenamlume. Tonda, weik laut mekwen noutamak ara, ulamle kwatima, el si ara Naga kwatima ap, yuk weik mekwen pum bal, ayala-yala nirya ap arye, Allah el si atibuk pia erenamlume.